Daniyeli 4:13 - IBAYIBOLO 2024

¹³ Bo ingonite pachitala chane pabusiku bulabula, nkamwennya sona uwantumi umuzelu yuyo akikagha kumwanya.

Daniyeli 4:13 Cross References

Yobu 12:24

Akubapungannya abalongozi aba muchisu ichapasi, nukubembezya munkolongo.

Masalimo 103:20

Mwee bantumi bache, mupalaye u Mwene, kokuti mwe bamaka mwe mukuzikonka indaghilo zyache mupalaye u Mwene.

Masalimo 89:7

Bakumunyila nkani u Chala mulukomano uluzelu nkani, sona wakuswighisya ukubachila bosi babo bamuzyunguliye

Daniyeli 4:10

Bo ingonite pachitala chane pabusiku nkachennya ichisetuka icha ikwi itali nkani, lilyo likaba pakasikasi pachisu ichapasi.

Daniyeli 4:17

Ululaghilo ulu lwasimikiziwa na bantumi abazelu, po abantu bosi bamanye ukuti u Chala uwakumwanya nkani weyuyo akulaghila ubumwene bosi ubwa bantu sona nukuti akumupa umuntu wesi yuyo akumulonda pakumupa, nukumwikazyapo umuntu uwapasi nkani pabumwene bulabula.

Daniyeli 4:23

“Wee mwene, ukamwennya uwantumi umuzelu akwika kumwanya akuti, ‘Lidumule ikwi nukulinangannya, loli uchileke ichisinko, bo uchipinyiliye ni chela nu mukuba nukuchileka mwisote, sona amagululuzi ghache ghabe mwitope. Muleke anyekaye ni nganda, sona ikalaye poka ni vinyamana mupaka amaka seveni.’

Daniyeli 4:5

Bo ingonite pachitala chane pabusiku, nkanyila nkani pachifukwa ichakuti ichisetuka, chicho nkachennya chikaba chakoghofya.

Daniyeli 7:1

Mumwaka uwakwanda bo u mwene u Belishazala akulaghila mu Babiloni, u Daniyeli akalota ichilota, sona akennya ivisetuka bo alambalaye pachitala chache pabusiku. Po akachisimba ichilota chache chila umwabupimpa bulo ngati ulu:

Daniyeli 7:17

‘Ivinyamana folo ivikulu nkani vila, bo bumwene folo, bubo bukwiza pakuboneka pachisu ichapasi.

Daniyeli 7:23

“Po akandingannya akati, ‘Ichinyamana ichafolo, bo bumwene ubwafolo bubo bukuboneka pachisu ichapasi. Ubumwene bunubu bukwiza pakulekana na mabumwene aghanji sona chikwiza pakulya nukuvulazya sona nukukanyankila.

Daniyeli 8:13

Po nkivwa uwantumi akumulalusya uwantumi uyunji akuti, “Nkimba ichisetuka chako chikwiza pakukwanilisiwa liyi? Nkimba ichinyazu ichakunangannya chinichi chikwiza pakupyanilaghapo liyi pachakwiyipa icha isiku ni siku? Nkimba abasilikali sona naba Mubuzilo Ubuzelu bakwiza pakukanyankiliwa mupaka liyi?”

Zekaliya 14:5

Mukwiza pakupona pachifukwa icha likombe lilyo lili pakasi pamaghamba mabili, pakuti likwiza pakufika mupaka ku Azeli. Mukwiza pakuchimbila ngati mumo mukachimbilila akasenyenta, bo u mwene Uziya akulaghila mu Yuda. Po u Mwene u Chala wane akwiza pakwiza poka na bantu bache bosi abazelu.

Matayi 25:31

“Bo u Mwana uwa Muntu akwiza pakuba we Mwene poka na bantumi bosi, akwiza pakwikala pachitengo icha bumwene icha buchindamu.

Maliko 1:24

“Wee Yesu uwamu Nazaleti, ukulonda ichoni naswe. Nkimba wiza pakutunangannya? Nkumenye! Awe we ntumi Izelu iya Chala!”

Luka 4:34

akati, “Wee! Yesu uwamu Nazaleti, ukulonda ichoni naswe. Nkimba wiza pakutunangannya? Nkumenye! Awe we ntumi izelu iya Chala!”

Ukukumbusya Amalamulo 33:2

Bo ali pakubasaya akanena akati, “U Mwene akika pighamba ilya Sinayi, sona akazubuka ukufuma ku Seyili. Akabalamila abantu bache, bo ali pighamba ilya Palani. Akiza poka ni chilundilo icha bantumi 1,000 bo alemite umoto uwakwaka munyobe yache.

Yuda 1:14

Akaba we Enoki uwa nkulilo iyaseveni ukwandila pa Adamu, yuyo akalaghula nizya bantu banaba ukuti, “Ennya, u Mwene akwiza na bantumi aba kumwanya abasita kubelengiwa

Ubuvumbuli 14:10

wepe akwiza pakung'wela uvinyo uwabukali ubwa Chala. Uvinyo yuyo ate mongannye nachimochimo. Akwiza pakuyiviwa numoto, sona nu sulufule pamaso pa bantumi abazelu aba Chala, na pamaso pa Mwana uwa ng'ozi.