Daniyeli 2:13 - IBAYIBOLO 2024

¹³ Po ululaghilo lukafumuziwa ulwakuti abantu abamahala baghoghiwanje, sona bakabatuma abantu pakumulonda u Daniyeli, poka na bamanyani bache bala ukuti baghoghiwanje.

Daniyeli 2:13 Cross References

Masalimo 94:20

Nkimba abalongi abamabeko bangamanyana namwe, babo bakubomba ububibi pakususannya ni ndaghilo?

Yesaya 10:1

Chighune kubabo bakupinya indaghilo imbibi, sona kubabo bakusimba indaghilo izya kubayivya abamwabo,

Daniyeli 2:24

Po u Daniyeli akamubuzya u Aliyoki, yuyo u mwene akamusala ukuti abaghoghe abantu abamahala aba mu Babiloni akati, “Utakabaghoghaye abantu abamahala aba mu Babiloni. Twende unsindikile pamaso pa mwene, po nkwiza pakumusanuzizya.”

Daniyeli 5:19

Akaba mukulu nkani umwakuti, naba inko zyosi, nuluko losi sona na baneno zyosi bakamunyilagha nkani nukutetema pamaso papache. Nanti akalondagha pakumughogha umuntu yumo, naloli akamughogha. Nanti akalondagha pakumuleka mumi umuntu yumo, naloli akamulekagha mumi. Nanti akalondagha pakumukwezya umuntu yumo, naloli akamukwezyanga. Nanti akalondagha pakumukozya isoni umuntu yumo, naloli akamukozyanga isoni.