Daniyeli 10:16 - IBAYIBOLO 2024

¹⁶ Po yumo yuyo akabonekagha ngati muntu, Akapalamasya imilomo yane nukunyighula umulomo, po nkanda pakunena. Nkamubuzya yuyo akimilila pamaso papane ukuti, “Wee songo, ivintu vivyo navyennya muchisetuka vyambaba nkani mumoyo, sona inte na maka.

Daniyeli 10:16 Cross References

Ukufuma 4:10

U Mozesi akati, “Wee Mwene nalamba, utakantume ane. Ane te ne muneni umwiza ukwanda kale, pamo ukwandila pakabalilo kako ukanda pakunena nane ne mubombi wako. Ululumi lwane lung'wamite, sona ne muntu uwachilita.”

Ukufuma 4:13

Loli u Mozesi akamula akati, “Wee Mwene, nalamba tumako umuntu uyunji bulo.”

Umulumbilili 1:18

Pakuti pakuba na mahala aminji nkani kukupela ichitima nkani, amahala aminji ghakupela intamyo inyinji.

Yesaya 6:7

Akaghupalamasya umulomo wane ni zimwa nukuti, “Ennya izimwa ili lyapalamasya imilomo yako ukunanga kwako kwamala, sona imbibi zyako zyahobokeliwa.”

Yelemiya 1:9

Po u Mwene akagholosezya inyobe yache pa mulomo nukughupalamasya. Po akati, “Ivwa, nkubika amazyu ghane mumulomo wako.

Ezekiyeli 1:26

Pamwanya pamitu yabo pakaba chicho chikabonekagha ngati chitengo icha bumwene ubwa safile, pamwanya pachitengo icha bumwene pakikala yuyo akaboneka ngati muntu.

Ezekiyeli 3:27

Loli nanti nkunena nawe nkwiza pakukwighula umulomo wako, po ukwiza pakubabuzya ukuti, ‘U Mwene Uwamaka Ghosi akuti.’ Yuyo akulonda pakuteghelezya, muleke ateghelezye, sona wesi yuyo akukana, muleke. Pakuti basambuke.”

Ezekiyeli 33:22

Pachamabwila bo umuntu yula atizite, amaka agha Mwene ghakanyizila, pandabindabi bo umuntu yula atizite, u Mwene akighula umulomo wane, sona intakaba bulo myee.

Daniyeli 12:8

Nkivwa loli intakivwisya. Po nkalalusya nkati, “Wee mwene wane, nkimba ivintu vinivi vikwiza pakumala bulibuli?”

Daniyeli 4:19

U Daniyeli yuyo akitiziwanga ukuti Belitishazala akaswigha nkani ukwa kabalilo, umwakuti ubogha bukamulema. Po u mwene akati, “Wee Belitishazala ichilota ichi pamo ubusanuzyi bwache vitakakoghofyanje.” U Belitishazala akamula akati, “Wee mwene wane! Nalondagha ngali ichilota ichi sona nu busanuzyi bwache bubawile abalwani bako, loli vitakakuwile!

Daniyeli 7:15

“Ane ne Daniyeli, nkatamiwa nkani mumoyo, sona nkaba nubogha nkani pachifukwa icha zizyo nkazyennya muvisetuka vyane, po zikanvulungannya nkani.

Daniyeli 7:28

“Ubu bo bumalilo ubwa fundo yiniyi. Po ane ne Daniyeli nkatamiwa nkani mumoyo wane, sona chope icheni chane chikasulumannya, loli nkavisunga bulo mumoyo wane.”

Daniyeli 8:15

Bo ane ne Daniyeli nkwennya ichisetuka sona bo nkuyezya pakuchivwisya, pamaso papane pakimilila yumo yuyo akaba ngati muntu.

Daniyeli 8:17

Bo akupalamila papo nkimilila, nkanyila po nkawa ubukupama. Akambuzya akati, “Wee mwana uwa muntu, uchivwisye ichisetuka chikunena nizya masiku aghabumalilo.”

Daniyeli 8:18

Bo akunena nane nkaghona utulo utwakufwa nato, bo icheni chane chikotamiye pasi. Po akampalamasya nukunyamusya.

Daniyeli 8:27

Ane ne Daniyeli nkalita nkani, sona nkabinapo amasiku aminji. Po nkanyamuka nukubuka pakubomba imbombo kunyumba iya mwene. Nkaswigha nkani ni chisetuka chila sona intakachivwisyanga.

Daniyeli 9:21

Bo nkwiputa, u Gabiliyeli yuyo nkamwennya muchisetuka ichakwanda akabulukila papo nkaba. Kanaka kakaba kabalilo aka chamabwila akakubikila ichakwiyipa.

Luka 1:64

Umwalubilolubilo ululimi ulwa Zekaliya lukasatuka nukwanda sona pakunena, po akanda pakumupala u Chala.

Luka 21:15

pakuti nkwiza pakubapa amazyu na mahala aghakuti nayumo uwa balwani binyu akwiza pakukana pamo ukususya zizyo mukunena.

Yohani 20:28

U Tomasi akamwamula akati, “Mwene wane, sona nu Chala wane.”

Yoshwa 5:14

Umuntu yula akamula akati, “Awe, te ne mumanyani, pamo ne mulwani. Loli ne songo uwa basilikali aba Mwene.” Bunubu u Yoshwa akakupama nukumwiputa, po akamulalusya akati, “Nkimba u Mwene, antumiye mazyu ghoni ne mubombi wache?”

Ubuvumbuli 1:13

Pakasi pa nyale zila, nkennya yumo yuyo akaboneka ngati muntu. Akavwala inkazo intali yiyo yikafika kunyayo zyache, akapinya ulamba uwa golide pachifuba chache.

Abalongi 13:8

Po u Manowa akiputa kwa Mwene akati, “Wee Mwene, nkukulaba ukuti umutume sona umuntu uwa Chala, yuyo wamutumite ukuti atumanyisye namumo tungamusungilila umulumendo uyu, bo apapiwa.”

Abalongi 6:13

U Gidiyoni akamula akati, “Wee mwene wane, loli nanti u Mwene ali naswe, nkimba choni chicho ivintu vyosi vinivi vyatuwila? Nkimba vili ko kwiyi iviswigho vyosi vivyo abanyenya bitu bakatubuzya bo bakuti, ‘Nkimba te wewe Mwene we ukatwefyamo mu Ijiputi?’ Loli ilelo u Mwene atulekite nukutubika munyobe izya ba Midiyani.”

Abalongi 6:15

U Gidiyoni akamulalusya u Mwene akati, “Nkimba ningabapoka bulibuli aba Izilayeli? Pakuti abamunyumba iya tata wane bo badedebazu nkani pakasi pa baluko ulwa Manase, sona ne munandi nkani munyumba iya tata wane.”