Daniyeli 1:2 - IBAYIBOLO 2024

² Po u Mwene akamubika u Yehoyakimu munyobe zyache, sona akasenda ivibombelo vimo ivya mu Nyumba iya Chala nukubuka navyo kunyumba iya bachala bache muchisu icha Babiloni, sona akavibika ivibombelo vila muvipinda ivyakusungilamo ubukabi.

Daniyeli 1:2 Cross References

Ubwandilo 10:10

Pakwanda impaka iya ubumwene bwache yikafika mupaka ku Babiloni, naku Eleki sona naku Akadi. Utwaya tosi tutatu tunutu tukaba mu Babiloni.

Ubwandilo 11:2

Bo bali pakwendakwenda bulo kubufumilo bwizuba, bakiza mwikombe limo mu Babiloni nukwikala mulamula.

2 Abamwene 24:1

Bo u Yehoyakimu akulaghila, u mwene u Nebukadineza uwamu Babiloni akalwa ubwite ni chisu icha Yuda, umwakuti Yehoyakimu akaba pasi pabulaghili ubwa Nebukadineza amaka matatu. Loli pisinda pache akandula inyinong'ono nukumusambukila u Nebukadineza.

2 Imbili 36:5

U Yehoyakimu akaba na maka 25 bo anda pakulaghila, sona akalaghila amaka 11 bo ali mu Yelusalemu. U Yehoyakimu akamunangila u Mwene u Chala wache.

2 Imbili 36:7

U Nebukadineza akasenda sona ivibombelo ivya mu Nyumba iya Mwene nukubuka navyo pakuvibika munyumba yache iya bumwene mu Babiloni.

Ezila 1:7

Wepe u mwene u Sayilasi akefya kuzi ivibombelo vyosi ivya mu Nyumba iya Mwene, vivyo u Nebukadineza akavisenda mu Yelusalemu nukuvibika munyumba iya bachala bache.

Yesaya 11:11

Pisiku lila u Mwene akwiza pakulanjizya amaka ghache akabubili, pakubabwezya abantu bache abakusyalako ukufuma kuvyisu ivi, Asiliya na kuchigaba icha kuntede ku Ijiputi na kuchigaba ichakumitu icha Ijiputi nu Etiyopiya nu Elamu nu Babiloni nu Hamati na musungo zyosi izya Nyanja iya Medeteleniya.

Yesaya 42:24

Nkimba wewenu yuyo akamubika u Yakobo, munyobe izya bakuzompola, sona aba Izilayeli munyobe izya bakufyula? Fwandi atakaba we Mwene yuyo tumunangiye? Pakuti batakakonkagha ivimanyisyo vyache, sona batakivwilagha ululaghilo lwache?

Yelemiya 25:1

U Mwene akamubuzya u Yelemiya ukuyana nizya ba Yuda bosi mumwaka uwafolo bo u Yehoyakimu umwana uwa Yosiya, u mwene uwa ba Yuda, ghugho ghukaba mwaka uwakwanda uwa Nebukadineza u mwene uwa Babiloni.

Yelemiya 27:16

Po nkababuzya abaputi na bantu bosi banaba nkati, “Izi zyo zizyo u Mwene akunena, mutakabateghelezyanje abalaghuzi babo bakuti, ‘Ivibombelo ivya mu Nyumba iya Mwene ivya mu Babiloni vikwiza lunulu.’ Vyabumyasi vivyo bakubalaghulila.

Yelemiya 28:3

Mumaka mabili bulo nkwiza pakuvinyosya ivibombelo ivya mu Nyumba iya Mwene vivyo u Nebukadineza u mwene uwa ku Babiloni akavyefyamo nukubuka navyo ku Babiloni.

Yelemiya 35:11

Loli bo u Nebukadineza u mwene uwamu Babiloni achifyula ichisu ichi, tukivwana pakunyokela ku Yelusalemu ukuti, ‘Tupone kutubukatila utwa bwite utwa ku Babiloni nutwa ku Siliya.’ Cho chifukwa tukwikala mu Yelusalemu.”

Yelemiya 50:2

“Fumusya nukulumbilila pakasi pa inko, kwezya indembela nukufumusya, utakavindepo nakamokamo, loli unene ukuti, ‘U Babiloni akwiza pakulemiwa. U chala wache u Belo akwiza pakukoziwa isoni, sona ubogha bwamulema u chala wache u Maladuka. Ivifwani vyache vyakoziwa isoni, sona bope abachala bache baba nubogha.’

Yelemiya 51:44

Nkwiza pakumufunda u Belo u chala uwa Babiloni, nukumutapizya vivyo akamila. Inko zitakwiza pakubuka kukwache sona. Ulubumba ulwa Babiloni lukwiza pakuwa.

Daniyeli 5:13

Bakiza nu Daniyeli pamaso pa mwene, po u mwene akamulalusya akati, “Nkimba awe we Daniyeli weka uwa bazya, yuyo utata u mwene akabasenda muchisu icha Yuda?

Daniyeli 5:18

“Wee mwene, ivwa kuno, u Chala Uwakumwanya Nkani akamupela ughuso u Nebukadineza pakuba we mwene umukulu nkani, sona akamupa ubuchindamu nu bumwene.

Habakuku 1:16

Polelo bakukubika ivyakwiyipa, nukuchifukizizya utwakunukila ichilepa chache. Pakuti akwilagha ubumi pachifukwa icha ichilepa chache, sona akwaghilamo ichakulya ichinonu nkani.

Zekaliya 5:11

Uwantumi yula akanyamula akati, “Bakubuka nacho kuchisu icha Babiloni pakuchizengela inyumba yache. Nanti bamala pakuchizengela inyumba, po bakwiza pakuchibika pabuzilo bwache ukuti bachichindikaye.”

Ukukumbusya Amalamulo 32:30

Nkimba choni chicho umuntu weka akabachimbizya abantu 1,000 pamo abantu babili ukubachimbizya abantu 1,000? Ichi cho chifukwa Ilyalabwe lyabo lyabaleka bene, sona u Mwene wabo uwamaka abaghulizya.

Abalongi 2:14

Po u Mwene akabakalalila aba Izilayeli nukubabika munyobe izya mavyondongo, ghagho ghakafyula ivintu vyabo. Akababika munyobe izya balwani bosi babo bakabazyungulila, umwakuti batakipoka bene.

Abalongi 3:8

U Mwene akabakalalila nkani aba Izilayeli, umwakuti akababika munyobe izya mwene u Kushani Lishatayimu uwa muchisu icha Mesopotamiya, po akabalaghila aba Izilayeli amaka eyiti.

Abalongi 4:2

Po u Mwene akababika munyobe izya Yabini u mwene uwa ba Kenani yuyo akalaghilagha mukaya akakulu nkani aka Hazoli. Usongo uwa basilikali bache akaba we Sisela, yuyo akikalagha mu Halosheti Hagoyimu.

1 Samuweli 5:2

Po bakalyinjizya munyumba iya Dagoni, uchala wabo nukulibika papipi ni chifwani icha Dagoni.