फिलिप्‍पि 4:9 - लिम्‍बु

⁹ इङ्‌गाॽलाम् के़हुॽआसिबा, के़घोसुम्‍बा, के़घे़प्‍सुम्‍बा, हे़क्‍क्‍याङ् इङ्‌गाॽओ के़निसुम्‍बा पाःन्‍हाॽ कुइसिक् चोगे़म्‍मे़ॽओ॥ हे़क्‍केलॽरिक् सनारुङ् के़बिबा निङ्‌वाॽफुमाङ्‌ङिन् खिनिॽनु वाॽरो॥

फिलिप्‍पि 4:9 Cross References

याकुब 1:22

कर पाःन्‍जाक्‍किल्‍ले़ पाःत्तुबा कुइसिक् चोगे़म्‍मे़ॽओ॥ पाःन्‍जाक् के़घे़म्‍बारक् के़बोःक्‍खिॽने़ फाॽग्र आबाङे इङ्‌गे़ले़क्‍कासिॽरो॥

फिलिप्‍पि 3:17

आमिःम् फुॽनुसाॽ नु ने़ॽनुसाॽसे, इङ्‌गाॽ हिङ्‌ङाबा कुइसिक् आजोःङ् के़इःप्‍पा पोःक्‍खे़म्‍मे़ॽओ, हे़क्‍केलॽरिक् याप्‍मि के़दिम्‍बाहाॽरे़ खुनिॽ हिङ्‌मन्‍नोलाम् हुॽसिङ्‌ङे़म्‍मे़ॽओ

२ पत्रुस 1:10

खे़ल्‍ले़चोगुल्‍ले़ आमिःम् फुॽनुसाॽ नु ने़ॽनुसाॽसे, निङ्‌वाॽफुमाङ्‌ङिल्‍ले़ खिनिॽ के़उःत्तिबान् नु के़सेगिबान् नुःरिक्‍काङ् निःन्‍धो चोःक्‍मा तम्‍सिङ् चोगे़म्‍मे़ॽओ, थेआङ्‌भे़ल्‍ले़ खिनिॽ हे़क्‍के के़जोगुम्‍ने़ फाॽग्र आप्‍फाल्‍ले़आङ् के़न्‍जोःन्‍दिन्‍लो॥

युहुन्‍ना 13:17

आल्‍ल कन् पाःन्‍हाॽग कुसिङ् के़निःत्तुम्‍माङ् के़वयिॽ, हे़क्‍क्‍याङ् कङ्‌हाॽ के़जोगुम्‍ने़ फाॽग्र मुॽइसाबा के़बोःक्‍खिॽरो॥”

फिलिप्‍पि 4:7

हे़क्‍क्‍याङ् मे़न्‍छाम् निङ्‌वाॽरे़ कुसिङ् निःप्‍मा सुक्‍मे़न्‍दे़प्‍मनाबा निङ्‌वाॽफुमाङ्‌ङिल्‍ले़ कुसनारुङ्‌ङिल्‍ले़ए खिनिॽ सिक्‍लुङ्‌मा नु निङ्‌वाॽइन् ख्रिस्‍त ये़सुओ ताङ्‌से़ःप्‍तुॽरो॥

रोमि 16:20

सनारुङ् याप्‍मि के़बिबा निङ्‌वाॽफुमाङ्‌ङिल्‍ले़ हाराए माफे़न्‍साम्‍मिन् खिनिॽ लाङ्‌भो सिगाङ् थासुआङ् तोॽरुॽरो॥ आल्‍ल आनिॽ दाङ्‌बा ये़सु ख्रिस्‍तरे़ कुलुङ्‌गुम्‍मिन् खिनिॽनु वाॽर॥

२ कोरन्‍थि 13:11

आल्‍ल आमिःम् फुॽनुसाॽ नु ने़ॽनुसाॽसे, कुनुप्‍मो से़म्‍मुॽइ से़वारो॥ कुलिङ्‌दो के़प्‍मा निङ्‌वाॽ चोगे़म्‍मे़ॽ, आबाःन्‍निन् खे़प्‍से़म्‍मे़ॽ, निङ्‌वाॽओ थिक्‍हुप् पोःक्‍खे़म्‍मे़ॽ, सनारुङ्‌ङो वये़म्‍मे़ॽओ॥ हे़क्‍क्‍याङ् मिःम्‍जि नु सनारुङ् दाङ्‌बा निङ्‌वाॽफुमाङ्‌ङिन् खिनिॽनु वाॽरो॥

लुका 6:46

“इङ्‌गाॽ पाःत्तुङ्‌बा पान् कुइसिक् के़न्‍जोगुम्‍मिन्‍निल्‍ले़, थेआङ् इङ्‌गाॽ ‘आदाङ्‌बे, आदाङ्‌बे,’ याप्‍मि के़मे़त्तिॽबे?

मत्ति 28:20

इङ्‌गाॽ इङ्‌जाङ् पिनिङ्‌बा के़रे़क् पाःन्‍हाॽ इःप्‍मा नाःप्‍मा हुॽरे़म्‍सिम्‍मे़ॽओ॥ ओमे़त्ते़म्‍मे़ॽओ, इङ्‌गाॽग इक्‍सादिङ् खाम्‍बेःक्‍माल्‍ले़ कुनुप्‍मो थारिक्‍के खिनिॽनु सदादिङ् वाॽआरो॥”

मत्ति 7:21

आल्‍ल “‘आदाङ्‌बे, आदाङ्‌बे’, लॽरिक् याप्‍मि के़मे़प्‍पाहाॽ के़रे़क् साङ्‌ग्राम्‍पेदाङ्‌बा हाङ्‌जुम्‍मो मे़न्‍लाःत्‍ने़न्‍लो, कर साङ्‌ग्राम्‍पेदाङ्‌ङो के़वाॽबा पानुदिङ् आम्‍बारे़ कुनिङ्‌वाॽ हे़क्‍के के़जोःक्‍पाहाॽरक् मे़लाःत्‍लो॥

२ थिस्‍सलोनिकि 3:4

हे़क्‍क्‍याङ् आनिगे हुॽआसिगे़बा काक् पाःन्‍हाॽ खिनिॽ के़जोगुम् हे़क्‍क्‍याङ् के़दाबा ये़म्‍मोआङ् के़जोगुम् के़लॽबा दाङ्‌बाओ ताःक्‍पो चोःक्‍कासिगे़आङ् वयिगे़रो॥

१ थिस्‍सलोनिकि 1:6

आक्‍खे़न् तुक्‍खे के़ज्‍ये़ॽइसाङ् सेसेमाङ्‌ङिल्‍ले़ के़बिरिबा ओमुलॽमाओ सुनाइङ्‌ङिन् के़दाःक्‍तुम्॥ हे़क्‍केलॽरिक् खिनिॽग दाङ्‌बाल्‍ले़न् नु आनिगे चोःङ् के़इःत्तुम्‍माङ् के़वयिॽरो॥

१ थिस्‍सलोनिकि 5:23

आल्‍ल याप्‍मि सनारुङ् के़बिबा निङ्‌वाॽफुमाङ्‌ङिल्‍ले़ खिनिॽ सेसे के़जोगिररो॥ हे़क्‍क्‍याङ् खुने़ॽए आनिॽ दाङ्‌बा ये़सु ख्रिस्‍तरे़ कुयुमा ये़न् थारिक् खिनिॽ के़रे़क् हिङ्‌मन्‍निन्—याम्‍साम्, सक्‍मासाम्, हे़क्‍क्‍याङ् नासिङ्‌गे़न् थक्‍किन्—फोत्‍या मेःन्‍ने सेसे कत्तुनिरो॥

रोमि 15:33

सनारुङ् के़बिबा निङ्‌वाॽफुमाङ्‌ङिन् खिनिॽ के़रे़क्‍नु वाॽररो॥ आमे़न्॥

युहुन्‍ना 2:5

कर कुम्‍मा पेआङ् खे़प्‍मोबा से़वारोबाहाॽ मे़त्तुसि, “खुने़ॽ पाःत्तुबा हे़क्‍केए चोगे़म्‍मे़ॽओ॥”

लुका 8:21

कर ये़सुरे़ नोगप् पिरुसि, “निङ्‌वाॽफु पाःन्‍जाक् के़घे़म्‍बाहाॽ हे़क्‍क्‍याङ् खे़न् कुइसिक् के़जोःक्‍पाहाॽ के़रे़क् इङ्‌गाॽ आम्‍मा नु आन्‍साॽसिरो॥”

१ थिस्‍सलोनिकि 2:14

फुॽनुसाॽ नु ने़ॽनुसाॽसे, यहुदिया थुम्‍मो ख्रिस्‍त ये़सुन् नसान् के़जोःक्‍पा निङ्‌वाॽफुमाङ्‌ङिल्‍ले़ कुसेसेहुप्‍लक्‍हाॽरे़ खुनिॽ चोःङ् के़इःत्तुम्‍लो॥ थेआङ्‌भे़ल्‍ले़ यहुदिहाॽरे़ खे़ङ्‌हाॽ निङ्‌घुम् मे़मे़त्तुसिबा कुइसिःक्‍के खिनिॽआङ् आबाङे लाजेॽसाबाहाॽरे़ तुक्‍खे के़म्‍जाःत्तिआङ् के़वयिॽरो॥

१ कोरन्‍थि 10:31

खे़ल्‍ले़चोगुल्‍ले़ खिनिॽ थे के़जाम्, थे के़धुङुम् हे़क्‍क्‍याङ् थे के़जोगुम्‍साङ् निङ्‌वाॽफुमाङ्‌ङिल्‍ले़ कुमिमिदिङ्‌ङिल्‍ले़ लागि काक् चोगे़म्‍मे़ॽओ॥

साम्‌योथिम् इङ् 5:1

मोसाःल्‍ले़ के़रे़क् इस्राइलिहाॽ उःत्तुसिआङ् मे़त्तुसि, “इस्राइलिसे, आइन् आङ्‌गाॽ खिनिॽ पिनिङ्‌बा थिम् नु साम्‌यो साक्‍थिम्‍हाॽ खे़प्‍से़म्‍मे़ॽ, हे़क्‍क्‍याङ् खे़ङ्‌हाॽ खिनिॽ सिङ्‌सिङ् ये़क्‌ये़क्‍काङ् इःत्ते़म् नाःत्ते़म्‍मे़ॽ॥

सेःक्‌युक्‍मिबाहाॽ 9:6

आल्‍ल खे़ने़ॽ पोगे़ॽआङ् ये़क्‌यक्‍को पेगे़ॽ॥ खे़प्‍मोए खे़ने़ॽ थे चोःक्‍मा पोङ् इङ्‌गाॽ मे़त्‍ने़ॽरो॥”

यसैया 41:10

कल्‍ले़चोगुल्‍ले़ खे़ने़ॽ मे़गिसे़न्‍ने़ॽओ, थेआङ्‌भे़ल्‍ले़ आङ्‌गाॽ खे़ने़ॽनु वाॽआरो॥ के़निङ्‌साङ् मे़बुगे़न्‍ने़ॽ, थेआङ्‌भे़ल्‍ले़ आङ्‌गाॽ के़निङ्‌वाॽफुमाङ्‌आरो, आङ्‌गाॽ खे़ने़ॽ के़धुम्‍बा चोःक्‍ने़रो॥ आङ्‌गाॽ खे़ने़ॽ फाॽने़रो, साम्‌योबा आजुक्‌वा आहुक्‍किल्‍ले़ आङ्‌गाॽ खे़ने़ॽ फाॽने़ चोःक्‍ने़रो॥

२ तिमोथि 4:22

दाङ्‌बान् खे़ने़ॽनु वाॽररो॥ हे़क्‍केलॽरिक् निङ्‌वाॽफुमाङ्‌ङिल्‍ले़ कुलुङ्‌गुम्‍मिन् के़रे़क्‍नु वाॽररो॥

१ कोरन्‍थि 14:33

थेआङ्‌भे़ल्‍ले़ निङ्‌वाॽफुमाङ्‌ङिङ्‌ग ये़मे़न्‍दङ् मेःन्, कर सनारुङ्‌ले़न् निङ्‌वाॽफुमाङ्‌लो॥ के़रे़क् सेसे मनाहाॽरे़ के़रे़क् खुनिॽ सेसेहुप्‍लक्‍कोबा चोःक्‍थिम् कुइसिक्

युहुन्‍ना 15:14

खिनिॽ पिनिङ्‌बा आइङ्‌जाङ्‌ङिन् के़इःत्तुम् के़नाःत्तुम्‍ने़ फाॽग्र आन्‍जुम् के़बोक्‍खिरो॥

१ युहुन्‍ना 3:22

हे़क्‍क्‍याङ् आनिॽग निङ्‌वाॽफुमाङ्‌ङिल्‍ले़ कुइङ्‌जाङ्‌ङिन् आइःत्तुम् आनाःत्तुम्‍बा नु खुने़ॽ कुसिराॽ के़धाङ्‌बा याःम्‍बक् आजोगुम्‍बाल्‍ले़ चोगुल्‍ले़ आनिॽ आनाःक्‍तुम्‍बा पाःन्‍निन् खुने़ॽ आबिॽरो॥

मत्ति 1:23

“सिसादिङ् मे़न्‍छियाइन् मे़न्‍छुक्‍मा पोङ्‌ङाङ् ये़म्‍बित्‍छाॽसाधिक् कत्तुॽ, हे़क्‍क्‍याङ् खे़न् इम्‍मानुएल मे़मे़त्तुॽरो॥ ‘इम्‍मानुएल’ फाॽइङ्‌ग ‘निङ्‌वाॽफुमाङ्‌ङिन् आनिॽनु वाॽ’ पोङ्‌लो॥”

यसैया 8:10

आक्‍खेआङ् थङ् थक्‍माबे फाॽआङ् निङ्‌वाॽ इःत्ताम्‍मे़ॽओ, कर खे़न् कुलिङ्‌दो मे़गे़त्‍ने़न्‍लो॥ खे़निॽ चोःक्‍मा निङ्‌वाॽ के़जोगुम्‍बा पाःन्‍हाॽ युक्‍खाम्‍मे़ॽओ, कर खे़न् माबेक्, थेआङ्‌भे़ल्‍ले़ निङ्‌वाॽफुमाङ्‌ङिन् आनिॽनु वाॽरो॥

१ कोरन्‍थि 4:16

खे़ल्‍ले़चोगुल्‍ले़ इङ्‌गाॽ आजोःङ् के़इःप्‍पा पोःक्‍खे़म्‍मे़ॽ फाॽआङ् पेलि फाक्‍निङ्‌लो॥