फिलिप्‍पि 4:13 - लिम्‍बु

¹³ इङ्‌गाॽग दाङ्‌बाल्‍ले़ के़धुम्‍बा चोःक्‍काबाल्‍ले़ चोगुल्‍ले़ काक् पाःन्‍हाॽ चोःक्‍मा सुक्‍तुङ्‌लो॥

फिलिप्‍पि 4:13 Cross References

यसैया 41:10

कल्‍ले़चोगुल्‍ले़ खे़ने़ॽ मे़गिसे़न्‍ने़ॽओ, थेआङ्‌भे़ल्‍ले़ आङ्‌गाॽ खे़ने़ॽनु वाॽआरो॥ के़निङ्‌साङ् मे़बुगे़न्‍ने़ॽ, थेआङ्‌भे़ल्‍ले़ आङ्‌गाॽ के़निङ्‌वाॽफुमाङ्‌आरो, आङ्‌गाॽ खे़ने़ॽ के़धुम्‍बा चोःक्‍ने़रो॥ आङ्‌गाॽ खे़ने़ॽ फाॽने़रो, साम्‌योबा आजुक्‌वा आहुक्‍किल्‍ले़ आङ्‌गाॽ खे़ने़ॽ फाॽने़ चोःक्‍ने़रो॥

कलस्‍सि 1:11

खुने़ॽ कुमिमिदिङ्‌गे़न् कुमुक्‍साम्‍लाम्‍बा खिनिॽ के़धुम्‍बा के़बोःक्‍खिर फाॽआङ् आनिगे तुवा चोगुम्‍बे़, हे़क्‍केलॽरिक् खिनिॽ चाहाबा के़जोगिबा काक् निङ्‌वाॽ हाङ्‌गे़म्‍सिङ्‌मान् नु नासि थःप्‍मान् के़घोसुम्‍लरो॥ हे़क्‍क्‍याङ् सःप्‍मे़ल्‍ले़ कुधिम् के़बोःक्‍खिररो,

एफिसि 6:10

आल्‍ल कुनुप्‍मा पाःन्—दाङ्‌बाल्‍ले़ पयम् यम्‍बा कुमुक्‍साम्‍मिल्‍ले़ए के़धुम्‍बा पोःक्‍खे़म्‍मे़ॽओ॥

एफिसि 3:16

खुने़ॽ मुल्‍लुक् मिमिदिङ्‌गे़न् कुमुक्‍साम्‍लाम् कुयाम्‍साम्‍मिल्‍ले़ खिनिॽ याम्‍साम्‍मो के़धुम्‍बा के़जोगिर फाॽआङ् तुवा चोःक्‍कारो॥

युहुन्‍ना 15:7

खिनिॽ इङ्‌गाॽओ हे़क्‍क्‍याङ् आबाःन्‍जाक्‍किन् खिनिॽओ वाॽने़ फाॽग्र खिनिॽ सिराॽ के़धाङ्‌बा पाःन्‍हाॽ थे के़नाःक्‍तुम्‍साङ् खिनिॽ के़घोसुम्‍लो॥

यसैया 45:24

“आङ्‌गाॽ आयाःम्‍बेओ खे़ङ्‌हाॽरे़ मे़बाःत्तुरो, ‘यहवे दाङ्‌बाओरक् साम्‌योबा नु मुक्‍साम् वाॽरो॥’” खुने़ॽ कुदक्‍ले़ङ्‌वाओ कुसाक्‍के़न् के़बोक्‍पाहाॽ के़रे़क् खुने़ॽओए मे़दारो, हे़क्‍क्‍याङ् सिरिङ्‌ममो मे़धारो॥

१ तिमोथि 1:12

इङ्‌गाॽ कन् याःम्‍बक् चोःक्‍मा थुम् याप्‍मि के़बिबा आनिॽ दाङ्‌बा ख्रिस्‍त ये़सुःल्‍ले़ नसाःन्‍साबा इःत्ताङ्‌ङाङ् कुमाङ्‌सेवा चोःक्‍से़ सेगाङ्‌बाल्‍ले़ चोगुल्‍ले़ खुने़ॽ याम्‍मो नोगे़न् पिरुङ्‌लो॥

मत्ति 14:29

ये़सुरे़ मे़त्तु, “फे़रे़ॽ॥” हे़क्‍केःल्‍ले़ पत्रुसे़न्‍नाङ् च्‍वाःत्तो लाङ्‌घेगे़र ये़सुन् वये़बा ले़प्‍माङ् थासिङ्॥