यर्मिया 40:4 - लिम्बु4 कर आङ्गाॽ खे़ने़ॽ के़म्घेःक्खे़आङ् के़बप्पा थक्क्रङ्हाॽ फे़न्दुङ् पिने़आङ् खे़ने़ॽ पेःक्मा फाःक्ने़॥ खे़ने़ॽ आङ्गाॽनु बेबिलोन पेःक्मा निङ्वाॽ के़जोगुने़भग्र, आङ्गाॽनु पेःक्मा के़सुक्, आङ्गाॽ खे़ने़ॽ नुरिक् कम्ब्राङ् मे़त्ने़ॽ॥ कर आङ्गाॽनु पेःक्मा निङ्वाॽ के़न्जोगुन्ने़भग्र, खे़ने़ॽ कप्मो युङ्मा वाॽमा के़सुक्॥ काक् लाजेन् खे़ने़ॽ के़दगि ने़रो, खे़ने़ॽ आत्तान् पेःक्मा के़सिराॽधाङ्, खे़प्मो पेगे़ॽ॥ See the chapter |