२ साप्मुःन्धुम् 35:18 - लिम्बु18 माङ्निङ्वाॽपान् के़बाःप्पा समुएलरे़ कुये़म्माङ् कत्थो कन् परिक्ले़ चोःक्युम्भो खोमा तङ्नाम् इस्राइलओ आभे़ल्ले़आङ् मे़न्दोए वये़॥ निङ्वाॽफुसाम्बाहाॽ, ले़बिहाॽ नु यरुसले़म के़युङ्बाहाॽनु के़जुम्बाआङ् के़वाॽबा के़रे़क् यहुदा हे़क्क्याङ् इस्राइलबानु सोसोरिक् योसियाहःल्ले़ तोसुबा हे़क्के इस्राइलबा वेॽ आत्तिन् हाङ्हाॽरे़आङ् कन् परिक्ले़ चोःक्युम्भो खोमा तङ्नाम् आभे़ल्ले़आङ् मे़न्दोए मे़वये़॥ See the chapter |