२ साप्मुःन्धुम् 25:16 - लिम्बु16 खे़न् मनाःन् पारे़आङ् पत्छे़ल्ले़ अमस्याह हाङ्ङिल्ले़ खुने़ॽ मे़त्तु, “थे आनिगे खे़ने़ॽ हाङ्जुम्मोबा सुजासाबा युक्तिङ् चोःक्कासिगे़आङ् वये़बि? मे़म्बाःत्ते स्वाःत्! थेआङ् खे़ने़ॽ के़हिङ्मे़न् के़साक्पो के़धासु?” खे़न् माङ्निङ्वाॽपान् के़बाःप्पे़न् पाःप्मा नाॽमानुःल्ले़ तगि अक्खे लॽरे़, “आदाङ्बारे़ अक्खे के़जोगुआङ् आङ्गाॽ आसुजान् के़ङ्घे़प्सुम्बे़ल्ले़ चोगुल्ले़ निङ्वाॽफुमाङ्ङिल्ले़ आदाङ्बा मे़ङ्मा निःन्धो चोगुआङ् वाॽ के़लॽबा आङ्गाॽ निसुङ्ङाङ् वाॽरो॥” See the chapter |