फीलीप्पी 4:8 - ल्होमी8 ह स्युक् थदु पी़न्ज्यासो, दीम्बे ढङ्, छ्यप्स्यक् च्येम्मे ढङ्, ढङ्बी़ ढे, चङ्मे ढङ्, पम्बो़त्मे ढङ्, ढक्पागी ढङ्, गागी ढङ् धङ् तो़त् ओ़बे ढङ् हीन्दुक् झ्यीबे ॱवङ्ल ॱसीम्ब तोङ्ज्यीत्। See the chapter |
फीलीप्पी 4:8
67 Cross References
घन्ड हीन् सीन्न हेरोद्गी युहन्ना को़न्ज्योक्की मी ढङ्बु धङ् चङ्म हीम्ब ॱह घोनी ज्यीब झ्युङ्न ॱमत् ॱसेप्प छ्योप्न स्यक्प बेत्। ॱनी युहन्नागी ॱस्येप्पे तम् दी हेरोद्गी हीगो दीम्बरङ् हीम्ब न, घन्ड च्यीक् ब अक्? ॱनो़ब छ्यर बेत्। ॱनी हीन्न अक्, हुल ॱनेम्बोक्म छोर्न नेङ्गो़प्प बेत्।
हुगी यङ्ल यरुशलेम्न युसुफ् सीक्केन् मी च्यीक् यो़प्प बेत्। हुगो यहुदीयागी अरीमथीया सार्की मी हीङ्गो़प्प बेत्। हुगो मी गङ्ज्येन् ढङ्बु, को़न्ज्योक्की ज्यागक् नम् युङ्गो़दङ् ॱनो़न गुन दो़क्केङ्गी मी च्यीक् हीङ्गो़प्प बेत्। हुगो छ्यो़गी छोक्तेन् छ्यीम्मी़ सदस्यीय च्यीक् हीङ्गो़प्प बेत्। ॱनी हुगो रोरङ्गी दगु ॱनम्बी़ ढो़गी लेमु दील ॱमत् थी़म्ब हीङ्गो़प्प बेत्।
ॱनी हुल भो़त्मीय दीबे पत्रुस्ल कर्नीलीयस् सीक्केन् ॱमक्पो़न् च्यीक्की ङीत् तङ्ज्युङ्। खोङ् ढङ्बु, को़न्ज्योक्ल ज्यीब खुर्न दो़क्केङ्गी मी बेत्। यहुदी घयेत् कुरीक्की खोङ्ल तो़क्केन् बेत्। खोङ्ल तेङ् यी़गी भङ्ज्येम्ब चङ्म च्यीक्की पत्रुस् हुगो ठीक्तु तोङ्। हुगी रङ्ल तम् ॱस्यो़क्केन् बेत् सीन्न ॱङानी, खोङ्गी ङीत् तङ्ज्युङ् सीन्न झ्यीब बेत्।
ॱनी नङ्ल खोक्पल यो़प्प च्येम्म दी क हस्सो़त् दीम्बरङ्गी यहुदी दी बेत्। छ्यो़डीम्गी कल यो़प्प, सी़ल ज्यबे दक् हुगो मेम्बेत्। धम्बे थुगी झ्यीन ॱसीम्ल ज्यबे दक् दी क हस्सो़त् खुङ्देन् दी बेत्। ॱनी हुन्दुक् झ्यीबे मील हस्सो़त् मी च्यानी मेम्ब, को़न्ज्योक् च्यानी तो़प्प युङ्गेन् बेत्।
चोव ज्यीन्दक् झ्यो़न् झ्यो़न् थुक्ल खीत्रङ् ॱयोङ्गी गोल थो़न्न च्यो़न्स्यो़त् ॱमत् तो़न्ज्यीत्। हुगी यङ्ल मेन्नक्ल केत्मीत्ल झ्यीब घयेत् चोव ज्यीन्दक्की मेङ्गल तो़ङ्गेन् बेत्। मी ॱसीम्बे यीक्ल यो़प्पे केच्च्य घयेत् ॱह घोवल तो़ङ्गेन् बेत्। हुनी मी रीदङ् रील ओ़बे तो़प्प को़न्ज्योक्की ॱनङ्गेन् बेत्।
खीत्रङ्गी मत् ओ़बे ढङ् घन्ड अक् झ्यीच्च्ये मीप्पे ढीक्ल ङीक्की को़न्ज्योक्ल ॱसुव तोप्को़त्। हीगो ङीत्ल झ्युङे छो़त्लीन् घयेत्ल ङीत् ज्यला थो़म्ब हीम्ब कुरीक्की ॱह घोज्येल मेम्बेत्। बोर ङीत् हुगी छो़त्लीन् हुल फम्नर डस्सी झ्युङ्न अक् झ्युङ्। म दी गो़स्योल खीत्रङ्गी ढङ्बी़ ले झ्यीच्च्ये यो़प्पे ढीक्ल हीन्।
ॱनी हुगी गय झ्यीबे ले घयेत् दी कुरीक्की ॱह घोव, रोरङ्गी भीज घयेत् गन्दीक्म ॱसो़बे ॱलम्, डोम्बुल थोङ् झ्यीबे ॱलम्, को़न्ज्योक्की मी चङ्म घयेत्ल कङ्ब टी़न टेप्पे ॱलम्, मी दुक्च्या घयेत्ल दगु झ्यीबे ॱलम् धङ् गये ले झ्यीच्च्ये ॱनो़बे ॱवङ्ल छीगङ् तङ्न दो़क्केङ्गी भुमु युङ् गोगेन् बेत्।
Advertisements