फीलीप्पी 3:8 - ल्होमी8 ॱनी धो़न् ङोम दी ङे चोव ज्यीन्दक् ख्रीष्ट् येशु ङु ॱस्यीब हुगो चा छ्यीस्स्योल ॱनेगुक्। खोङ्दङ् ङोस्स्यीन् युङ धङ् खोङ्दङ् मत् ढेब हील तेन, ङे ॱएङ्गी ले घयेत् हुगो घी़न्नक् धङ् धो़म्मीक्की ले जेङ् झ्यीब हीम्ब छोर्कुक्। खोङ्गी धो़ल्ल हुगो कुरीक् फङ् छरेन्। See the chapter |
फीलीप्पी 3:8
53 Cross References
खीत्रङ् छ्य स्योक्केन् घयेक्की खोङ् रीम्बुर् छ्यीये दो हीन् ॱनो़ब झ्यीक्केन् बेत्। ॱनी छ्य मीत् स्योक्केन् घयेक्की ढीक्ल ॱसुङ्रप्ल हीन्दुक् सीन्न थो़ङ्गेन् बेत्। सोबो़न् घयेक्की घो ॱमीत् छ्यो़त्ल ॱसम्न पुर् तङे दो दी यङ् सुर्की दो घो छ्यो़स्स्योल ॱनेनर बेत्। (ॱसुङ्रप्की गुल्लु ११८:२२)
हुगी ड हुब एल्ला हज्यरङ्दङ् कङ्ज्यीक्ल देप्प बेत्। ॱनी हुब हज्यरङ् ङो़गी मेम्बल हुन्दो हुब भीन टप्सोङ्। हुब गन्दीय हज्यरङ् ङो़गी हीन्न ॱनी, हज्यरङ्दङ् दल दो़प्पेत् क ॱनी। हुब हुन्दुक् झ्यीन ॱसोङे ले हुगी हुब हज्यरङ् ङो़गी च्यीगी च्यीक् मेम्बेत् ॱनो़ब हज्यरङ्गी ॱह घोगेन् बेत्।
को़न्ज्योक्की ॱरेबु झ्यो़न्नी क, हस्सो़त् हज्यरङ्ल दीम्बरङ्गी को़न्ज्योक् ङु ॱस्यीज्ये यो़प्पे ॱसीम् ॱनङ हीम्ब हज्यरङ्ल ॱस्यो़च्च्ये यो़क्केन् बेत्। हज्यरङ् दीम्ब ङो़ल खोङ्गी ॱरेबु येशु ख्रीष्ट्तङ् मत् ढेब यो़क्केन् बेत्। ॱनी खोङ् क दीम्बरङ्गी को़न्ज्योक् दी धङ् फु तक्पे छी दी बेत्।
Advertisements