फीलीप्‍पी 3:3 - ल्होमी

³ घन्‍ड हीन् सीन्‍न हज्‍यरङ् धम्‍बे थुगी लम्‍नी को़न्‍ज्‍योक्‍ल धेप्‍प मो़ब झ्‍यीक्‍केन्, कोलीमी रङ्‌स्‍यीनी थो़म्‍बे लेमुल ॱलो ॱमीत् को़ब, ख्रीष्‍ट् येशुगी जेप्‍पे लेगी ङोम्‍ज्‍येत् झ्‍यीक्‍केन् दी हज्‍यरङ् बेत्। हुगो झ्‍यीनी हस्‍सो़त् दीम्‍बरङ्‌गी दक् फोक्‍पे को़न्‍ज्‍योक्‍की मी दी हज्‍यरङ् बेत्।

फीलीप्‍पी 3:3 Cross References

रोमी 1:9

ङ ॱनी को़न्‍ज्‍योक्‍की ॱरेबी़ ढीक्‍की केच्‍च्‍य ॱनेम्‍बु ॱस्‍येत्‍न ॱसीम्‍बे यीक्‍नीरङ् ङ को़न्‍ज्‍योक्‍ल स्‍यप्‍च्‍यी़ ज्‍युक्‍केन् हीनो। ॱनी ङे नम् ॱसुव तोप्‍को़दङ् हुगी यङ्‌ल खीत्‍रङ् ढेन्‍सो़ झ्‍यीन, खीत्‍रङ्‌गी ढीक्‍ल छीगङ् ॱसुव तोप्‍को़त्। हील को़न्‍ज्‍योक् पङ्‌बु यो़दो।

रोमी 15:17

हीगो झ्‍यीनी ख्रीष्‍ट् येशुदङ् मत् ढेबल को़न्‍ज्‍योक्‍की स्‍यप्‍च्‍यी़गी लेगी ढीक्‍ल ङल ङोम्‍ज्‍येत् यो़त्।

रोमी 7:6

ॱनी हुन्‍दो छ्‌यो़डीम् ङो़नी हज्‍यरङ् ॱस्‍यीनर यो़क्‍केन् झ्‍यीनी, हुगी होक्‍नी थर्न छ्‌यो़डीम्‍गी यीगील यो़प्‍पे लेमु ॱङीङ्‌बे होक्‍ल मेम्‍ब, धम्‍बे थुगी लेमु ॱसम्‍बे होक्‍ल देत्‍न को़न्‍ज्‍योक्‍ल स्‍यप्‍च्‍यी़ ज्‍युक्‍केल्‍ल झ्‍युङ्‌न यो़क्‍केन् बेत्।

रोमी 8:15

खीत्‍रङ्‌ल धम्‍बे थु थोब हुगो रङ्‌मो़ मीप्‍पे ॱयोक्‍पु रोरङ्‌गी दक्‍पुल ज्‍यीब लङे लेमु डस्‍सी मेम्‍ब, खीत्‍रङ् को़न्‍ज्‍योक्‍की भीजल युङ्‌ज्‍येल बेत्। हुगो झ्‍यीनी धम्‍बे थुगी लम्‍नी हज्‍यरङ्‌गी को़न्‍ज्‍योक्‍ल ॱवे अब्‍बा सीन्‍न पब सीर् छुगेन् बेत्।

रोमी 8:39

ॱस धङ् ॱनम्‍गी तेङ्‌स्‍युक्‍मे हीन्, यङ् होक्‍स्‍युक्‍कीरङ् हीन्, घङ् छ्‌यादु ची़प्‍प घयेत् कुरीक्‍की घन्‍डे एक् हज्‍यरङ्‌गी चोव ज्‍यीन्‍दक् ख्रीष्‍ट् येशुगी लम्‍नी जेप्‍पे को़न्‍ज्‍योक्‍की झ्‍यम्‍ब हुगो ङो़नी या टो़ ॱमीत् छुगेन् बेत्। हीगो खुङ् हीम्‍बल ङ देङ् खीन यो़त्।

रोमी 9:6

को़न्‍ज्‍योक्‍की ॱनङे छ्‌यो़त्‍तुम्‍गी केच्‍च्‍य हुगो मत् युङ मेम्‍बेत्। घन्‍ड हीन् सीन्‍न इस्राएल्‍ल छ्‌येप्‍पे ज्‍यी़त् घयेत् कुरीक् इस्राएली ॱङो़न्‍ने मेम्‍बेत्।

२ कोरीन्‍थी 11:18

खीत्‍रङ् च्‍येन्‍दु कोलीमीगी ॱसीम्‍बे रङ्‌नङ्‌गी लेमु डस्‍सी मी ॱयोङ्‌म गज्‍येङ्‌गी तम्‍दो़त् ॱस्‍येत्‍नी, हुनी ङ अक् ॱस्‍यो़क्‍केन्।

गलाती 5:25

हज्‍यरङ् धम्‍बे थु ङो़ल ॱसोम्‍बुल थो़न्‍न यो़क्‍केन् झ्‍यीनी, हज्‍यरङ् खोङ्‌गी ठीक्‍पे लम्‍ल अक् डो गोगेन् बेत्।

गलाती 6:16

ॱनी हीगी लुसल युङ्‌गेन् को़न्‍ज्‍योक्‍की मीस्‍सीर् इस्राएली जेङ्‌ल खोङ् च्‍यानी ॱसीम् दीव धङ् ॱङीङ्‌ज्‍यी युङ्‌ज्‍ये यो़प्‍प तोङ्।

एफीसस् 6:18

धम्‍बे थुगी लम् ज्‍यी़त्‍नी छीगङ् छङ्‌म थम्‍ज्‍येक्‍की ढीक्‍ल ॱसुव तप्‍न स्‍युदेन् ज्‍यप् ज्‍यब झ्‍यीज्‍यीत्। हीगी ढीक्‍ल ॱसीम् च्‍यङ्‌जो़त् झ्‍यीन को़न्‍ज्‍योक्‍की मी चङ्‌म घयेक्‍की ढीक्‍ल धु च्‍यङ्‌न ॱसुव तप् तब झ्‍यीज्‍यीत्।

फीलीप्‍पी 1:1

ख्रीष्‍ट् येशुगी ॱयोक्‍पु ङ पावल् धङ् तीमोथीगी फीलीप्‍पीगी सार्न यो़प्‍पे ख्रीष्‍ट् येशुदङ् मत् ढेब, को़न्‍ज्‍योक्‍की मी चङ्‌म घयेत्, छ्‌यो़ छोगी गोयो़प्‍प धङ् छ्‌यो़योक्‍प घयेत्‍ल हीगी यीगी हीगो ढीन तोङ्‌गो़त्।

फीलीप्‍पी 3:12

हुन्‍दो ङ ॱलीत् गो़बे थस्‍स्‍युक्‍ल ॱलीत्‍न, फी़न्‍सुम् छङल युङ् छुमोङ्। ख्रीष्‍ट्‌की ङ दक्‍पु झ्‍यीब डस्‍सी ङ अक् हुगी ॱनोप् गो़बे थस्‍स्‍युक्‍ल ॱनोप् छुज्‍ये यो़प्‍पल टेत् च्‍यो़क्‍को़त्।

फीलीप्‍पी 3:14

ङ थस्‍स्‍युक्‍ल ॱनोप् छुन तेङ् यी़दु ङल ज्‍ये थोप्‍च्‍ये यो़प्‍पल ॱसीम्‍ब ची च्‍यीक्‍ल तङ्‌न ङ टेत् च्‍येत्‍न ज्‍युक्‍को़त्। हीगी ढीक्‍ल को़न्‍ज्‍योक्‍की ङ ख्रीष्‍ट् येशुगी लम्‍नी भो़ज्‍युङ्।

कलस्‍सी 2:11

खीत्‍रङ् खोङ्‌दङ् मत् ढेब यो़प्‍प हुगो यहुदीगी दक् ज्‍यब डस्‍सी बेत्। ॱनी हीगो लक्‍पे सो़न ज्‍यब मेम्‍ब, कोलीमीगी रङ्‌नङ्‌गी लेमी़ ॱवङ्‌नी ख्रीष्‍ट्‌की खीत्‍रङ् या टेन यो़क्‍केन् बेत्।

यहुदा 1:20

झ्‍यम्‍बे दगुसो, खीत्‍रङ् हुब डस्‍सी मेम्‍ब, खीत्‍रङ्‌गी छ्‌य स्‍यक्‍पे लेमु चङ्‌म दी ॱसप्‍स्‍योङ्‌दङ् छ्‌येत्‍मीत् झ्‍यीन हुल चीक्‍पक् डेन्‍न सो़ज्‍यीत्। धम्‍बे थुगी ॱस्‍यीक्‍की लम्‍नी ज्‍यी़न्‍दु ॱसुव तप् तब झ्‍यीज्‍यीत्।