फीलीप्‍पी 3:20 - ल्होमी

²⁰ ॱनी हज्‍यरङ् घयेत् हुब डस्‍सी मेम्‍ब, तेङ् यी़गी मीस्‍सीर् बेत्। ॱनी इगीनी मल्‍ल हज्‍यरङ्‌गी च्‍यप्‍को़न् चोव ज्‍यीन्‍दक् येशु ख्रीष्‍ट् झ्‍यो़म्‍बल हज्‍यरङ् गुक्‍केन् बेत्।

फीलीप्‍पी 3:20 Cross References

मत्‍ती 19:21

ॱनी हुल येशुगी रङ् फी़न्‍सुम् छङ युङ्‌ज्‍ये ॱनो़न ज्‍युक्‍ल रङ्‌ल घङ् यो़प्‍पे नोर् घयेत् दी चोङ्‌न टङ्‌बु घयेत्‍ल गो़न बील्‍ल रङ् ङे ॱलोप्‍टुक्‍ल ॱस्‍योक्। हुनी रङ्‌ल तेङ् यी़दु तीर्क थोप्‍केन् बेत् सीन्‍न ॱस्‍येप्‍प बेत्।

लुका 12:21

मी रोरङ्‌गी ढीक्‍ल हीदु घजो़क्‍की नोर्रङ् ॱसान यो़त्‍न अक्, हुल को़न्‍ज्‍योक् ङो़गी नोर् दी मीत्‍न ॱनी, हुगो ओक् हुगी मी ॱलीन्‍सो़ हुगो डस्‍सीरङ् युङ्‌गेन् बेत् सीन्‍न येशुगी ॱसुङ बेत्।

लुका 14:14

हुनी क रङ् ॱसोदी च्‍येम्‍म युङ्‌गेन् बेगो। रङ्‌ल हुबे ढीन् च्‍यो़ ॱमत् छुन आक्, को़न्‍ज्‍योक्‍की मी ढङ्‌बु घयेत् ॱसोम्‍बुल लोङे यङ्‌ल हुगी ढीन् दी रङ्‌ल को़न्‍ज्‍योक्‍की ॱनङ्‌गेन् बेगो सीन्‍न ॱसुङ बेत्।

ठीक्‍नल 1:11

ॱनी हुब ॱङीबी़ ठीक्‍नल दीबल गालीलागी मीसो, खीत् घन्‍डल ॱनम्‍ल तगो़प्‍प। येशु हुन्‍दो खीत्‍रङ्‌गी दोङ्‌नी तेङ् यी़ल ठीक्‍नर डस्‍सी खोङ् यङ् फीच्‍च्‍य जम्‍बुलीङ्‌ल झ्‍यो़ङ्‌गेन् बेत् सीन्‍न ॱस्‍येप्‍प बेत्।

१ कोरीन्‍थी 1:7

हुगो झ्‍यीनी चोव ज्‍यीन्‍दक् येशु ख्रीष्‍ट् इगीनी मल्‍ल कुरीक्‍की थोङ्‌सल झ्‍यो़म्‍बल खीत्‍रङ् गुक्‍कीन् दो़क्‍केन् बेत्। एल्‍लादु खीत्‍रङ्‌ल थुज्‍यीगी कबप् छङ्‌म थोप्‍न यो़क्‍केन् झ्‍यीनी, ह घन्‍डे कबप्‍की गो़ज्‍येक्‍की तोक्‍प आक् मीत् युङ्‌गेन् बेत्।

१ कोरीन्‍थी 15:48

ॱसल यो़प्‍पे मी घयेत् ॱसनी युङे मी हुगो डस्‍सीरङ् यो़क्‍केन् बेत्। ॱनी तेङ् यी़न यो़प्‍पे मी घयेत् यङ् तेङ् यी़नी युङे मी हुगो डस्‍सीरङ् युङ्‌गेन् बेत्।

२ कोरीन्‍थी 4:18

ङीक्‍की हुन्‍दो थोङ्‌गेङ्‌गी ढे घयेत्‍ल मेम्‍ब, ॱमीत् थोङ्‌गेङ्‌गी ढे घयेत्‍ल ॱसीम्‍बे तगीन् यो़त्। घन्‍ड हीन् सीन्‍न हीगी थोङ्‌गेङ्‌गी ढे घयेत् हीगो फु ॱमीत् तक्‍केन् बेत्। ॱमीत् थोङ्‌गेङ्‌गी ढे घयेत् हुगो फु तक्‍प युङ्‌गेन् बेत्।

२ कोरीन्‍थी 5:8

हील ङीत् ॱलो दीन्‍दीक्‍म झ्‍यीन दो़क्‍को़त्। ॱनी स्‍येन् झ्‍युङ्‌न, हीगी सी़ हीगोदङ् ढेनी, इगीदु चोव ज्‍यीन्‍दक्‍तङ् कङ्‌ज्‍यीक्‍ल दो़क्‍कीन् थेप्‍पा दुक्।

गलाती 4:26

ॱनी हस्‍सो़त् इगीगी यरुशलेम् दी क रङ्‌मो़ च्‍येम्‍म हज्‍यरङ्‌गी आम साराल डोगेन् बेत्।

एफीसस् 2:19

हुगो झ्‍यीनी खीत्‍रङ् ह लुङ्‌ब स्‍येन् छ्‌योगी मी डस्‍सी मेम्‍ब, को़न्‍ज्‍योक्‍की मीस्‍सीर्, खोङ्‌गी मी चङ्‌म घयेत्‍तङ् च्‍यीक्‍प को़न्‍ज्‍योक्‍की ढोङ्‌बे मीजङ्‌ल झ्‍युङ बेत्।

एफीसस् 2:6

ख्रीष्‍ट् येशु ॱसोम्‍बुल ॱलोङ हीम्‍बे लम्‍नी खोङ्‌गी हज्‍यरङ् अङ् हुगो डस्‍सीरङ् ॱसोम्‍बुल ॱलोङ्‌न तेङ् यी़दु ख्रीष्‍ट्‌तङ् मत् ढेब खोङ्‌दङ् दल दो़च्‍च्‍येल दो़स्‍स स्‍यक्‍न यो़क्‍केन् बेत्।

फीलीप्‍पी 1:10

हुगो डुप्‍न, हस्‍सो़त् खीत्‍रङ्‌गी गस्‍स्‍यो दी घङ्‌गो बेक्‍क हुगो ॱयुव पीक् छुगेन् बेत्। हुनी क ख्रीष्‍ट् झ्‍यो़म्‍बे ङीन् थुक्‍ल खीत्‍रङ् ॱसीम् चङ्‌म नक्‍चक् मीप्‍प दो़त् छुगेन् बेत्।

फीलीप्‍पी 1:27

ॱनी घन्‍ड झ्‍युङ्‌ज्‍यङ्, खीत्‍रङ्‌गी मीजीगी छ्‌यलु दी ख्रीष्‍ट्‌की केच्‍च्‍य ॱनेम्‍बुल ओ़ब युङ झ्‍यीज्‍यीत्। म दी ङ खीत्‍रङ्‌दङ् ठेत्‍न आक्, ॱमत् ठेत्‍न आक्, खीत्‍रङ् घयेत् ॱसीम् च्‍यीक् ली़ च्‍यीक् झ्‍यीन छ्‌य स्‍यक्‍पे लम्‍ल डोवल ढो़गो च्‍यीक्‍ल देत्‍न,

कलस्‍सी 1:5

खीत्‍रङ्‌गी ढीक्‍ल तेङ् यी़न दक्‍सुम् झ्‍यीन स्‍यक्‍न यो़प्‍प दी गन्‍दीय थोप्‍केन् बेत् ॱनो़बे रीगो दी खीत्‍रङ्‌ल यो़क्‍केन् झ्‍यीनी, हुनी क खीत्‍रङ्‌गी हुगो डस्‍सीगी लेमु झ्‍यीक्‍केन् बेत्। हीगी रीगो हीगो खीत्‍रङ्‌गी गोम दीम्‍बे केच्‍च्‍य ॱह घोवे यङ्‌नीरङ् झ्‍यी ॱस्‍यीदुक्।

१ थीस्‍सलोनीका 1:10

ॱनी स्‍युक् थमल को़न्‍ज्‍योक्‍की खोङ्‌डोक्‍की छ्‌येप्‍प को़गेन् हुगी लक्‍नी छ्‌यीगेन्, ढोङ्‌नरनी ॱसोम्‍बुल खोङ्‌गी ॱलोङ्‌न यो़क्‍केन्, खोङ्‌गी ॱरेबु येशु तेङ् यी़नी मल्‍ल झ्‍यो़म्‍बल खीत्‍रङ् गुक्‍कीन् दो़क्‍कुक् सीर ॱह घोज्‍युङ्।

१ थीस्‍सलोनीका 4:16

घन्‍ड हीन् सीन्‍न को़न्‍ज्‍योक्‍की तेङ् यी़गी भङ्‌ज्‍येम्‍ब चो छ्‌यीम्‍मु च्‍यीक्‍ल स्‍यागो़त् ॱनङ्‌न, हुगी केत् छ्‌यीम्‍मु तो़न्‍न, को़न्‍ज्‍योक्‍की कङ्‌लीङ्‌गी केत् छ्‌यीम्‍मु थो़म्‍बे यङ्‌ल चोव ज्‍यीन्‍दक् खोङ् इगीनी मल्‍ल झ्‍यो़ङ्‌गेन् बेत्। ॱनी ख्रीष्‍ट्‌ल छ्‌य स्‍योक्‍केन् एल्‍ला ॱस्‍यीनर घयेत् दी हुगी यङ्‌ल ॱएन्‍स्‍युक्‍ल ॱसोम्‍बुल लोङ्‌गेन् बेत्।

२ तीमोथी 4:8

ह ठीम्‍बो़न् ढङ्‌बु चोव ज्‍यीन्‍दक् झ्‍यो़म्‍बे ङीङ्‌गी यङ्‌ल मी ढङ्‌बुल थोप्‍केन्, थोप् छ्‌यीम्‍मी़ स्‍यमुङ् दी खोङ्‌गी ङे ढीक्‍ल इगीन स्‍यक्‍न यो़क्‍केन् बेत्। ॱनी ङल छ्‌युवक् मेम्‍ब, हुगो खोङ् इगीनी मल्‍ल झ्‍यो़म्‍बल रीगो झ्‍यीन गुक्‍केन् कुरीक्‍ल थोप्‍केन् बेत्।

तीतस् 2:13

ॱनी छ्‌यीम्‍मु हीम्‍बे को़न्‍ज्‍योक् हज्‍यरङ्‌गी च्‍यप्‍को़न् येशु ख्रीष्‍ट् खोङ् रोरङ्‌गी तो़त्‍वङ्‌गी ओ़च्‍च्‍यल इगीनी मल्‍ल झ्‍यो़ङ्‌गेन् बेत्। हुनी हज्‍यरङ्‌गी गव च्‍येम्‍मे रीगो दी डुप्‍केन् बेत्। ॱनी हीगोल गुक्‍कीन् झ्‍यीन हुगी ॱलोप्‍स हुल नेन्‍न दो़त् गोगेन् बेत्।

हीब्रु 12:22

खीत्‍रङ् हुगो डस्‍सील युङ मेम्‍ब, सीयोन्‍गी लदोक् ॱसोम्‍बु हीम्‍बे को़न्‍ज्‍योक्‍की सार् तेङ् यी़गी यरुशलेम्‍ल युङ्‌न यो़क्‍केन् बेत्। ॱनी उन तेङ् यी़गी भङ्‌ज्‍येम्‍ब छेत्‍मीत् ढङ्‌मीत् धङ्

हीब्रु 9:28

कोलीमी घयेक्‍की दीक्‍पे छ्‌येप्‍प दी ख्रीष्‍ट्‌की खुर्न खोङ्‌गी रोरङ्‌गी ॱरोक् च्‍येन कोलीमीगी लेमु डस्‍सी लेन् च्‍यीक् ढोङ् गो़ ॱस्‍यर बेत्। ॱनी खोङ् यङ् फीच्‍च्‍य जम्‍बुलीङ्‌ल झ्‍यो़ङ्‌गेन् बेत्। हुगो दीक्‍प धक्‍तु ची़च्‍च्‍येगी ढीक्‍ल मेम्‍ब, खोङ्‌ल गुक्‍केन् घयेत् छी थर्वल जेङ् तो़न्‍दु बेत्।

ॱसाल्‍केत् 1:7

खीत्‍रङ्‌सो तेदे, खोङ् इगीनी मल्‍ल ॱमुबे दल झ्‍यो़ङ्‌गेन् बेत्। हुनी छङ्‌म थम्‍ज्‍येक्‍की खोङ् थोङ्‌गेन् बेत्। खोङ्‌ल दुङ् चुक्‍केन् दीबे एक् थोङ्‌गेन् बेत्। हुनी जम्‍बुलीङ्‌गी ज्‍यी़त् कुरीक् ङुच्‍च्‍यङ् ॱस्‍योर्केन् बेत्। हीगो ॱङो़न्‍ने युङ्‌गेन् बेत्। आमेन्।