फीलीप्पी 3:19 - ल्होमी19 थस्स्युक्ल हुब खरप्ल डोगेन् बेत्। हुबे को़न्ज्योक् दी रोरङ्सो़ ढोप्प बेत्। हुबे रोरङ्सो़ ॱमम्बीगी लेल तम्दो़त् ॱस्यो़क्केन् बेत्। हुबे ॱसीम् दी जम्बुलीङ्न यो़प्पे ढङ् घयेक्की थोक्ल तोङ्गेन् बेत्। See the chapter |
फीलीप्पी 3:19
52 Cross References
धङ्बु इस्राएल्की घुङ्दु कलुङ् जी़म ॱस्यो़क्केन् गज्येन् थो़न्न युङ बेत्। ॱनी हीगो डस्सी हुन्दो खीत्रङ्गी घुङ्न अक् चयेलम जी़म गज्येन् थो़न्न यो़क्केन् बेत्। हुबे गोङ्दामुल मीत्तल भुजुक् तोङ्ज्येमे ॱलोप्स जी़म ज्यप्नी, रोरङ्सो ओक् दीक्पनी ॱलुगेङ्गी चोव ज्यीन्दक् हुबे मेम्बल तोङ्गेन् बेत्। ॱनी हुन्दुक् झ्यीन रोरङ्सो ज्योक्पु खरप्ल डोये ले झ्यीक्केन् बेत्।
खीत्रङ्गी उन को़न्ज्योक् ॱमीत् ॱसम्गेङ्गी मी यरी को़न्ज्योक् ॱसम्गेन् हीन् झ्युरील स्युन यो़क्केन् बेत्। हुबल घन्दुक् झ्यीबे छ्येप्प फोक्केन् बेक्क हुगो एल्लादु ढीन यो़क्केन् बेत्। हुबे हज्यरङ्गी को़न्ज्योक्की थुज्यी दी आक्सी छ्येल ॱनक्सी झ्यीन अक्, डीक्केन् हीम्बल सो़न यो़क्केन् बेत्। येशु ख्रीष्ट् हज्यरङ्गी चोव ज्यीन्दक् ॱवङ् छ्यीम्मु च्येम्म खोङ् च्यीगी च्यीक् यो़प्प हीम्बल हुबे मेम्बेत् सीन्न सीक्केन् बेत्।
हुनी तबा दी ज्यला थो़न्न हुगी ॱसीम्ज्येन् दी धङ् हुगी दल यो़प्पे कलुङ् जी़म ॱस्यो़क्केन् दी सुङ् तङ्सोङ्। हुगी ॱसीम्ज्येङ्गी को़बे कलुङ् जी़म ॱस्यो़क्केन् दीगी यीक् छ्यीम्मी़ लेगी ता गज्येन् झ्यीन तो़न्नी, हुगी ॱसीम्ज्येङ्गी दक् लीङ्गेन्, हुगी डवुल छ्यक् छो़गेन् घयेत् दी हुगी ॱयोङ्गोर्ल छ्यी़नर हीङ्गो़प्प बेत्। हुनी ॱसीम्ज्येन् दी धङ् कलुङ् जी़म ॱस्यो़क्केन् दी ॱङीक्कर् ॱसोम्बु मुसी धङ् मी बर्से छोल पुर् तङ्सोङ्।
ॱनी ॱङीङ् च्युङेत्मु खुर्केन्, छ्य मीत् स्योक्केन्, स्यीलोक्सीगी ले झ्यीक्केन्, मीस्सेन्, छ्ये ज्युक्केन्, जुम्डी़ तो़ङ्गेन्, ॱल्ह धङ् कुल छ्यक् छ्यो़प्प पुगेन् धङ् ॱएजङ हुन्दुक् झ्यीब कुरीक् हुब घयेक्की दो़स्स दी मुसी धङ् मी बर्से छोल युङ्गेन् बेत्। हील ॱस्यीव तीङ्मा सीक्केन् बेत् ॱसुङ्ज्युङ्।
Advertisements