फीलीप्‍पी 2:21 - ल्होमी

²¹ ॱयोङ्‌मा हुबे येशु ख्रीष्‍ट्‌की धो़ङ्‌गी लेमु मेम्‍ब, ॱसोस्‍सोरङ्‌गी युङ्‌ज्‍यी़गी लेमु झ्‍यीक्‍कुक्।

फीलीप्‍पी 2:21 Cross References

मत्‍ती 16:24

हुनी ॱलोप्‍टुक् ॱयोङ्‌म दीबल ङे लम्‍ल मी ॱसु युङ्‌गीन् थेक्‍को़दङ् हुगी रोरङ्‌गी धेच्‍च्‍यो घयेत् फङ्‌न रोरङ्‌गी कुरुस् खुर्न युङ् गोगेन् बेत्।

लुका 14:26

ङे लम्‍ल युङ्‌गेन् मी ॱसी़ रोरङ्‌गी फम, पी़न्, मीजङ् धङ् रोरङ्‌ल थम्‍ज्‍येत् फङ मीप्‍प झ्‍यीन युङ्‌गुक्‍क हुगोरङ् क ङे ॱलोप्‍टुक् हीम्‍बल युङ् छुगेन् बेत्।

ठीक्‍नल 13:13

हुनी पावल्‍सो पाफोस् दीनी यङ् ढु छ्‌यीम्‍मुल स्‍युन छ्‌यु ज्‍यम्‍जो छ्‌यीम्‍मी़ लम्‍ल फीन्‍नी, पम्‍फीलीया लुङ्‌बे पर्गा सार्ल ॱलीब बेत्। हुनी युहन्‍ना मर्कुस् दी घीन यरुशलेम्‍ल लोक्‍प बेत्।

ठीक्‍नल 15:38

युहन्‍ना मर्कुस्‍की म दी एल्‍ला कङ्‌ज्‍यीक्‍ल गीरे यङ्‌ल पम्‍फीलीया लुङ्‌बनी रोरङ्‌गी ले दी ॱलो़ तङ्‌न लोक्‍प हीङ्‌गो़प्‍प बेत्। हुगो झ्‍यीनी पावल्‍की हुगो ॱमत् ठीक्‍तोङ् झ्‍यीब बेत्।

१ कोरीन्‍थी 10:24

खीत्‍रङ् ॱसी़ इक् रङ्‌गी धो़ल्‍ल फेन्‍दो युङे लेमु छ्‌युवक् मेम्‍ब, ॱयोङ्‌गी ढीक्‍ल अक् त गोगेन् बेत्।

१ कोरीन्‍थी 10:33

हुगो डस्‍सी ङे एक् घन्‍ड झ्‍यीत् गो़ झ्‍युङ्‌न अक्, मी कुरीक् गुदु ची़त् छुब झ्‍यीक्‍को़त्। ङे ङरङ्‌गी ढीक्‍ल मेम्‍ब, ॱयोङ्‌मा गज्‍येन् थर्च्‍ये यो़प्‍पल हुबल फेम्‍बे लेमु झ्‍यीत् छुब झ्‍यीक्‍को़त्।

१ कोरीन्‍थी 13:5

झ्‍यम्‍बल मत् ओ़बे ढङ् मीत् युङ्‌गेन् बेत्। रोरङ् रङ्‌मो़ मीत् झ्‍यीक्‍केन् बेत्। फोदोरोक् मीत् लङ्‌गेन् बेत्। इबीक् मीत् स्‍योक्‍केन् बेत्।

२ कोरीन्‍थी 1:5

ख्रीष्‍ट्‌ल दुक्‍प अयेक्‍प गज्‍येन् नोङ डस्‍सी हज्‍यरङ्‌ल अक् नोङ्‌गुक्। ॱनी हीगो डस्‍सी ॱलोप्‍स्‍यीक् दी इक् खोङ्‌गी च्‍यानी गज्‍येन् ॱङीक्‍कुक्।

फीलीप्‍पी 2:4

खीत्‍रङ् ॱसोस्‍सोरङ्‌गी धो़ल्‍ल छ्‌युवक् मेम्‍ब, ॱयोङ्‌गी धो़ल्‍ल अक् तो़ज्‍यीत्।

२ तीमोथी 1:15

एशीया लुङ्‌बदु कुरीक्‍की ङ ॱलो़ तङ्‌न स्‍यक्‍च्‍युङ्। फैगेलस् धङ् हर्मोगेनस्‍की इक् ॱलो़ तङ्‌ज्‍युङ्। हीगो रङ्‌ल ॱस्‍यो़च्‍च्‍ये यो़ट्‌टो।

२ तीमोथी 3:2

हुगी धी़ल मी घयेक्‍की रङ्‌ज्‍यी़ झ्‍यीक्‍केन्, पयीसक्‍ल ॱसीम् छ्‌यासी झ्‍यीक्‍केन्, तम्‍दो़त् ॱस्‍यो़क्‍केन्, ज्‍यीङ्‌ब बोम्‍सी झ्‍यीक्‍केन्, ॱमो़म्‍बी़त् तोङ्‌गेन्, फमे खल मीत् नेङ्‌गेन्, ढीन् ॱमीत् ॱसम्‍गेन्, छ्‌यो़सीम् ॱमीत् ॱसम्‍गेन्,

२ तीमोथी 4:10

डेमास् हुगो ॱनी जम्‍बुलीङ् ङो़ल ॱसीम् ॱस्‍योर्न, ङ ॱलो़ तङ्‌न थीस्‍सलोनीकाल टप्‍सोङ्। ॱनी क्रेसेन्‍स् गलातील धङ् तीतस् दाल्‍मातीया लुङ्‌बल टप्‍सोङ्।

२ तीमोथी 4:16

ङल गोम ठीम् च्‍यो़प्‍पे यङ्‌ल ॱसु उक् ङे दगुल देत्‍न तम् लप्‍रो झ्‍यीमोङ्। कुरीक्‍की ङ ॱलो़ तङ्‌ज्‍युङ्। हीगी ङीब हीगो हुबल फोक्‍च्‍ये मीप्‍प तोङ्‌ज्‍यीत्।