फीलीप्पी 2:11 - ल्होमी11 केच्च्योक् ॱनग छङ्मे मी घयेत् कुरीक्की येशु ख्रीष्ट् चोव ज्यीन्दक् बेत् सीन्न सीर् गो़ ॱस्यर्केन् बेत्। (यशैया ४५:२३) See the chapter |
फीलीप्पी 2:11
30 Cross References
हीगी ढीक्ल ॱसुङ्रप्ल चोव ज्यीन्दक्की ॱसुङ ढीन यो़क्केन् बेत्। ङे दोङ्दु मी छङ्म थम्ज्येत् पीमुङ् चुन छ्यक् छो़ गो़ ॱस्यर्केन् बेत्। मी छङ्म थम्ज्येक्की खनी ङल को़न्ज्योक् बेत् सीन्न सीर् गो़ ॱस्यर्केन् बेत्। ङ ॱसोम्बु यो़प्प हीम्बे लम्नी हीगो खुङ्देन् हीम्बल ङ धक्पर् झ्यीक्केन्। (यशैया ४५:२३)
हुनी क ज्यी़त् ॱयोङ् ॱयोङ्गी मी घयेक्की इक् को़न्ज्योक्की ॱङीङ्ज्यी छ्यीम्मु जेप्पे ढीक्ल खोङ्ल तो़प्प पु छुगेन् बेत्। हीगी ढीक्ल ॱसुङ्रप्ल ढीन यो़क्केन् बेत्। ज्यी़त् ॱयोङ् ॱयोङ्गी मी घयेक्की छीक्तु नीज्यरङ्ल तो़क्केन्। नीज्यरङ्गी छेङ्गी ढीक्ल तो़प्पे तो़त्लु पुगेन् सीन्न यो़क्केन् बेत्। (ॱसुङ्रप्की गुल्लु १८:४९)
ॱनी यो़त्न अक्, म दी हज्यरङ्ल यप् को़न्ज्योक् दी च्यीगी च्यीक् मेन्द, ॱयोङ्म मीप्प बेत्। ॱनी खोङ् च्यानी क हस्सो़त् छङ्म थम्ज्येत् झ्युङ्न यो़क्केन् बेत्। ॱनी हज्यरङ् घयेत् एत् खोङ्गी ढीक्ल खो़त्न यो़क्केन् बेत्। हज्यरङ्ल चोव ज्यीन्दक् दी च्यीगी च्यीक्रङ् यो़क्केन् बेत्। हुगो येशु ख्रीष्ट् बेत्। ॱनी खोङ्गी लम्नी क हस्सो़त् छङ्म थम्ज्येत् झ्युङ्न, हज्यरङ् घयेत् एत् खोङ्गी लम् ज्यी़त्नीरङ् झ्युङ्न यो़क्केन् बेत्।
Advertisements