फीलीप्‍पी 1:9 - ल्होमी

⁹ खीत्‍रङ् नङ्‌जोल यो़प्‍पे झ्‍यम्‍ब दी ज्‍यीक्‍तु, ॱनी धो़न् दी गदु ॱह घोज्‍ये यो़प्‍प धङ् गवक् ॱयुव पीक्‍लु दी गदु ॱस्‍यीज्‍ये यो़प्‍पे ढीक्‍ल ङे ॱसुव तोप्‍को़त्।

फीलीप्‍पी 1:9 Cross References

१ कोरीन्‍थी 14:20

पी़न्‍ज्‍यासो, खीत्‍रङ् ह हीनी झ्‍यीब दी भीजे ॱनोक्‍सम् डस्‍सी ॱमत् खुर्च्‍यीत्। बोर ङेम्‍ब झ्‍यीत् ॱमीत् ॱस्‍यीगेन् भीजे लेमु डस्‍सी धङ् ॱनोक्‍सम् ॱलीबे गेम्‍बा डस्‍सीगी ॱनोक्‍सम् तोङ्‌ज्‍यीत्।

२ कोरीन्‍थी 8:7

ॱनी म दी खीत्‍रङ् कुरीक् छ्‌य गन्‍दीक्‍म स्‍योक्‍केल्‍ल, तम् खेसी ॱस्‍यो़क्‍केल्‍ल, धो़न् ॱह घोगेल्‍ल, धेप्‍पे स्‍यीदङ् लङ्‌गेल्‍ल, ङीत्‍ल झ्‍यम्‍ब झ्‍यीक्‍केल्‍ल धङ् हुन्‍दुक् झ्‍यीब कुरीक्‍ल खीत्‍रङ् गस्‍सी झ्‍यीक्‍केल्‍ल ॱसोङ्‌दुक्। ॱनी हीगो डस्‍सीरङ् हुगी टो़च्‍च्‍येमे गये ले हुल अक् गस्‍सी झ्‍यीक्‍केल्‍ल थो़न् छुब झ्‍यीज्‍यीत्।

एफीसस् 5:17

खीत्‍रङ् घुवे लेमु डस्‍सी मत् झ्‍यीब, खीत्‍रङ्‌गी ढीक्‍ल चोव ज्‍यीन्‍दक्‍की थुल घन्‍ड यो़दङ् हुगो ॱह घोव झ्‍यीज्‍यीत्।

कलस्‍सी 1:9

ॱनी हुगी केच्‍च्‍य हुगो घोनी ङीक्‍की खीत्‍रङ्‌गी ढीक्‍ल छीगङ् ॱसुव तप् तब झ्‍यीक्‍को़त्। को़न्‍ज्‍योक्‍की थुल घङ् यो़प्‍प दी जेङ् खीत्‍रङ्‌गी गन्‍दीक्‍म ॱह घोन खेसील थो़न्‍ज्‍ये यो़प्‍प धङ् धम्‍बे थुगी धो़र्रीक् थोज्‍ये यो़प्‍प तोङ्।

कलस्‍सी 3:10

हुन्‍दो खीत्‍रङ्‌ल ॱसीम् ॱसम्‍ब थोप्‍न यो़क्‍केन् बेत्। ॱनी हुगो छ्‌यादु ची़क्‍केन् को़न्‍ज्‍योक्‍तङ् खीत्‍रङ्‌गी ॱसीम् ॱसम्‍ब दी ङोस्‍स्‍यीन् छ्‌यीदु युङ धङ् खोङ्‌गी थुदङ् डगेल्‍ल गदु युङ सोगेन् बेत्।

१ थीस्‍सलोनीका 3:12

ङीक्‍की खीत्‍रङ्‌ल झ्‍यम्‍ब यो़प्‍प डस्‍सी खीत्‍रङ्‌गी च्‍यीक्‍तङ् च्‍यीक्‍ल धङ् मी कुरीक्‍ल झ्‍यम्‍ब झ्‍यीक्‍केङ्‌गी झ्‍यम्‍सीम् दी चोव ज्‍यीन्‍दक्‍की हरुङ् छ्‌यीदु डोदु ची़च्‍च्‍ये यो़प्‍प तोङ्।

१ थीस्‍सलोनीका 4:1

हरुङ् पी़न्‍ज्‍यासो, को़न्‍ज्‍योक् गुवे मीजीगी लेमु खीत्‍रङ्‌गी ङीत् च्‍यानी ॱस्‍यीगेन् बेत्। ॱनी हुगो डस्‍सी दीरङ् खीत्‍रङ्‌गी झ्‍यीक्‍को़प्‍पेत्। ॱनी हरुङ् मङ्‌दु मङ्‌दु झ्‍यीज्‍यीत् सीन्‍न ङीत् चोव ज्‍यीन्‍दक् येशुगी छेन्‍नी ॱलोप्‍स ज्‍यक्‍केन् हीनो।

२ थीस्‍सलोनीका 1:3

पी़न्‍ज्‍यासो, खीत्‍रङ्‌गी छ्‌य स्‍यक्‍प दी डम्‍दु डम्‍दु झ्‍युङ्‌न युङ दील धङ् च्‍यीक्‍तङ् च्‍यीक्‍ल झ्‍यीक्‍केङ्‌गी झ्‍यम्‍ब दी छ्‌यीदु छ्‌यीदु ज्‍येन युङ दील ङीक्‍की छीगङ् को़न्‍ज्‍योक्‍ल थु छ्‌यी पु पुब झ्‍यीत् गोगो़त्।

फीलेमोन् 1:6

ख्रीष्‍ट्‌तङ् मत् ढेबल हज्‍यरङ्‌ल थोबे गये लेमी़ ढे घयेत् दी नीज्‍यरङ्‌गी धक्‍पोक्‍म ॱह घोज्‍ये यो़प्‍पल धङ् नीज्‍यरङ्‌गी छ्‌य स्‍यक्‍पे लेमु दी ॱयोङ्‌माल आक् तो़न्‍न ॱस्‍यो़च्‍च्‍ये यो़प्‍पल ङ ॱसुव तोप्‍को़त्।

हीब्रु 5:14

हुगो डस्‍सीगी धो़न् हुगो गेम्‍बागी सगेङ्‌गी समदङ् छ्‌येत्‍मीत् बेत्। सङ् ङेन् ॱयुव पीक् ॱस्‍यीगेन्, ज्‍योङ्‌दर् थो़प्‍पे मीलरङ् हुन्‍दुक् झ्‍यीबे धो़न् टेत्‍न आक् घोगेन् बेत्।

१ पत्रुस् 1:22

खीत्‍रङ् पी़न्‍ज्‍या नङ्‌जोदु धक्‍तेङ्‌गी झ्‍यम्‍ब युङे ढीक्‍ल खीत्‍रङ् दीम्‍बे कल चीन युङ्‌नी, खीत्‍रङ्‌गी ॱसीम् दी चङ्‌मल ॱसोङ्‌न यो़क्‍केन् बेत्। हुगो झ्‍यीनी खीत्‍रङ् ॱसीम् चङ्‌म खुर्न च्‍यीक्‍तङ् च्‍यीक्‍ल ॱसीम्‍बे यीक्‍नी झ्‍यम्‍ब झ्‍यीज्‍यीत्।

२ पत्रुस् 3:18

हज्‍यरङ्‌गी च्‍यप्‍को़न् चोव ज्‍यीन्‍दक् येशु ख्रीष्‍ट्‌की थुज्‍यीगी धो़र्रीक् खीत्‍रङ्‌ल ज्‍येबर् युङ्‌ज्‍ये यो़प्‍प धङ् खोङ्‌गी धो़र्रीक् खीत्‍रङ्‌गी गदु ॱस्‍यीज्‍ये यो़प्‍प झ्‍यीज्‍यीत्। खोङ्‌ल हुन्‍दो धङ् धी़ ज्‍यी़न्‍दु तो़प्‍प युङ् युङ युङ्‌ज्‍ये यो़प्‍प स्‍योक्‍च्‍यीत्। आमेन्।