फीलीप्‍पी 1:17 - ल्होमी

¹⁷ ॱनी हुगी ॱयोङ्‌मा ॱसीम् गज्‍ये मीप्‍प घयेत् हुबे म दी ङल चो़न्‍दु दुक्‍प मङ्‌दु युङ्‌गो़ट्‌टो ॱनो़ब छ्‌यर्न रोरङ्‌सो छ्‌यीजेल्‍ल ॱस्‍योर्न ॱस्‍यो़क्‍केन् बेत्।

फीलीप्‍पी 1:17 Cross References

लुका 21:14

हुगी यङ्‌ल घन्‍दुक् झ्‍यीबे लेम्‍बु ॱलोक् गोगेन् बेक्‍क हुगी ढीक्‍ल खीत्‍रङ्‌गी एल्‍लानी ॱनोक्‍सम् ॱमत् तोङ्। हीगो ॱसीम्‍ल ङाब झ्‍यीज्‍यीत्।

ठीक्‍नल 22:1

ॱवे फम पी़न् घयेस्‍सो, ङे नक् फी़ज्‍येमे केच्‍च्‍य हील नेर्रो झ्‍यी सीन्‍न झ्‍यीब बेत्।

ठीक्‍नल 26:1

हीनी अग्रीपागी पावल्‍ल रङ्‌गी केच्‍च्‍य घन्‍ड यो़प्‍प ॱस्‍यो़त्‍लेत् सीन्‍न क टेप्‍प बेत्। हीनी पावल्‍की लक्‍प ॱलोङ्‌न हीन्‍दुक् सीन्‍न रोरङ्‌गी नक् फी़ज्‍येमे केच्‍च्‍य ॱस्‍येप्‍प बेत्।

ठीक्‍नल 26:24

ॱनी पावल्‍की हुन्‍दुक् झ्‍यीन नक् फी़बे केच्‍च्‍य हुगो ॱस्‍यो़प्‍पे यङ्‌ल फेस्‍तस्‍की हुगी केच्‍च्‍य दी फीट्‌ट च्‍येत्‍न केत् छ्‌यीम्‍मु तो़न्‍न पावल्‍ल रङ् ॱनोनत्‍तुक्। रङ्‌गी यीगी गज्‍येन् डोनी, हुगी रङ् ॱनोबुल सो़ तङ बेत् झ्‍यीब बेत्।

रोमी 2:8

ॱनी यङ् रङ्‌ज्‍यी़ झ्‍यीक्‍केन्, दीम्‍बल ॱमीत् चीगेन्, ढङ्‌ज्‍ये मीप्‍पे लम्‍ल डोगेन् घयेत्‍ल को़न्‍ज्‍योक् खोङ्‌डोक् लङ्‌न हुबल छ्‌येप्‍प को़गेन् बेत्।

फीलीप्‍पी 1:18

ॱनी हीन्‍न अक्, हुबे ॱसीम् गयेरङ् ॱस्‍येत्, आक्‍पेरङ् ॱस्‍येत्‍न आक्, ख्रीष्‍ट्‌की केच्‍च्‍य दी ढम्‍गेन् बेत्। ॱनी गो़स्‍यो दी इक् हुगोरङ् बेत्। हील ङ गेस दुक्। ॱनी हरुङ् ङल गेस हीगो ओक् यो़त्।

फीलीप्‍पी 1:7

खीत्‍रङ् ङे ॱङीङ्‌गी नङ्‌गी मी हीम्‍ब झ्‍यीनी, हीन्‍दुक् झ्‍यीबे ॱसीम्‍ब ॱनो़गुक्। ङ हुदु चो़ल्‍ल यो़प्‍पे यङ्‌ल, केच्‍च्‍य ॱनेम्‍बी़ खबाल लोङ्‌न धक्‍पर् झ्‍यीप्‍पे यङ्‌ल धङ् केच्‍च्‍य ॱनेम्‍बु चव चुक्‍पे यङ्‌ल खीत्‍रङ् ङदङ् दल को़न्‍ज्‍योक्‍की थुज्‍यी च्‍यीक्‍की होक्‍ल छ्‌य झ्‍यीन युङ बेत्।

फीलीप्‍पी 2:3

रङ्‌ज्‍यी़ धङ् ज्‍यीम्‍गेत् ॱमत् ॱस्‍यो़प्‍प, ॱनोम्‍ज्‍युङ् झ्‍यीन रङ्‌ले ॱयोङ्‌मा ढक्‍पा ॱसम्‍ज्‍यीत्।

१ तीमोथी 2:7

ॱनी ङ हीगो ॱस्‍यो़क्‍केङ्‌गी ठीक्‍नल दील को़ज्‍युङ्। हीगो ॱएलम मेम्‍ब, दीम्‍बरङ् बेत्। हीगी दीम्‍बे केच्‍च्‍य हील ज्‍यी़त् ॱयोङ् ॱयोङ्‌गी मी घयेक्‍की छ्‌य स्‍योक्‍च्‍येल ङ हुबे चयेलमल को़ज्‍युङ्।

२ तीमोथी 2:9

हीगी केच्‍च्‍य हीगो ॱस्‍येप्‍पे ढीक्‍ल ङ दुक्‍प गुर्कीन् यो़त्। नक्‍पो़न् डस्‍सी च्‍यागोङ् ज्‍यप्‍न चो़ल्‍ल ॱलुक्‍च्‍युङ्। ॱनी हीन्‍न अक्, यङ् को़न्‍ज्‍योक्‍की केच्‍च्‍य दी ॱमत् कीङ यो़क्‍केन् बेत्।

२ तीमोथी 4:16

ङल गोम ठीम् च्‍यो़प्‍पे यङ्‌ल ॱसु उक् ङे दगुल देत्‍न तम् लप्‍रो झ्‍यीमोङ्। कुरीक्‍की ङ ॱलो़ तङ्‌ज्‍युङ्। हीगी ङीब हीगो हुबल फोक्‍च्‍ये मीप्‍प तोङ्‌ज्‍यीत्।