Ƒilipiƒuɔ 4:8 - Katɔti Ɔku Kedee

⁸ Na ukplodi ni, banwa, biti bina kasusu bɛsia ala ani ndi etemila geen lɛlɔ ku ala ani mbo ɔbu ku ala ani nse siin ku ala ani nse sɛɛn ku ala ani mɔɔdia bɔnu ku ala ani náƒɔ lɛnyi ku ala ani ndia geen ku ala ani námanku bumwi lɛlɔ.

Ƒilipiƒuɔ 4:8 Cross References

Ala Kalɔ Buse 18:19

Ɔsika ami náƒuna-nwu kalɛ na ɔtina nwuna bebi kavikɔ na nwuna kadi bekyuli bani masia-nwu kama ƒui basia ulu ɔni na mɔɔyɔ́ lɛlɔ. Na bataabla ala ani ndia na akɛ ulu lɛlɔ. Na ɔkɛnku ɔmmɔ lɛlɔ na ndubuti lɛla lɛni na lɛ́su líse ka mete Abraham lite-nwu.”

Samuel 2 1:23

“Saul ku Yonatan ni, bábla lɛƒɔndia na bana ngba kemmo na bekyuli báyɔ-ma. Na bétegyingyaku lɛlɔ útálɛ kukpi kemmo. Bebo ababla betulo kɔdigbo aasɛ. Na bebo ɔkplu betulo bagyata.

Samuel 2 23:3

Israel Katɔti ɔni ndi lɛtakpɛ lɛni lɛlɔ na békpo kama násu-mi ɔnini, ‘Ukyuli ɔni mɔɔdi bekyuli lɛlɔ na ulu siin lɛlɔ, na ɔɔyia Katɔti na ulu ɔni lɛlɔ na ɔ́sia ɔɔdi bekyuli lɛlɔ ni,

Kɔgya 82:2

“Bi ɔsu na bilásia ulu lɛlɔ taatɛ litemi na biinye likpidi kama taaƒɔ́ balalane?

Agba 11:1

Unwoti ukisi uyedine mɔɔnya ukyuli akya. Nsu lɛlɔ lɛɛyɔ́-nwu si ɔɔkɔ́ku ala teete-ma.

Agba 12:4

Uleku ɔbuni ɔni lɛlɔ basia kayi ni, anwu ndi ɔgyani lɛlɔyɔ na use aani kagabwa na kebi ɔnana ɔmmɔ lili. Nsu uleku ɔni mɔɔbla kɔƒa ala ni, ɔɔƒɛ ɔgyani enu, na ɔyikun ɔɔsá-nwu.

Agba 16:11

Unwoti ɔɔwia ka bɔbla lɛla biala siin na liyedi kemmo, na ɔ́tina ulu ɔni lɛlɔ na ɔlɛka bɔsia lɛnɔ úse.

Agba 20:7

Bekyuli babuni beedie lɛgba lɛni mɔɔtina ka baadi bana litemi lɛlɔ geen. Na bana bebi bani nsia-ma kama ni, bekyuli badubute-ma kusɛ kusɛ.

Agba 31:10

Ɔma ndubɔkɛ uleku ɔbuni? Uleku ɔmmɔ udu ɔ́ƒɔ kuye utulo sika asɛɛ ani náƒɔ kuye geen.

Agba 31:29

“Beleku babuni bakya kayawi na baada kaduli, nsu awɔ ƒula udu ɔɔɔbɔ!”

Agba 31:31

Ƒɔ uleku ɔmmɔ udu kayu na ala ani na ɔ́bla kenye. Na nwuna kabla alati kebo-nwu kudu na ɔma bekyuli ƒui akɔ.

Lɛnu Ƒui Ɔnu 5:16

Kalɛ na ɔɔkya-mi kɔgbu ɔɔyu-mi kayi geen, na mɔɔwia-nwu lɛni uwi biala kemmo!

Yesaia 26:7

O Ati ɔni nse kedee, bekyuli bani ablala nse siin ni, bana kasiakɔ biala kaatɛ kalɔ ƒiaa. Na bana kɔvinkɔ ni, aayá na kɔɔbla suɛlɛ suɛlɛ.

Mateo 22:16

Anwuɔsu bátala bana batɛyane badi ku bekyuli bani nsiaku Herode kama bákya Yesu. Na ka bésie ni, básu-nwu banini, “Ala ɔtinane, bɔgyi ka ese siin na aatina Katɔti bɔƒɔtaadi ulu ɔmmɔ geen, ɔsika alánu ukyuli anumi taabla lɛla lɛdi. Na alákpete bekyuli asula lɛnɔ.

Marko 6:20

Nsu ulákana na Herode ɔsu. Ɔsika Herode útaayia Yohane, na ɔgyi ka Yohane ɔdi ukyuli ɔni nse siin na use kedee. Anwuɔsu útaagyumana-nwu. Ɔ́yɔ ka uteenu-nwu ala bɔtina uwi ndi uwi ina ka nwuna litemi líteekpoku-nwu kayi si únu-ni.

Luka 16:15

Amu na Yesu ɔ́su-ma ɔnini, “Amii ndi bekyuli bani mɔɔtina lɛlɔ aani bekyuli babuni na bakladi anumi. Nsu Katɔti ɔgyi bina ƒui kayi kemmo. Ɔsika ala ani náƒɔ kuye na bekyuli anumi ni, aaadi lɛla lɛdi na Katɔti anumi.

Luka 2:25

Na uwi ɔmmɔ kemmo ni, ɔnana ɔdi baalɔ banii Simeon ɔkya Yerusalem. Na ɔdi ukyuli ɔbuni ɔni na ɔɔyia Katɔti na unye ɔɔnu ulu ute Israel bɔƒɔ. Na Katɔti Kɔyu kɔsiaku-nwu

Luka 23:50

Ɔnana ɔdi ɔkya ɔni baalɔ Yoseƒ na ɔ́si Arimatea na Yudea kalɔ lɛlɔ. Ɔdi ukyuli ɔbuni ɔni na bekyuli baabu geen. Na unye ɔgya uwi ɔni na Katɔti lɛga kadikɔ kadububo.

Yohane 7:18

Na ukyuli ɔni mɔɔtɛmi na anwu ɔlati ɔyikun kemmo ni, nwuna lɛlɔ bumwi na ɔɔwia. Nsu ukyuli ɔni mɔɔwia ka umwi ukyuli ɔni nátala-nwu ni, ɔɔbla ala ulu lɛlɔ na ulányi ɔkɔ.

Batalane Kabla 10:22

Amu na básu-nwu banini, “Batu na bɔdi, bɔ́si Kornelio ɔni ndi Romaƒuɔ kekpo unengu kudɔ. Ɔdi ukyuli ɔbuni na ɔɔbu Katɔti. Na Yudaƒuɔ ƒui baayɔ́-nwu litemi geen. Katɔti ɔtu ɔdi násu-nwu ɔnii ɔtala na babalɔ-ɔ na unu ƒula kenye kemmo litemi.”

Batalane Kabla 22:12

“Na mmɔ ni, ɔnana ɔdi ɔkya ɔni baalɔ Anania. Ɔdi ukyuli ɔni mɔɔkya lili kalɔ teete Katɔti geen, na ɔsiaku bula ɔda bubo bɔmmɔ lɛlɔ lɛnɔ. Na Yudaƒuɔ bani nkya mmɔ ƒui baabu-nwu kaduɛ.

Batalane Kabla 6:3

Na ɔƒaani ni, banwa, bɛnu bɛmana na bidie nkyuli maatɛ bani náda anu na Katɔti Kɔyu kɔ́ƒɔ-ma lɛlɔ kemmo ƒui. Na bɔdubuti-ma buse kabla kamɛni kenye kalɛ na abu bɔkɛ uwi bute Katɔti bɔkpali ku litemi buni bɔsu ku ala bɔtina.”

Romaƒuɔ 13:13

Bɛya na bɔda bula lɛlɔ kaduɛ aani bekyuli bani nkɛ mɔɔví bukeye kemmo. Na ɔɔɔdi adikpi emeyi bɔdi ku ntɛ bukpi ku lɛyalɛ ala ku likyulikpi ala ku lɛlɔ ntɛ bule ku lɛnungyie.

Romaƒuɔ 13:3

Bekyuli bani mɔɔbla lɛbuni ni, batɔnkune bammɔ baaadi lɛyiala beeete-ma, mmomu bekyuli bekpidi na badi lɛyiala bete. Si bɛɛyɔ́ ka bɛda ɔtɔnkune bɔyia bɛya ni, bɛbla lɛla biala ulu lɛlɔ na ɔdubumwi-mii.

Romaƒuɔ 14:18

Ɔsika ukyuli ɔni mɔɔbla Kristo kabla na ulu ɔmɛni lɛlɔ ni, ɔɔyɔ́ Katɔti kaƒɔ na bekyuli lɛnɔ baabu-nwu.

Romaƒuɔ 2:29

Mmomu ukyuli ɔni ndi Yudani geen ndi ukyuli ɔni mɔɔtina na nwuna ablala kemmo ka úti nwuna kayi úte Katɔti. Na ɔɔɔkɛnku ɔlɔna ɔni na békulo na ɔda bubo ɔdi kenye lɛlɔ. Mmomu ɔkɛnku Katɔti Kɔyu lɛlɔ. Na ɔɔɔdi ukyuli ɔyawine mɔɔkɔliku ukyuli ɔmmɔ lɛnyi katɔ, mmomu Katɔti.

Korintoƒuɔ 1 4:5

Anwuɔsu ni, ɔdi utatɛku ɔkpanadi litemi wetédu ka uwi ɔbuni ɔmmɔ webo. Si uwi ɔni na Blɔti úbo ni, anwu ndubɔtɛku ukyuli biala litemi na limeyi likplodi lɛmmɔ lɛlɔ. Na anwu ndubudie kasuudikɔ ala abɛdi keyi na ɔdubudie ala ani na bekyuli kakali kadanku ɔtina. Mmɔ na Katɔti ɔdubumwi ukyuli biala kalɛ na ɔ́bla nwuna kabla ɔ́vinku.

Korintoƒuɔ 2 13:7

Buuvele Katɔti bɔnii ɔda-mii na bilabla likpidi lɛdi. Na bulévele ɔmɛni kalɛ na buti bɔtina ka abu búdu na bula batalane kabla bɔbla kemmo ɔsu. Mmomu bɔɔwia ɔmɛni kalɛ na amii bitaabla lɛla lɛni ndia si ina ɔ́lɛ aani abu bútabla bula kabla na kedu.

Korintoƒuɔ 2 6:8

Bekyuli badi baabu-bu, na badi lɛnɔ beewi-bu anumi kalɔ. Badi beedumi-bu na babambadi lɛnɔ beemwi-bu. Bekyuli baanu-bu aani ɔkɔ banyine, nsu litemi geen lɛmmɔ na bɔɔsu.

Korintoƒuɔ 2 8:18

Na lɛnɔ ni, búti ɔnwa ɔni na baabu geen na baƒɔtaadine akpa ƒui akɔ ku kalɛ na ɔɔsu litemi buni lɛmmɔ ɔsu buumene-mii ku Tito.

Korintoƒuɔ 2 8:21

Ɔsika ɔɔɔdi Katɔti anumi lɛti na bɔɔyɔ́ geen ka bɔbla lɛla lɛni ndia, mmomu ku bekyuli ƒui anumi.

Galatiƒuɔ 5:22

Nsu Kɔyu ablala ani nse aani ebi buni kalɛ ni, anya ndi bɔyɔ ku kubiti ku keyi buɛɛ ku kayi bɔkɛ ku lɛƒɔndia ku lɛbuni bɔbla ku ala bɔbla ulu lɛlɔ

Eƒesoƒuɔ 4:25

Anwuɔsu bɛda ɔkɔ bɔnyi bɛya. Na ukyuli ɔdi biala ɔsu nwuna ɔkpanadi litemi geen. Ɔsika bula ƒui bɔdi Kristo lɛlɔ ekpo bute lɛlɔ.

Eƒesoƒuɔ 5:9

Ɔsika bekyuli bani nli bukeye kemmo ni, ebi ani na baanwu ndi ebi abuni. Baasu etemila geen na beelie siin.

Eƒesoƒuɔ 6:14

Anwuɔsu binye kagyumana na biti Katɔti litemi geen binwini aani kabuli bɛda kavobi, na biti lɛlɔ bɔbla siin binwini aani lɛgyumanala bɛbala kayi.

Lɛkpa Ulu 16:20

Na bɛnu ka litemi lɛlɔ bɔdi ulu lɛlɔ bɔ́ƒɔ bina ƒui akɔ. Na si bɛbla lɛni ni, anwu ndubɔya na bilie kalɔ kani na bina Unwoti Katɔti úti uute-mii lɛlɔ.

Ƒilipiƒuɔ 3:1

Ukplodi ni, mina banwa, bɛya na lɛlɔ litaayɔ-mii na Blɔti kemmo. Lɛɛɛdaku-ni si nsɔ mɔɔsia kama teenweni-mii ala ani na líinweni ḿbavi. Na si ina lɛ́bla lɛni muedi ni, ɔdi bina kebunku.

Koloseƒuɔ 4:5

Bɛda anu na bina keliela kemmo na bɛti kalɛ na bilieku bani naaadi baƒɔtaadine. Na kuƒi biala na bɛ́kɛ ni, bɛbla kabla bite Blɔti.

Tesalonikaƒuɔ 1 4:12

Ɔmɛni ndubɔya na bani nátaƒɔ bátadi bataaƒalɛ-mii na bilayaki lɛla lɛdi.

Timoteo 1 2:2

Na bitaakpali katɔ teete baga ku bekyuli bani ƒui mɔɔdi bekyuli lɛlɔ kalɛ na bula ƒui bɔkɛ atu bɔyɔ ku keyi buɛɛ. Na buboku lɛlɔ kalɔ bute Katɔti na buti ɔbu bute ukyuli biala.

Timoteo 1 3:11

Bana beleku lɛnɔ ni, ɔlɛka babla beleku bani nda udu buni, na baaadi bekyuli lɛlɔ atɛ batɛmine. Mmomu ɔlɛka babla beleku bani náda anu, na baabla lɛla biala kaduɛ.

Timoteo 1 3:4

Ɔlɛka ɔkana nwuna kaduli bekyuli bɔda, na ɔya na nwuna bebi beteenu litemi na ulu biala lɛlɔ.

Timoteo 1 4:12

Taya na ukyuli ɔdi ɔnu-ɔ ɔnii ásɔ ka adi ɔnamu ɔsu. Mmomu ni, nwini asogya te baƒɔtaadine bammɔ ƒui na ƒula kɔtɛ ku udu ku ƒula bekyuli bɔyɔ ku bɔƒɔtaadi kemmo ku ƒula kedee bulie lɛnɔ kemmo.

Timoteo 1 5:10

Ɔlɛka bekyuli bataalɔ-nwu lɛnyi lɛbuni na nwuna ala abuni bɔbla ɔsu. Na ɔdi uleku ɔni nányuɛ nwuna bebi kaduɛ na ɔɔƒɔ́ baƒɔ. Ɔlɛka ɔbla uleku ɔni na ubo kɔnu ute nwuna baƒɔtaadine bakpana. Na uute bekyuli ƒui kebunku na bana lɛbibo kemmo. Na sɔsɔ ni, úti nwuna ngba bulie ƒui úte lɛbuni bɔbla.

Timoteo 1 5:2

Da beleku bani nábi lɛlɔ bétulo-ɔ aani ƒula beni kalɛ. Na ada begblebi lɛnɔ aani ƒula banwani belekubi, na ataabla lɛlɔ kedee.

Tito 1:8

Ɔlɛka utaaƒɔ baƒɔ na utaayɔ lɛbuni na ɔda lɛlɔ kaduɛ. Na ɔbla ukyuli ɔni na ubo udu, na use kedee, na ɔɔkana anwu ɔlati lɛlɔ lɛnɔ bɔdi.

Tito 2:14

Úti lɛlɔ úte na bula lili kalɛ na udie-bu na likpidi biala kemmo na bɔbla bekyuli kedee bani ndi nwuna badi kani, na baawia ka bataabla lɛbuni.

Tito 2:2

Tina benengu bammɔ ƒui anii ɔdi ka babla anumi ku kasusu nwaa uwi biala. Na bada lɛlɔ kaduɛ ku bana bɔƒɔtaadi, na bataayɔ lɛlɔ, na bataakya ɔkplu lɛnɔ.

Tito 2:7

Na ala amɛni ƒui kemmo ni, awɔ ɔlati ɔlɛka enwini ukyuli ɔni na ɔlɛka banu batɛya. Na enye momoomo na atina ala kaduɛ.

Tito 3:14

Ɔdi ka baƒɔtaadine batɛya kalɛ na beeti bana uwi ƒui taabla lɛbuni lɛni malɛ kɔsia. Na bakana bekyuli bamba lɛnɔ buteebunku na ɔɔɔdi ka bataabla kɔkɔsɔ.

Hebriƒuɔ 11:2

Ɔkɛnku bɔƒɔtaadi lɛlɔ na bekyuli bani nákya kuuku ni, Katɔti úmwi-ma ka badi bekyuli babuni.

Hebriƒuɔ 13:18

Bɛkpali katɔ na bula lili. Bɔgyi nwaa ka bula kayi kaladu-bu kɔtɔ kɔdi. Na bɔɔyɔ́ ka butaabla lɛla lɛni ndia uwi biala.

Yakobo 1:27

Bɔƒɔtaadi ulu ɔni na Katɔti ɔɔnu ka use sɛɛn na bɔƒiɔ bɔdi buuubo-nwu kemmo ndi ɔmɛni. Ɔlɛka ukyuli ubunku bekyuli bani muubó abi aani bekpinebi ku bekpinele kalɛ. Na ɔda lɛlɔ udie kayawi ekpidi biala kemmo.

Yakobo 3:17

Na lɛnunda lɛni nási Katɔti kudɔ ni, lise sɛɛn. Na lɛdanku keyi buɛɛ na ɔɔyá na ati kalɛ na ada lɛlɔ na ayɔ ƒula bakpana lɛnɔ. Ɔɔyá na ƒula ablala aanwu ebi buni na aanu bekyuli kɔnyana. Na ulánu bekyuli anumi taabla lɛla lɛdi. Mmomu aabla ala ulu lɛlɔ geen.

Petro 1 1:22

Ka bɛɛdi litemi geen lɛmmɔ lɛlɔ na bɛ́bla lɛlɔ sɛɛn ka Katɔti úti bina ekpidi ɔ́kyiɛ-mii na bɛɛyɔ́ lɛlɔ ɔƒɛni ɔsu ni, bɛya na bina baƒɔtaadine bakpana bɔyɔ bɔkɔ katɔ bubu ku kayi ƒui.

Petro 1 2:12

Na bilie ngba bɔni nse sɛɛn na bani naaadi baƒɔtaadine akɔ. Na ina baasu-mii lɛlɔ litemi likpidi muedi ni, badubɔnu bina ablala bati ka bɛdi bekyuli babuni. Na badubɔgya Katɔti enu na litemi bɔtɛ limeyi lɛmmɔ lɛlɔ.

Petro 1 4:8

Na ɔni ntulo ƒui ni, bitaayɔ lɛlɔ ku kaƒɔ nwaa. Ɔsika si bɛɛyɔ́ lɛlɔ ni, bɛsɔ bilátaanu bina banwa ekpidi pii.

Petro 2 3:1

Mina banwa bayɔne, ɔmɛni ndi ɔku unyɔdi ɔni na línweni muute-mii. Líti lɛ́sia lɛlɔ ka lɛku inyɔ bɔmɛni kemmo ni, ndubɔsɔ lɛgyila-mii kasusu na kabla-mii nwaa na ala amɛni lɛlɔ.

Yohane 1 3:18

Mina bebi bayɔne, bitaya na bɔyɔ lɛlɔ ku kenyekplu. Mmomu biteebunku lɛlɔ geen.

Yohane 1 3:3

Na ukyuli biala ɔni mɔɔsia Kristo bubo anu ni, ɔɔklibi lɛlɔ teese sɛɛn aani kalɛ na Kristo lɛnɔ use sɛɛn.

Yohane 1 4:1

Banwa bayɔne, bitaƒɔ kɔyu biala muulie ukyuli lɛlɔ bitadi. Mmomu bɛkɔku ɔdi biala bɛnu si kɔyu kɔmmɔ kɔ́si Katɔti kudɔ. Ɔsika ɔkɔ kenye bediene béegyingya bakya kayawi ekpo ƒui.

Rut Keliela Ɔku 3:11

Na ɔƒɛni mɔɔsu-ɔ ka taya na lɛla lɛdi likpoku-ɔ. Ɔsika ukyuli biala na ɔma ɔmɛni kemmo ɔgyi ka adi uleku ɔbuni. Ɔmɛni ɔsu lɛla biala na aasu-mi mɛni ni, ndubɔbla-ni lite-ɔ.”