Ƒilipiƒuɔ 4:6 - Katɔti Ɔku Kedee

⁶ Ɔdi biala utekpoku lɛlɔ na lɛla biala lɛlɔ, mmomu bitaakpali Katɔti uwi biala kemmo, na bitaasu-nwu ala ani bɛɛwia. Na si bɛɛkpali-nwu ni, na bitaagya-nwu enu.

Ƒilipiƒuɔ 4:6 Cross References

Baga 1 8:28

Nsu ni, O Unwoti, mina Katɔti, ƒula kabla ɔblane na ndi, anwuɔsu nu-mi bɔkpali na abla lɛla lɛni na lɛ́da mɔɔva-a anumi ɔmwi mɛni ete-mi.

Ala Alɛdi 2 32:20

Na uwi ɔmmɔ kemmo ni, Hesekia ku Amos ubidi Kenye Udiene Yesaia bévele Unwoti ka ubunku-ma.

Kɔgya 51:15

O Katɔti, ya libimi kenye na lɛtu lɛnu limwi-ɔ na bekyuli akɔ.

Kɔgya 55:17

Ɔtanta ku ɔƒiiwi ku usien ƒui ndubɔkpali Katɔti, na liwulo lɛkya-nwu na ala ani muukpóku-mi ɔsu. Na ɔdubunu ute-mi.

Kɔgya 55:22

Ti ƒula ala ani muukpóku-ɔ kya Unwoti enu kemmo. Na ɔdubo-ɔ bubunku na ɔda-a kpakplaa, ɔsika ulaya na bekyuli bani nsiaku-nwu kama siin baasɔ taakya lɛbibo kemmo.

Kɔgya 62:8

Amii bekyuli ƒui, biti bina kayi ƒui bɛsia Katɔti lɛlɔ uwi biala. Na biteevele-nwu ala ani ƒui na bɛɛyaki. Ɔsika Katɔti ɔdi katamikukɔ.

Agba 15:8

Bekyuli bekpidi akpala ni, Unwoti ukisi-nya. Nsu lɛlɔ lɛɛyɔ́-nwu si bekyuli bani nse siin baakpali-nwu.

Agba 16:3

Ti ƒula kabla biala kya Unwoti kɔnu na kadubɔtɛ-ɔ.

Lɛnu Ƒui Ɔnu 2:14

Ese ete-mi aani mina lɛmangbɛ lɛni nábɛla lɛlɔ ɔkya atabi ubu kemmo na lɛtakpɛ bonwu lɛni nƒa kemmo. Nwini na aya na lɛsɔ lɛnu ƒula bɔdia! Na aya na linu ƒula lɛdi mini mini lɛmmɔ.

Yeremia 32:16

Mmɔ na lɛ́kpali Katɔti lívele nnini,

Yeremia 33:3

Ala ani na aaagyi ƒui ku ani kalɔ na alakana bɔwia bɔti ni, ye-mi na lɛsu-ɔ nya.

Daniel 3:16

Amu na Sadrak ku Mesak ku Abednego bédie kenye banini, “Ɔga Ɔbune, abu bulawia ka bukpo budie lɛlɔ na litemi lɛmɛni kemmo.

Daniel 6:10

Daniel únu ɔda bubo bɔni na bényimi, nsu ka úsie kaduli ɔ́kɔ úsie ɔtɔ ɔtɔdi kemmo ni, úténye ƒansili ɔni néti anumi ɔ́tina Yerusalem na ɔ́lɛ akɔnkɔ ɔ́kpali Katɔti kalɛ kani na ɔɔyɔ́ bɔbla limeyi ndi limeyi, ɔsika kɔtɛ na ɔɔkpali Katɔti limeyi biala kemmo taagya-nwu enu.

Mateo 10:19

Si béti-mii bésienku litemi katɛkɔ ni, biteti kasusu na lɛla lɛni bɛdubɔsu lɛlɔ.

Mateo 13:22

Na edula ani néduo ákya liyu livo akɔ ni, anya ndi bekyuli bani muunú litemi lɛmmɔ. Nsu ka béti kasusu pii básia kayawi kamɛni ala lɛlɔ ku lɛlakɛ ɔsu ni, litemi lɛmmɔ lílaƒɔ bana lɛlɔ kemmo na babla ala abuni.

Mateo 6:34

Anwuɔsu biteti kasusu pii na kadi kani nétegye tɔ lɛlɔ. Limeyi lɛmmɔ alatidi lɛdanku nina etila. Útalɛka biti etila bamba bibunku limeyi lɛmmɔ adi lɛlɔ.

Mateo 6:8

Bitalɛ-ma, ɔsika bina Katɔti ɔgyi ala ani na bɛɛwia asa na biiye-nwu.

Luka 10:41

Amu na Yesu ɔ́su-nwu ɔnini, “Marta! Nu kalɛ na eekpóku lɛlɔ na ala pii lɛlɔ.

Luka 12:22

Mmɔ na Yesu ɔ́su nwuna batɛyane ɔnini, “Anwuɔsu na mɔɔsu-mii nnii bitekpoku lɛlɔ na lɛla lɛni na bɛdi bilie ngba lɛlɔ iye ɔlɔna adala lɛlɔ.

Luka 12:29

Anwuɔsu bitayia na anumi eteegyie-mii na biteeye bɛnii bi na bɔdubɔdi iye bi na bɔdubɔni.

Luka 18:1

Yesu úbo nwuna batɛyane lɛgba lɛdi ɔ́tina-ma ɔnii ɔlɛka bataakpali katɔ uwi biala na ɔɔɔdi ka enu aƒɛ-ma.

Luka 18:7

Na ɔƒɛni ni, bɔtɛ na Katɔti ulatɛ litemi uledie nwuna bekyuli bani muuwulo taakpali-nwu usien ku ɔƒɛ banii ubunku-ma? Munuu bɛɛkali bɛnii ɔdubɔkpɛ kama ku bana bɔƒɔ?

Korintoƒuɔ 1 7:21

Si ukyuli bamba kabla na aabla asa Katɔti ɔ́lɔ-ɔ ni, ɔmmɔ utekpoku-ɔ. Nsu si ákɛ ulu ɔni na ada ukyuli bamba kabla bɔbla aya na akɛ bɔnwuna ni, sia ulu ɔmmɔ lɛlɔ.

Korintoƒuɔ 1 7:32

Mɔɔwia ka bɛda kasusu bidie lɛla biala lɛlɔ. Ɔsika ɔnana ɔkinsi ni, uuti nwuna kasusu taasia Blɔti kabla lɛlɔ na ɔɔkya ɔkplu ka ɔbla lɛla lɛni mayɔ Blɔti kaƒɔ.

Korintoƒuɔ 2 1:11

Ɔlɛka amii lɛnɔ bibunku-bu na bɛkpali katɔ bite-bu. Ɔsika si bekyuli pii bákpali katɔ na Katɔti úbunku-bu ni, bekyuli pii badubɔgya Katɔti enu na kalɛ na úbunku-bu ɔsu.

Eƒesoƒuɔ 5:20

Na bɛgya Katɔti ɔni ndi bula Ɔti enu na Blɔti Yesu Kristo lɛnyi kemmo uwi biala na lɛla biala ɔsu.

Eƒesoƒuɔ 6:18

Na Katɔti Kɔyu kɔkya-mii lɛlɔ kemmo na bitaakpali katɔ uwi biala teevele Katɔti kebunku aani kalɛ na Kɔyu kɔmmɔ kɔ́tina-mii. Ɔmɛni ɔsu ni, binye kagyumana na enu ataƒɛ-mii. Na bitaakpali katɔ teete Katɔti bekyuli ƒui lili.

Koloseƒuɔ 3:15

Na bɛya Kristo ɔni muute keyi buɛɛ ɔdi lɛga na bina kayi kemmo. Ɔsika Katɔti ɔ́lɔ-bu ɔsala ɔnii bula ƒui bɔbla ɔlɔna unwi na bɔkɛ keyi buɛɛ. Na bitaagya enu.

Koloseƒuɔ 3:17

Na lɛla biala lɛni na bɛɛsu iye bɛɛbla kemmo ni, bɛbla-ni na Blɔti Yesu lɛnyi kemmo. Na bitaagya Katɔti enu taasiaku Blɔti Yesu lɛlɔ.

Koloseƒuɔ 4:2

Bitada Katɔti bɔkpali bitaya. Na binye kagyumana, na biteeti linugya teete-nwu.

Timoteo 1 2:1

Lɛla lideedi lɛni na mɔɔyɔ́ ka bɛti ndi ka bitaakpali katɔ na biteevele na bekyuli ƒui lili. Na biteeti amii ku-ma ƒui awiala taava Katɔti anumi.

Timoteo 1 5:5

Na ukpinele ɔni neeebo ubunkune ni, uuti nwuna anu ƒui taasia Katɔti lɛlɔ na ɔɔkpali Katɔti usien ku ɔƒɛ ka ɔɔwia-nwu kebunku ɔsu.

Petro 1 4:7

Kawɔlɔkɔ kammɔ kéede. Anwuɔsu bɛya na ukyuli biala kasusu kemmo kabla nwaa, na ɔda lɛlɔ use utaakpali katɔ.

Petro 1 5:7

Biti bina ala ani muukpóku-mii ƒui bɛkya Katɔti enu kemmo, ɔsika anwu uuti-mii lɛlɔ kasusu uwi biala.

Samuel 1 1:15

Amu na Hana údie kenye ɔnini, “Mina ati, buvele ɔɔɔdi ntɛ mɔɔda-mi, ala muukpóku-mi kayi lɛni na anya na mɔɔká taasu Unwoti.

Samuel 1 30:6

Na kayi kébo kaakpulu Dawid geen, ɔsika nwuna bekpone bammɔ baasu ka badububo-nwu atabi na livoƒi ku ɔƒɛ ɔni mɔɔdá-ma na bana bebi bananabi ku belekubi ɔsu. Nsu ɔ́kɛ ɔyikun ɔ́siku Unwoti, nwuna Katɔti kudɔ.

Samuel 1 7:12

Ɔmmɔ kama ni, Samuel ɔ́lɛ likpose lɛtabi lɛdi na Mispa ku Sen lɛma ntɛ na ɔ́sia-ni lɛnyi ɔnii Eben-Eser, na nwuna kalɔ ndi bɔƒɔ lɛtabi. Na ɔ́su ɔnini, “Ɔmɛni mɔɔtina kesii kani na Unwoti úbunku-bu úbedu.”