Ƒilipiƒuɔ 4:12 - Katɔti Ɔku Kedee

¹² Na ngyi kalɛ na lɛwaba ku lɛlakɛ lise na lɛla biala kemmo. Na lɛ́tɛya lɛbɛla lɛni mɔɔtina-mi kalɛ na lɛti lɛlɔ bɔda na kesii biala ku uwi biala kemmo. Na kɔka kemmo o-o, bumo o-o, lɛkɛ o-o, iye ayaki kemmo o-o ni, nnye nte ana ƒui.

Ƒilipiƒuɔ 4:12 Cross References

Nehemia 9:20

Na éte-ma ƒula Kɔyu kɔbuni kɔmmɔ ka kɔ́da-ma. Na átada ƒula manna étedie-ma kenye kemmo. Na éte-ma ntu na béti bádu bana ntukwɛ.

Yesaia 8:11

Katɔti ɔyikun ɔ́ƒɔ-mi lɛlɔ kemmo na ɔ́su-mi kpakplaa ka ntasiaku bekyuli bɔmmɔ ɔbladu kama ɔnini,

Yeremia 31:19

Uwi ɔni na bɔmu bɔdi banamu ni, bɔ́yii ulu na bɔ́bla likpidi bɔ́ƒiɔ-ɔ. Nsu bɔ́nu lɛla lɛni na bɔ́bla-a mɛni bɔ́ti. Kɔƒa kuukpó-bu na bɔɔwia ku bunwini bubo-ɔ kudɔ.’

Mateo 11:29

Bibo bɔda kɔda, na bɛtɛya bɛsiku-mi kudɔ. Nse buɛɛ na muuboku lɛlɔ kalɔ, na bɛdubɔkɛ bɔnwuna.

Mateo 13:52

Na Yesu ɔ́su-ma ɔnii, “Amu ni, ala ɔtinane biala ɔni mɔɔtɛya Katɔti lɛga bɔdi lɛlɔ ala ni, use aani ɔtɔlati ɔni mbo ala awɔdi ku ala akukudi lɛnɔ. Na uudie-nya keyi.”

Korintoƒuɔ 2 10:1

Ɔmɛni ɔsu ami Paulo ɔlati líti Kristo kayi buɛɛ ku lɛlɔ kalɔ buboku muuvele-mii geen nnii bise atu na binu. Muunú ka bekyuli badi baasu banii mina lɛku lɛni muunweni libo ogya si liiibo-mii kudɔ, nsu lɛ́ba na mina butemi kemmo si nkya-mii kudɔ.

Korintoƒuɔ 2 10:10

Bina akɔ ɔdi ɔdubɔsu ɔnii muunweni lɛku kpakplaa lɛni etemila mbo unu. Nsu si nkya-mii kudɔ ni, lɛ́ba na mina etemila eeyile atu.

Korintoƒuɔ 2 11:27

Lɛ́bla kabla kpakplaa lítu lɛlɔ kaduɛ. Ńtatɛ ńtalɛɛ usien pii. Na kɔka ku utukwɛ ɔ́da-mi, na adila ábɔ-mi uwi pii. Na kɔyɔ kɔda-mi, na ńtakɛ lɛla lɛni na libi lɛlɔ.

Korintoƒuɔ 2 11:7

Uwi ɔni na lɛ́ka litemi buni lɛmmɔ lɛsa bɔkɔ bute-mii ni, ńtakya-mii kayu kadi. Mmomu líboku lɛlɔ kalɔ kalɛ na lɛtalaku-mii katɔ. Na ɔni na lɛ́bla ɔmɛni ɔsu na lɛ́bla likpidi lɛdi?

Korintoƒuɔ 2 11:9

Uwi ɔni na lɛ́kya-mii kudɔ ni, mina lɛlɔ bɔnu bútasia-mii lɛlɔ si mɔɔyaki lɛla lɛdi. Banwa bani nási Makedonia néteete-mi kebunku na lɛla biala kemmo. Na ńteti etila abambadi ńtasia-mii lɛlɔ na lɛɛɛdubo adi lɛnɔ buti bɔsia-mii lɛlɔ kudii.

Lɛkpa Ulu 32:10

Na bese-nwu aani bekyuli bakɛdi na kalɔ kakwiidi kani kemmo na ɔƒɛƒɛɛ ɔni mɔɔkula ala uukpó uwi ƒui ku kudu. Na Katɔti nébenwini bana kabɛkɔ. Na ɔkya ɔɔgyumana-ma aani nwuna lɛnumi kebi.