Ƒilipiƒuɔ 3:7 - Katɔti Ɔku Kedee

⁷ Nsu ɔni na nka ɔlɛka lɛnu ala ammɔ aani kɔsia kɔdi ni, ɔƒɛni mɔɔnu-nya aani ala keeke ɔ́si Kristo ɔsu.

Ƒilipiƒuɔ 3:7 Cross References

Ala Kalɔ Buse 19:17

Ka bálɛ ɔma ɔmmɔ kemmo kani na batu bammɔ kemmo unwi ɔ́su-ma ɔnini, “Ɔdi biala ukeli momoomo na udie lɛlɔ na ɔgbankpi ɔni ndubo bɔlɛ kemmo. Na ɔdi utenwini utanu kama. Na ɔdi lɛnɔ utasu ɔnii uudí unye na kalɔ ntɛ mmɔ kesii kadi. Bikeli siin biteesie abi lɛlɔ. Si ɔɔɔdi lɛni bɛdubo bɔkywi!”

Ala Kalɔ Buse 19:26

Uwi ɔni na ala amɛni aalɛ́ ni, Lot ulekudi únwini ɔ́nu kama. Amu na únwini mma lɛbanta bonwu linye ulu ntɛ.

Hiob 2:4

Amu na Satan ɔ́su ɔnini, “Lɛla lɛdi lileƒi ukyuli ɔlɛ teetulo si anwu ɔlati nwuna ɔlɔna uunú ɔlɛ. Anwuɔsu na ɔkana na uni lɛla biala na uti lɛla lɛni na lɛ́ƒɔ-nwu kuye geen muedi ɔvumana na ɔkɛ nwuna ngba.

Agba 13:8

Balakɛne baakana na baƒɔ kayu biala na beti baƒɔ bana lili ngba. Nsu bawabane ama ni, bana lɛlɔ lilégyie anumi na beduo ɔgbankpi ɔmmɔ udu kemmo muedi.

Agba 23:23

Ƒɔ litemi geen bɛla se lɛlɔ, na teti-ni teye. Na ada anu na aya batumini-ɔ kalɛ na anu ala ati kaduɛ.

Etemila 3:6

Uwi ɔni na baawia lɛla lɛdi ɔkya, na uwi ɔni beedie-ni atu lɛnɔ ɔkya. Na uwi ɔni na baada lɛla teese lɛlɔ ɔkya, na uwi ɔni na beevakun-ni lɛnɔ ɔkya.

Mateo 16:26

Bi kɔsia na ukyuli ɔdubɔkɛ si ɔ́kɛ kayawi ala ƒui na ɔ́yila ngba geen bɔmmɔ. Munuu bi na ukyuli ubo na uti ɔvumana na ɔkɛ ngba geen bɔmmɔ?

Marko 10:50

Kɔnakunwi ni, údie nwuna kɔdi úwi na ɔ́ba lɛgyu úsie Yesu kudɔ.

Luka 14:26

“Ukyuli biala ɔni muubo-mi kudɔ ni, ulakana-mi bɔtɛya si ulayɔ-mi teetulo ɔti ku uni ku ulekudi ku bebi ku nwuna banwani bananabi ku belekubi ku anwu ɔlati lɛlɔ muedi.

Luka 14:33

Amu na Yesu ɔ́wɔlɔ nwuna kɔtɛ ɔ́su-ma ɔnini, “Lɛni kani na bina akɔ ɔdi ulakana-mi bɔtɛya si útada atu útedie lɛla biala lɛlɔ.

Luka 16:8

“Ɔmɛni ɔsu ni, Unwoti ɔmmɔ úmwi kabla ɔblane ɔmmɔ na lɛkwɛ lɛni na ɔ́bla mmɔ ɔsu. Sɔsɔ ni, bekyuli bani nli nte kayawi kamɛni lɛlɔ ala ni, baasia anu taabla bana lɛlɔ ala teetulo ama bani mɔɔsia Katɔti lɛga kadikɔ anu.”

Batalane Kabla 27:38

Uwi ɔni na bádi báwɔlɔ ni, bekyuli bammɔ básɔ bédie etila akladi ƒui na ɔkɔlɔ ɔmɛni kemmo béwi ntu kemmo, na ɔkɔlɔ ɔmmɔ ɔ́bla ƒaaƒaa.

Hebriƒuɔ 11:26

Ɔ́nu ka si bákya-nwu kɔƒa na Ukyuli Ɔƒunadi ɔni lɛlɔ na nwuna anu asia lɛlɔ ni, ɔ́ƒɔ-nwu kuye utulo ka ɔsiaku Egyipteƒuɔ akɛla kama. Ɔsika unye ɔɔnu ulu ute lɛyuƒɔla lɛni na Katɔti ɔdubute-nwu.