Ƒilipiƒuɔ 3:5 - Katɔti Ɔku Kedee

⁵ Uwi ɔni na lɛ́kɛ Kwasida unwi ka báwɔ-mi kani na békulo-mi lego. Na ami lɛnɔ ndi Israelni. Na lɛ́si Benyamin kaba kemmo. Na mina bati kuuku badi Hebriƒuɔ geen. Na si Mose ɔda bubo lɛti pɛ lɛlɔ bɔdi ɔsu ni, na nka Ƒarisini na ndi.

Ƒilipiƒuɔ 3:5 Cross References

Ala Kalɔ Buse 14:13

Na ukyuli ɔni kani nákana bukeli ni, anwu nébo ubedie litemi lɛmɛni kalɔ úte Abram, Hebrini ɔmmɔ. Na uwi ɔmmɔ kemmo ni, Abram kakyakɔ kedenku Mamre egyii enengudi ammɔ. Na Mamre ɔmɛni ɔdi Amorini ɔni ndi Eskol ku Aner ɔnwani. Na bekyuli bamɛni ƒui ni, ama ku Abram básala lɛlɔ na badi benwi.

Ala Kalɔ Buse 17:12

Na ƒula kaba bekyuli bani ƒui mebo ni, ɔnanabi biala na bana akɔ ɔni náƒɔ emeyi maane ni, ɔlɛka bekulo-nwu lego. Bananabi bani na báwɔ bákya bina kɔduli iye bani na bíye ku egulabi bɛ́siku baƒɔ kudɔ na baaadi bina bebi geen muedi ɔlɛka bikulo-ma ago.

Ala Kalɔ Buse 40:15

Bunye na bénye-mi lɛlɔ bákpanku-mi básiku bula Hebri kadi kalɔ lɛlɔ béboku mɛni. Na mɛni lɛnɔ ńtabla lɛla lɛni naya na beti-mi babakya kesii kani na ntɛ mɛni.”

Ala Kalɔ Buse 41:12

Ɔƒɛni Hebrini okloƒu ɔdi lɛnɔ ɔ́kya-bu kudɔ mmɔ, na anwu lɛnɔ ɔtɛ ɔtɔ mmɔ na ɔɔbla ɔgyumanane ɔmmɔ kabla. Amu na bɔ́su-nwu bula ana ani na búgye. Na údie ɔdi biala kɔna kalɔ úte-nwu ku lɛla lɛni na ɔdi biala kɔdi kɔdanku.

Yona 1:9

Mmɔ na Yona údie kenye ɔnini, “Hebrini na ndi. Na mɔɔkpali Unwoti Katɔti ɔni nkya katɔ. Na anwu nédie kalɔ ku ɛpu.”

Luka 1:59

Ka ɔnamu ɔmmɔ ɔ́ƒɔ emeyi maane ni, bébo banii bebekulo-nwu lego na báwia ka basia-nwu ɔti lɛnyi banii Sakaria.

Luka 2:21

Na emeyi maane kama ka uwi úbedu ka bekulo ubi ɔmmɔ lego ni, básia-nwu lɛnyi banii Yesu aani kalɛ kani na Katɔti ɔtu ɔmmɔ ɔ́su úse asa na badubɔda-nwu kaƒɔ.

Luka 5:38

Nsu beeti ntɛ bɔwɔdi teewi ɔku koƒo kɔwɔdi kemmo.

Batalane Kabla 22:3

Na Paulo ɔ́su-ma ɔnini, “Yudani na ndi, na báwɔ-mi na Tarso na Kilikia kalɔ lɛlɔ. Nsu ni, Yerusalem mɛni na lísie sukuu. Gamaliel kalɔ na lɛ́kya lɛ́tɛya ala. Bátina-mi bula bati ɔda bubo ala ku bana ɔdi ƒui kaduɛ geen. Na líti mina kayi ƒui líte Katɔti aani kalɛ kani na amii lɛnɔ bɛɛbla.

Batalane Kabla 23:6

Amu na Paulo ɔ́nu ɔ́ti ka ni, bekyuli bani nábasa mmɔ akɔ badi badi lɛkpa lɛni baalɔ Sadukiƒuɔ, na badi lɛnɔ badi Ƒarisiƒuɔ. Anwuɔsu ɔ́va momoomo ɔnini, “Banwa, Ƒarisini na ndi! Na Ƒarisini náwɔ-mi! Na baatɛku-mi litemi mɛni ɔmwi ɔni na lɛ́ƒɔ bekpine bɔsɔ taata lɛ́di ɔsu!”

Batalane Kabla 6:1

Na uwi ɔmmɔ kemmo ɔni na batɛyane bamɛni beemomo teebu ni, unyeƒi úbebo Yudaƒuɔ bani na beetemi Griki lɛdi ku Yudaƒuɔ bammɔ geen ntɛ. Ɔsika si béle adila ni, eledu Grikiƒuɔ bekpinele.

Romaƒuɔ 11:1

Anwuɔsu muuye ɔƒɛni nnii Katɔti úni nwuna bekyuli? Oowo. Kudi kudii! Ami ɔlati Yudani na ndi na Abraham kaba kemmo, na lɛ́si Benyamin ɔtɔ kemmo.

Korintoƒuɔ 2 11:22

Si Hebriƒuɔ na badi ni, ami lɛnɔ anwu ndi. Na si Israelƒuɔ badi ni, ami lɛnɔ anwu ndi. Na si Abraham bawɔ lɛnɔ na badi ni, ami lɛnɔ anwu ndi.

Samuel 1 4:6

Na ɔni na kɔkun kɔmmɔ kúwi Ƒilistiƒuɔ ni, béye banii, “Bi kɔvanu na Hebriƒuɔ bamɛni baabla lɛni na bana kakyakɔ?” Amu ka bébenu ka Unwoti Bunyimi Adaka ɔmmɔ na béti béboku mmɔ ni,