Ƒilipiƒuɔ 2:7 - Katɔti Ɔku Kedee

⁷ Mmomu ɔ́bla lɛlɔ aani si ɔɔɔdi lɛla biala. Ɔ́bla lɛlɔ aani ukyuli ɔni mɔɔbla ukyuli bamba kabla. Ɔsika úbo aani ukyuli ɔyawine kalɛ.

Ƒilipiƒuɔ 2:7 Cross References

Kɔgya 22:6

Nsu ami ni, liklubi na ndi. Nsɔ lɛɛɛdi ukyuli muedi. Na ukyuli biala ulayɔ-mi, baatɛmi enyekpi na mina lɛlɔ.

Yesaia 42:1

Unwoti ɔnini, “Aanu mina kabla ɔblane ɔni na lɛ́ƒuna, mɔɔyɔ́-nwu geen na nnye-nwu kama kpakplaa lɛnɔ. Líti mina Kɔyu lɛ́kya-nwu lɛlɔ kemmo, na ɔdubuti ala bɔbla ulu lɛlɔ siin buboku kayawi kadi bekyuli ƒui.

Yesaia 49:3

Na ɔ́su-mi ɔnini, “Israel, awɔ ndi mina kabla ɔblane ɔni lɛlɔ na ɔkɛnku na bekyuli badubo-mi bumwi.”

Yesaia 53:11

Ɔdubɔnu lɛla lɛni ndubɔlɛ lɛsi kɔyu kemmo abi ani na úbo, na kaƒɔ kaba-nwu. Ka mina kabla ɔblane ɔni nse siin ɔgyi mina lɛyɔla ɔsu ni, ɔdubɔya na bekyuli pii ku Unwoti ntɛ bɔdia. Na anwu ɔlati ɔdubɔƒɔ-ma ekpidi uti.

Daniel 9:26

Na uwi ɔmɛni kawɔlɔkɔ ni, badubo Ukyuli Ɔƒunadi ɔmɛni bɔdu na nwuna lɛla biala lilébu. Kadi bamba lɛlɔ ɔdine ɔni ndi ɔƒɔ ɔdi ku nwuna bekpone badubo babasia mmɔ bavi aani kalɛ na ketu keeyi taagba taavi kesii kadi na babwɛ ɔma ɔmmɔ ku kakpakɔ kammɔ na kekpo ku ala bubile bɔmmɔ bɔdubusie anumi utédu kawɔlɔkɔ aani kalɛ na Unwoti ɔ́lɛ ugyii úse.

Sakaria 3:8

“Ɔkpane Unengudi Yosua, se kɔtu kaduɛ na enu ku amii bakpane bamba ƒui lɛnɔ. Amii ndi likposela lɛni nnye ala ani ndubo abalɛ uwi ɔni mebo kenye ɔƒaani. Ɔsika ndubɔsɔku mina kabla ɔblane, Ɔga Ɔƒunadi ɔmmɔ, ɔni baalɔ banii kugyii kagba liboku.

Sakaria 9:9

Ukyuli biala ɔni nkya Sion ɔdi limeyi na ɔva momoomo ku ebiti banini, “Bɛnu! Bina ɔga ɔdubo-mii kudɔ. Use siin na ɔdanku bɔƒɔ. Uboku lɛlɔ kalɔ na ulie ebuo ala utine ubi lɛlɔ ɔdubo.

Mateo 12:18

“Ɔmɛni ndi mina kabla ɔblane ɔni na lɛ́ƒuna, na mɔɔyɔ́-nwu. Na mina kayi kasia-nwu lɛlɔ geen. Ndubuti mina Kɔyu lɛkya-nwu lɛlɔ kemmo na wedie litemi bɔtɛ siin keyi watina kadi ƒui.

Mateo 20:28

Lɛni na ami Ukyuli Ɔyawine Ubi lɛ́bla. Ńtebo nnii babla mina kabla. Mmomu líbo mbabla kabla na liti mina ngba lɛƒɔ bekyuli pii lili kayu.”

Marko 9:12

Yesu ɔ́su-ma ɔnii, “Sɔsɔ na básu. Elia na ɔlɛka ɔka bubo kalɛ na wabaklibi lɛla biala wese. Nsu Bunweni Kedee Ɔku lɛnɔ ɔ́su ka Ukyuli Ɔyawine Ubi ɔdububo abi pii na badubudumi-nwu. Dɛ bɛɛkali ka ɔmɛni lɛnɔ kalɔ kaatina?

Luka 22:27

Ɔma ndi ukyuli ɔni ntulo, ukyuli ɔni nlie kalɔ ɔɔdi, munuu ukyuli ɔni néti adila úse-nwu? Use nwaa ka ukyuli ɔni nlie kalɔ ɔɔdi ntulo. Nsu ami nkya-mii akɔ aani ukyuli ɔni mɔɔbla-mii kabla.

Yohane 1:14

Na Katɔti Litemi lɛmɛni líbo aani ukyuli ɔyawine, na úlie kalɔ lɛlɔ mɛni na bula akɔ. Na Katɔti lɛƒɔndia ku litemi geen lɛ́ƒɔ-nwu lɛlɔ kemmo ƒui. Na abu bɔ́nu kalɛ na uukeye ka ɔdi Katɔti ubidi unwi pɛ ɔsu.

Romaƒuɔ 1:3

Linyese lɛmɛni lɛkɛnku Katɔti Ubidi ɔni ndi Blɔti Yesu Kristo lɛlɔ. Báwɔ-nwu aani ɔyawine kalɛ na ɔdi Dawid kaba kemmo ubi.

Romaƒuɔ 15:3

Ɔsika Kristo muedi ni, ɔɔɔdi lɛla lɛni mayɔ-nwu kaƒɔ kani na ɔ́bla. Mmomu bénweni ka Kristo ɔmmɔ ɔ́su Katɔti ɔnini, “Edumi ani na bekyuli bédumi-ɔ ni, ana ƒui ébo ábasia-mi lɛlɔ.”

Romaƒuɔ 15:8

Ɔsika mɔɔsu-mii nwaa nnii Kristo únwini Yudaƒuɔ ubunkune kalɛ na udie ɔtina ka kenye kani na Katɔti ɔ́su Yudaƒuɔ ɔtɔ eƒi benengu úse ni, ɔ́di-ka lɛlɔ na kébo kete lɛni sɔsɔ.

Romaƒuɔ 8:3

Na lɛla lɛni na Katɔti ɔda bubo bɔni na úti úte Mose bútakana bɔbla ka bekyuli bátakana-mu lɛlɔ bɔdi ɔsu ni, Katɔti ɔ́bla-ni. Ɔ́tala Ubidi aani ukyuli ɔni mbo ɔlɔna ɔni na likpidi liikpóku. Úbo úbabla bekyuli ekpidi lili buvele akpala, na ɔ́du likpidi kɔtɔ na ɔ́yila likpidi ɔyikun ɔni mɔɔdi-bu lɛlɔ.

Korintoƒuɔ 2 13:4

Ina ka bákana Yesu bámana ugyii lɛlɔ na úkpi uwi ɔni kemmo na use kpɛtɛ kpɛtɛ ni, Katɔti ɔyikun kemmo na ɔ́sɔ ɔ́ta uli ngba. Na ka abu-ku Yesu bɔ́bla unwi ɔsu ni, buse kpɛtɛ kpɛtɛ aani kalɛ na anwu lɛnɔ use kpɛtɛ kpɛtɛ. Nsu bubo Katɔti ɔyikun ka bɔbla lɛla lɛni na ɔlɛka bɔbla na bina akɔ, ɔsika abu ku-nwu bulie na nwuna ɔyikun kemmo.

Korintoƒuɔ 2 8:9

Ɔsika bɛgyi kalɛ na Blɔti Yesu Kristo lɛƒɔndia lise. Na ina ka ɔdi Katɔ Ɔga Ubi muedi ni, ɔ́nyonu lɛla biala na bina bɔdia ɔsu kalɛ na ɔkɛ nwuna lɛwaba kemmo na amii bínwini Katɔ Ɔga Ɔma ala bakɛne.

Galatiƒuɔ 4:4

Nsu ka uwi ɔni na Katɔti úse mmɔ geen údu ni, ɔ́tala Ubidi ɔ́kya-bu. Na ɔ́ya na uleku ɔdi ɔ́wɔ-nwu ɔ́kya kadi kadi akɔ na bana ɔda bubo bɔdi-nwu lɛlɔ

Ƒilipiƒuɔ 2:6

Anwu nkɛnku Katɔti ukyuli udu uwi biala kemmo. Nsu útata útenye ɔnii nwuna udu ɔmmɔ ute-nwu kuƒi kɔdi.

Hebriƒuɔ 12:2

Na bɛya na butaanu Yesu lɛti pɛ anumi. Anwu ntɔnku-bu na anwu kani ndubɔya na bula bɔƒɔtaadi bɔbla bɔƒɔtaadi geen bɔwɔlɔ. Ka ɔgyi lɛlɔyɔ lɛni na Katɔti ɔdubɔya na ɔkɛ ɔsu ni, ɔ́kya ɔkplu na úbo abi na ugyii lɛlɔ. Na útakpete edumi ku kɔƒa kɔni bákya-nwu. Na ɔmmɔ kama ni, útélie lɛgaboku lɛlɔ na Katɔti kɔdianu kesii kani náƒɔ kuye ketulo.

Hebriƒuɔ 13:3

Na binyimo bani lɛnɔ ntɛ aban ɔtɔ aani si amii lɛnɔ na bákya ɔtɔ ku-ma ku bekyuli bani na baabla-ma kalala aani si amii muubó abi.

Hebriƒuɔ 4:15

Ɔɔɔdi ɔkpane unengudi ɔni na bula lɛlɔ lilakywi-nwu kaƒɔ na bula kpɛtɛ kpɛtɛ bɔbla kemmo. Mmomu ɔdi ukyuli ɔni na ala ékpoku-nwu ánu na ulu biala lɛlɔ aani bula kalɛ kani. Nsu útabla likpidi lɛdi.