Ƒilipiƒuɔ 2:6 - Katɔti Ɔku Kedee

⁶ Anwu nkɛnku Katɔti ukyuli udu uwi biala kemmo. Nsu útata útenye ɔnii nwuna udu ɔmmɔ ute-nwu kuƒi kɔdi.

Ƒilipiƒuɔ 2:6 Cross References

Yesaia 7:14

Ɔmmɔ ɔsu ni, Unwoti ɔlati ɔdubute-mii likposela lɛdi. Bɛnu! Adagyaa ɔdi ɔdubɔda kaƒɔ na ɔwɔ ubi ɔnanabi. Na badubɔlɔ-nwu banii Imanuel.

Yesaia 8:8

Na kadubɔgbala ala laa ketédu Yuda, na kabuala kavi na keyi kadanku-ma amɔ. Na kana avwi ani na úgyingya adubo bɔbɛbɛ bubi ƒula kalɔ kammɔ ƒui, O Imanuel!”

Yesaia 9:6

Ɔsika báwɔ ubi ɔnanabi béte-bu. Na bekyuli ƒui lɛlɔ bɔdi lɛdubɔsia-nwu lɛlɔ. Na badubɔlɔ-nwu banii Kasusu Buni Ɔkyane ku Katɔti Ɔyikune ku Ati Ɔni Nli Uwi Ƒui ku Keyi Buɛɛ Ɔga Ubi.

Yeremia 23:6

Na uwi ɔni ƒui na ɔdubulie ɔdi lɛga lɛmmɔ ni, Israel ɔdubulie ku keyi buɛɛ. Na lɛla biala lise kpoo na Yuda kalɔ lɛlɔ. Na lɛnyi lɛni na ɔga ɔmmɔ ɔdubɔdi ndi Unwoti Uute Litemi Bɔtɛ Ulu Siin Lɛlɔ.

Mika 5:2

Unwoti ɔnini, “Awɔ Betlehem na Eƒrata kalɛkɛ kemmo, awɔ ndi ɔma blii suɛ ntulo na Yuda kalɔ lɛlɔ. Nsu uuuse lɛni, ɔsika ƒula kemmo na ɔtɔnkune ubendi ɔdubɔlɛ ɔsi na watɔnku mina kaduli bekyuli Israelƒuɔ wete-mi. Na ɔdubɔbla ukyuli ɔni na nwuna kaba kése kalɔ kási kukuuku na ala kalɔ kesekɔ ƒui.”

Sakaria 13:7

Unwoti Ɔyikune Ƒui ɔnini, “Ya liti mina kewii na likpoku mina baƒonu ɔdane ku mina ɔkpana. Du baƒonu ɔdane ɔmmɔ na baƒonu bammɔ badubugyingya, na ndubudie banamudi bammɔ atu.

Mateo 1:23

“Adagyaa ɔdi ɔdubɔda kaƒɔ na ɔwɔ ubi ɔnanabi. Na bekyuli badubɔlɔ-nwu banii Imanuel.” Na nwuna kalɔ budie ndi Katɔti ulieku-bu.

Yohane 1:18

Ukyuli ɔdi útanu Katɔti nwaa dii. Nsu Katɔti ubidi unwi pɛ ɔni mma-nwu lɛlɔ ni, anwu nédie-nwu nwaa ɔ́tina bekyuli.

Yohane 10:30

Ati ku ami ƒui ni, bekyuli benwi na bɔdi.”

Yohane 10:33

Mmɔ na Yudaƒuɔ bammɔ básu banini, “Ɔɔɔdi ala abuni adi ɔsu na bɔɔwia ka buubó-ɔ atabi. Mmomu ɔni na eedumi Katɔti ɔsu! Ukyuli kani na adi, nsu aawia ka eti lɛlɔ enwini Katɔti!”

Yohane 10:38

Nsu si anya na mɔɔbla bɔdi ni, si ina bilaƒɔ ami ɔlati taadi ni, ɔdi ka bɛƒɔ ala ani na mɔɔbla anya bɛdi. Na si bɛ́bla lɛni ni, bɛdubɔnu bɔti kɔnakunwi ka Katɔti uliku-mi na ami lɛnɔ nliku-nwu.”

Yohane 14:28

Bínu ka lɛ́su-mii nnii, ‘Bɔtɔlɔ nda bina kudɔ, na ndubɔsɔ linwini libo-mii kudɔ.’ Si bɛgyi ka bɛɛyɔ́-mi geen ni, kubiti kɔdubɔda-mii ka lísela Ati kudɔ. Ɔsika anwu utulo-mi.

Yohane 14:9

Mmɔ na Yesu údie kenye na úye-nwu ɔnini, “Ɔ́si uwi gyɔlɔɔ ɔni ƒui na lɛ́ɛkya-mii kudɔ mɛni ni, bɔsu na amu ada anii aaagyi-mi? Ƒilipo, ukyuli ɔni náanu-mi dii ni, ɔ́ɔnu Ati lɛnɔ. Na bi ɔsu na asɔ aasu-mi anii, ‘Tina-bu Ati ɔmmɔ’?

Yohane 17:5

Ɔƒɛni ni, Ati, sɔ kɔliku mina lɛnyi katɔ na ƒula anumi aani kalɛ na nse ɔni na lɛ́kya-a kudɔ asa na édie kayawi.

Yohane 20:28

Ka Yesu ɔ́su-nwu lɛni ni, Toma údie kenye ɔnini, “Mina Ati ku Katɔti!”

Yohane 5:18

Ɔmɛni bɔsu ɔsu ni, Yudaƒuɔ benengu básɔ báwia ulu bébu ka badu-nwu. Ɔsika na lɛnwunameyi ɔda bubo lɛlɔ tadi kama ni, ɔ́sɔ ɔ́tɛmi ɔ́siku Katɔti lɛlɔ aani Ɔti kalɛ. Na ɔmɛni ɔɔtina ka anwu ku Katɔti bese likeke.

Yohane 5:23

kalɛ na ukyuli biala utaabu Ubidi aani kalɛ kani na baabu Ɔti. Nsu si bíni na bilábu ami Katɔti Ubidi ɔni na ɔ́tala ɔ́kya-mii ni, bilábu Ɔti lɛnɔ.

Romaƒuɔ 9:5

Ama mbo Israel ɔtɔ eƒi benengu bani na Katɔti ɔ́ƒuna. Na bana akɔ na Kristo ɔni nébo aani ukyuli ɔyawine ɔ́lɛ ɔ́si. Bɛya na bumwi Katɔti ɔni mɔɔdi ala ƒui lɛlɔ ɔ́si ɔƒɛni úsela ƒui. Ɔsia lɛni.

Korintoƒuɔ 2 4:4

Na bekyuli bammɔ ni, ukisine ɔmmɔ ɔ́bwɛ ama bani naaaƒɔ taadi anumi. Na uutile-ma kuƒi kalɛ na balanu bukeye bɔmmɔ. Na bukeye bɔmɛni bɔɔsí litemi buni lɛni nkɛnku Kristo bukeye bɔni ndi Katɔti ɔmmɔ ɔlati udu geen kemmo.

Korintoƒuɔ 2 8:9

Ɔsika bɛgyi kalɛ na Blɔti Yesu Kristo lɛƒɔndia lise. Na ina ka ɔdi Katɔ Ɔga Ubi muedi ni, ɔ́nyonu lɛla biala na bina bɔdia ɔsu kalɛ na ɔkɛ nwuna lɛwaba kemmo na amii bínwini Katɔ Ɔga Ɔma ala bakɛne.

Timoteo 1 1:17

Anwuɔsu ni, bɛya na buteemwi bula Katɔ Ɔga ɔni na bulánu ku bula anumi na uli ngba úsela ƒui. Na butaakɔliku anwu ɔni neeekpi kudii lɛnyi katɔ uwi ƒui. Ɔsia lɛni.

Timoteo 1 3:16

Katɔti litemi kedee lɛni na bédie keyi ni, lɛ́ƒɔ kuye geen na ukyuli biala ulakana na weni-ni. Ani ndi ka, “Blɔti úbo aani ɔyawine ubi. Katɔti Kɔyu kɔ́gyila-nwu na kúte-nwu ubo. Na katɔ batu bánu-nwu. Na bekyuli bákɔ-nwu lɛlɔ lɛsa na kadi ƒui akɔ. Bekyuli pii báƒɔ-nwu bádi na kayawi. Na Katɔti úti-nwu úsienku katɔ.”

Tito 2:13

Lɛni na bɔdubuti butaanu ulu bute limeyi libendi lɛni lɛlɔ na bɔsia anu. Limeyi lɛmmɔ lɛlɔ na Utulone Blɔti, bula Ɔƒɔne, Yesu Kristo bukeye bɔdubɔda bɔlɛ.

Hebriƒuɔ 1:3

Ubi ɔmmɔ ndi Katɔti bukeye bɔni mɔɔsí Katɔti ɔni nse kede kede lɛlɔ. Na ɔdi Katɔti ukyuli udu ɔmmɔ geen. Na ɔkɛnku nwuna litemi lɛni mbo ɔyikun lɛlɔ ɔsu na lɛla biala linye nina kenyekɔ na kayawi. Na uwi ɔni na úti lɛlɔ ɔ́kpa kalɛ na Katɔti uti bayawine ekpidi ɔkyiɛ-ma ni, úsie útélie keliekɔ kenengudi ƒui na Katɔti kɔdianu kakɛ.

Hebriƒuɔ 1:6

Uwi ɔni na Katɔti Ubi ɔni ntɔ ala ƒui úbo kayawi kamɛni lɛlɔ ni, Katɔti ɔ́su ɔnini, “Bɛya na Katɔti batu ƒui bakɔliku-nwu lɛnyi katɔ.”

Hebriƒuɔ 1:8

Nsu na Ubidi ɔmmɔ lɛlɔ ni, Katɔti ɔ́su ɔnini, “Ati, awɔ ni, ƒula lɛga kadikɔ kadubo buse uwi ƒui. Na adubɔdi ƒula bekyuli lɛlɔ na ulu siin lɛlɔ.

Hebriƒuɔ 13:8

Yesu Kristo ulávumana. Kalɛ kani na úse uwi ɔni návi kemmo ni, lɛni kani na use ɔƒɛni ku uwi ɔni mebo ƒui lɛnɔ kemmo.

Budie Taatina 21:6

Na ɔ́su-mi ɔnini, “Ɔ́sa! Ami ndi Alƒa ku Omega ɔni ndi lɛla biala kalɔ kesekɔ ku kawɔlɔkɔ. Na bani na utukwɛ ɔɔda ni, ndubute-ma ntu ƒaa na bani basiku libiɔ lɛni muute ngba ƒui kemmo.