Ƒilipiƒuɔ 2:29 - Katɔti Ɔku Kedee

²⁹ Anwuɔsu bigyingya enu na bɛƒɔ-nwu ku kubiti na Blɔti lɛnyi kemmo. Na biti ɔbu bite bekyuli bani ƒui nse aani kalɛ na use.

Ƒilipiƒuɔ 2:29 Cross References

Yesaia 52:7

Bi mɔɔdia bɔnu lɛni! Bɛnu abi lɛlɔ na binu bekyuli bani ndubo babakɔ litemi buni lɛmmɔ lɛsa kalɛ na bana bubo kɔku kɔɔda kubiti. Baakɔ́ keyi buɛɛ ku ngba bɔƒɔ lɛsa banini, “O Sion, ɔƒɛni amu ƒula Katɔti ndi bina ɔga.”

Luka 9:5

Na kesii kani na bátaƒɔ-mii ni, bɛtɔlɔ ɔma ɔmmɔ kemmo na biveli bina lɛgba kalɔ ɔtumu muedi biwi ɔma ɔmmɔ kemmo aani Katɔti kɔtu bɔni kati bute.”

Yohane 13:20

Mɔɔsu-mii geen nnii ukyuli biala ɔni muugyingya enu taaƒɔ ukyuli ɔni na lɛ́tala ni, ami na ɔ́ƒɔ. Na ukyuli ɔni megyingya enu na waƒɔ-mi ni, anwu ɔni nátala-mi lɛnɔ na ɔ́ƒɔ.”

Batalane Kabla 2:46

Na béteesie Katɔti kakpakɔ limeyi ndi limeyi, na bátaasa esu esu lɛnɔ taadi na bana kɔduli na kubiti ku lɛlɔyɔ kemmo.

Batalane Kabla 28:10

Na ablala amɛni ɔsu ni, bébete-bu etela pii. Na ɔni na uwi údu ka bɔtɔlɔ mmɔ ni, béti etela ani ƒui bɔdubuti bɔda ulu béboku-bu.

Batalane Kabla 8:8

Ɔmɛni ɔsu ni, kubiti kɔ́kya Samaria ɔma ɔmɛni kemmo geen!

Romaƒuɔ 10:15

Na si bátatala bekyuli nɔɔ? Dɛ na ɔdubɔbla na bakɔ lɛsa lɛmmɔ? Anwuɔsu na bénweni banii, “Binu bekyuli bani ndubo babakɔ litemi buni lɛmmɔ lɛsa kalɛ na bana bubo kɔku kɔɔda kubiti!”

Romaƒuɔ 16:2

Na muuvele-mii nnii bigyingya enu na bɛƒɔ-nwu na Blɔti lɛnyi kemmo na ulu ɔni námanku Katɔti bekyuli lɛlɔ. Bite-nwu kebunku biala na wawia wasiku-mii kudɔ, ɔsika úte bekyuli pii kebunku ku ami lɛnɔ.

Korintoƒuɔ 1 16:10

Si Timoteo úbeduo-mii kudɔ ni, na bɛƒɔ-nwu kaduɛ. Ɔsika ɔɔbla kabla teete Blɔti aani kalɛ kani na ami lɛnɔ mɔɔbla.

Korintoƒuɔ 1 16:18

Báya na lɛ́sɔ lɛ́kɛ ɔkplu aani kalɛ kani na bákya-mii ɔkplu. Na bekyuli bamɛni udu bámanku ka babu-ma geen.

Korintoƒuɔ 2 10:18

Ɔsika ukyuli ɔni na Katɔti uumwi ni, anwu ndi lɛla lɛdi, na ɔɔɔdi ukyuli ɔni muumwi lɛlɔ.

Korintoƒuɔ 2 7:2

Bigyingya bina enu bite-bu. Bútaƒiɔ bina akɔ ɔdi, na bútakpanku ɔdi lɛnɔ bútavinku ulu ukpidi ɔdi lɛlɔ iye bɔnya ɔdi bɔkya.

Ƒilipiƒuɔ 2:28

Anwuɔsu na mɔɔwia geen ka lidie-nwu ulu kalɛ na si bɛ́nu-nwu ni, na kubiti kɔsɔ kɔda-mii. Na ami lɛnɔ mina kɔnyana buwulo bubo kalɔ.

Koloseƒuɔ 4:10

Aristarko ɔni na ami ku-nwu bɔtɛ ɔtɔ mɛni ku Marko ɔni ndi Barnaba ɔnwani banii beegyele-mii o-o! Líte-mii bɔti na Marko ɔmɛni lɛlɔ ka si úbo-mii kudɔ ni, bigyingya enu na bɛƒɔ-nwu ku ebiti.

Tesalonikaƒuɔ 1 5:12

Banwa, buuvele-mii bɔnii biti ɔbu geen bite bina batɔnkune bani mɔɔtina-mii Kristo ngba bulie ala lɛlɔ.

Timoteo 1 5:17

Na baƒɔtaadine batɔnkune bani mɔɔtɔnku bekyuli kaduɛ ni, ɔlɛka bakɛ lɛyuƒɔla lɛni nésie anumi. Na ɔni ntulo ƒui ndi bani mɔɔtina ala na baasu litemi buni lɛnɔ.

Hebriƒuɔ 13:17

Binu bina batɔnkune litemi na biboku lɛlɔ kalɔ bite-ma na badi-mii lɛlɔ. Ama mɔɔnu-mii lɛlɔ aani bekyuli bani na ɔlɛka babu akunta bete Katɔti. Bɛbu-ma kalɛ na bana kabla kenwini lɛlɔyɔ na ulabla-ma etila. Ɔsika ɔmmɔ ulete-mii kenyekɔ kabuni kadi.

Yohane 3 1:10

Si líbo ni, ndubudie-nwu keyi na lɛla lɛni na ɔ́bla lɛlɔ ku ala ekpidi ani na ɔɔsu tasiku-bu lɛlɔ ku ɔkɔ ɔni na ɔ́nyi ɔ́sia-bu. Nsu ɔmmɔ lɛti bɔbla bútabɔ-nwu. Ɔsika ulátuna ɔnii ɔɔƒɔ́ banwa si bébo. Na uutile bekyuli bamba bani mɔɔyɔ́ ka baƒɔ-ma lɛnɔ kuƒi, na ɔɔbɔku-ma teedie lɛkpa lɛmmɔ kemmo.