Ƒilipiƒuɔ 2:25 - Katɔti Ɔku Kedee

²⁵ Nsu lɛ́nu ka ɔlɛka lɛtala Epaƒrodito na ubo-mii kudɔ. Ɔdi mina ɔnwani ɔni nényeku-mi aani ukpone na bɔ́bla Katɔti kabla. Na ɔdi bina ukyuli ɔni na bɛ́tala ka ubo ubanu-mi lɛlɔ.

Ƒilipiƒuɔ 2:25 Cross References

Agba 25:13

Ukyuli ɔni muusié bɔtala taatábla kalɛ kani na básu-nwu ni, nwuna ala aayu kayi buɛɛ aani kalɛ na etubankɛ aabla kadi kani na káƒɔ ogya buɛɛ. Bekyuli bammɔ udu baayá na bekyuli bani bɔtala na beesié mmɔ ayu aakɛ́ lɛlɔyɔ.

Yohane 13:16

Mɔɔsu-mii geen ka ni, kabla ɔblane ɔdi biala uletulo nwuna unwoti. Lɛni kani na ukyuli ɔni bátala uletulo ukyuli ɔni nátala-nwu.

Yohane 17:18

Lɛ́tala-ma mɔɔkya kayawi bekyuli aani kalɛ kani na átala-mi ákya kayawi bekyuli.

Romaƒuɔ 16:3

Bigyele Priska ku Akwila bani ndi mina kabla bablane bakpana na Kristo Yesu kemmo.

Romaƒuɔ 16:9

Na bigyele Urbana ɔni ndi bula kabla ɔblane ɔkpana na Kristo kemmo. Na bigyele mina ɔkpana ɔyɔne Staki.

Korintoƒuɔ 1 3:9

Ɔsika bɔdi bakpana na kabla kenwi kemmo. Na bɔ́sala bɔɔbla-ka teete Katɔti. Na amii bise aani Katɔti kemmo kani lɛlɔ na bunye bɔɔtuma. Na bise lɛnɔ aani ɔtɔ ɔni na Katɔti ɔ́tu.

Korintoƒuɔ 2 2:13

Nsu mina kasusu kétete-mi bɔnwuna bɔdi, ɔsika ńtanu mina ɔnwani Tito na mmɔ ka línu-mii kɔku. Ɔmmɔ ɔsu lívele ulu na lɛ́tɔlɔ lísie Makedonia.

Ƒilipiƒuɔ 2:26

Anwu lɛnɔ unye kpakplaa ka ɔnu-mii. Na ɔdi lɛla lɛni muukpóku-nwu geen ɔsika ɔ́ti ka bínu ka úbeƒi.

Ƒilipiƒuɔ 4:18

Na bɛ́ƒɔ-mi kabla kayu ƒui. Na kayu kammɔ kétulo kalɛ na ɔ́manku muedi. Etela ani ƒui bíti bímene Epaƒrodito mɛni ni, émo-mi! Etela ammɔ ese aani akpala ƒɛƒɛɛ ani béti bákpa béte Katɔti, na áyɔ-nwu kaƒɔ, na aada-nwu kubiti.

Ƒilipiƒuɔ 4:3

Na amii lɛnɔ aani mina kabla bablane bakpana ni, mɔɔyɔ́ ka bibunku beleku bamɛni. Ɔsika báblaku-mi kabla na bɔ́kana na búgyingya litemi buni lɛmmɔ. Bɔ́bla ala amɛni ku Klement lɛnɔ ku banwa kabla bablane bakladi bani anyi na bénweni bakya Katɔti Ngba Ɔku kemmo.

Koloseƒuɔ 1:7

Bula ɔnwa Epaƒra ɔni náƒɔ-bu kuye na anwu lɛnɔ ɔdi kabla ɔblane geen ute Kristo na bula kabla kamɛni kemmo nábasu-mii Katɔti kɔnyana bɔnu litemi lɛmmɔ.

Koloseƒuɔ 4:11

Yosua ɔni na basɔ baalɔ banii Yusto lɛnɔ uugyele-mii. Yudaƒuɔ nkyuli ɛtɛ bamɛni ndi baƒɔtaadine bani nkya-mi kudɔ na bɔɔbla kabla kalɛ na Katɔti lɛga kadikɔ kebo. Kalɛ na benyeku-mi mɛni ni, ɔ́ya na lɛlɔ lɛɛyɔ́-mi geen.

Tesalonikaƒuɔ 1 3:2

Na bɔtala Timoteo na ubo ubakya-mii ɔkplu, na ubunku-mii na bina bɔƒɔtaadi kemmo. Anwu ndi bula ɔnwa ɔni muubunku-bu na Katɔti kabla ku Kristo litemi buni lɛmɛni bɔsu kemmo.

Ƒilemon 1:24

Marko ku Aristarko ku Dema ku Luka bani ndi mina bebunkune na kabla kamɛni kemmo lɛnɔ beegyele-ɔ.

Hebriƒuɔ 3:1

Anwuɔsu ni, banwa kedee bani na Katɔti ɔ́lɔ ka bɛdi Katɔ Ɔga Ɔma ala, biti bina anu bɛsia Yesu ɔni ndi ɔtalane ku ɔkpane unengudi ɔni kenye na buudie lɛlɔ.