Ƒilipiƒuɔ 2:15 - Katɔti Ɔku Kedee

¹⁵ Mmɔ na bɛdubɔlɛ kɔtɔ bɔdu biala kemmo na bɛbla sɛɛn aani Katɔti bebi bani na likpidi liiibo-ma lɛlɔ. Na ka bilieku bekyuli bekpidi bani nkya kayawi kani nébie mɛni kemmo ɔsu ni, bikeye na bana akɔ aani kalɛ na ayabi eekeye na kayaa.

Ƒilipiƒuɔ 2:15 Cross References

Kɔgya 122:5

Mɛni na Dawid kaba kemmo baga básala na baatɛku bana bekyuli litemi.

Israelƒuɔ Bɔlɛ 34:35

bekyuli bammɔ baanu ka nwuna anumi eekeye, na ɔɔsɔku lɛdiku lɛmmɔ teebi anumi útédu uwi ɔni na ɔ́sɔ únwini úsie utátɛmiku Unwoti.

Agba 4:18

Ukyuli ɔni nse siin kavinkɔ keekeye aani ɔtanta kadi kani négye kadubo na keekeye teebu utédu ka ɔbla nwaa ƒui.

Agba 8:8

Mina kenye etemila adi etemila geen. Na lɛla biala líteƒu lítakya iye lɛbla gontii na etemila ammɔ kemmo.

Yesaia 60:1

“Yerusalem kadi bekyuli, bɛta na bikeye! Ɔsika Unwoti bukeye bɔ́tu aani ɔƒɛ na buuwi-mii lɛlɔ.

Daniel 6:4

Amu na bekyuli bakladi bammɔ ƒui báwia ulu ɔni lɛlɔ na bedie Daniel bɔƒiɔ na nwuna kabla bɔbla kemmo, nsu bátakana, ɔsika Daniel ɔɔsu litemi geen na ulalɛ ɔga ɔmmɔ kama taabla lɛla bamba lɛdi.

Mateo 10:16

“Bɛnu! Mɔɔtala-mii aani baƒonu lɛkya begiti akɔ. Binye kagyumana aani balakpi kalɛ, nsu bɛda lɛlɔ aani babloduma.

Mateo 17:17

Amu na Yesu údie kenye ɔnini, “Amii, ɔmwi limeyi bekyuli, bi ɔsu na bilaƒɔ-mi taadi na bɛɛyu atu ɔkplu? Uwi ɛlɛ sɔɔn na ndubɔkɛku-mii kayi? Naaakana na makya-mii kudɔ uwi biala! Biti ɔnamu ɔmmɔ biboku-mi mɛni!”

Mateo 5:45

Na bɛdubunwini Katɔti ɔni nkya katɔ bebi geen. Ɔsika ɔɔyá na nwuna ɔƒɛ ɔɔlɛ́ teewi bekyuli bekpidi ku babuni ƒui lɛlɔ likeke. Na ɔnantu lɛnɔ ɔɔna teete bekyuli bani mɔɔbla ala abuni ku bani mɔɔbla ekpidi.

Mateo 5:48

Bɛbla sɛɛn aani kalɛ na bina Ɔti ɔni nkya katɔ use sɛɛn.

Luka 1:6

Ɔgya ku ule bamɛni bélie ngba bɔbuni na Katɔti anumi. Na bádi nwuna ɔda bubo ƒui lɛlɔ kaduɛ.

Luka 6:35

Mmomu ni, bɛyɔ bina bekisine na bɛbla-ma lɛbuni. Bivo ala bite-ma, na bina anu atasia ka badubɔsɔku bete-mii kokooko. Si bɛ́bla lɛni ni, bɛdubɔkɛ lɛyuƒɔla bonwu. Na badubɔlɔ-mii banii Katɔti Ɔni Ntulo Ƒui bebi. Ɔsika Katɔti ubo kaƒɔ buni ute bani na ala alaƒɔ-ma anu ku belikplune lɛnɔ muedi.

Yohane 5:35

Yohane úkeye aani ogya ɔni mɔɔda. Na nwuna bukeye bɔmmɔ bɔ́da-mii ebiti uwi klukui ɔdi kemmo.

Batalane Kabla 2:40

Amu na Petro ɔ́tɛmiku-ma laa na ɔ́lɛ-ma ɔ́su ɔnini, “Bɛda lɛlɔ bidie kɔtu bɔni bɔmɛni kemmo, bɔni mebo bekyuli bekpidi bamɛni ɔnwa lɛlɔ.”

Batalane Kabla 20:30

Na bina akɔ muedi ni, badi badubo litemi geen lɛmmɔ bɔda bɔnyonu na bakpanku bekyuli pii basiaku bana ɔkɔ ala bɔtina kama.

Romaƒuɔ 16:19

Ukyuli biala únu kalɛ na bɛɛdi litemi buni lɛmmɔ lɛlɔ, anwuɔsu lɛlɔ lɛɛyɔ́-mi geen na bina lɛlɔ. Nsu mɔɔwia ka bɛda anu na lɛla lɛni ndi lɛbuni lɛlɔ. Na binwini bekyuli bani naaagyi lɛla lɛdi na likpidi ani kudɔ.

Korintoƒuɔ 1 1:8

Na ɔdubɔgyumana-mii na bɛda bina bɔƒɔtaadi kaduɛ utédu kawɔlɔkɔ. Anwu ndubɔya na si Blɔti Yesu Kristo úbo ubatɛku bayawine litemi ni, kɔtɔ bɔdu bɔdi bulebo-mii lɛlɔ.

Korintoƒuɔ 2 6:17

Anwuɔsu Blɔti ɔɔsu nwuna bekyuli ɔnini, “Bɛlɛ-ma akɔ, na bɛda lɛlɔ bɛmami bekyuli bani mɔɔbla lɛƒiɔkpa ala lɛlɔ. Bitetuku bana ala ani muusé lɛlɔ mmɔ, na ndubɔƒɔ-mii.

Eƒesoƒuɔ 5:27

Na ɔ́klibi anwu ɔni ndi nwuna baƒɔtaadine lɛkpa kedee lɛni muukeye na bɔƒiɔ bɔdi buuubo-ni lɛlɔ, ɔsika likpidi iye bɔsɔ bɔdi bɔɔɔma-ni lɛlɔ.

Lɛkpa Ulu 32:5

Nsu bana ablala aaadi sɔsɔ, na bátamanku ka babla nwuna bekyuli. Ɔma ɔmmɔ bekyuli béyi ku likpidi ku katɔlɔ.

Ƒilipiƒuɔ 1:10

kalɛ na bidie lɛla lɛni ndia ntulo. Mmɔ na bɛdubudie lɛlɔ na ala ani muusé lɛlɔ ƒui kudɔ na baládu-mii kɔtɔ na uwi ɔni kemmo na Kristo wasɔ webo.

Ƒilipiƒuɔ 3:6

Na nnye ɔda bubo bɔmɛni lɛlɔ kaduɛ. Na ɔkɛnku ɔmɛni ɔsu líkpoku Kristo baƒɔtaadine lɛkpa lɛmmɔ. Na si banii ɔda bubo bɔmmɔ lɛti pɛ lɛlɔ bɔdi na baanu ukyuli ɔni nse siin ni, na nka likpidi lɛdi liiibo-mii lɛlɔ.

Tesalonikaƒuɔ 1 5:23

Na buuvele Katɔti ɔni muute-bu keyi buɛɛ bɔnii ɔbla-mii kedee na ulu biala lɛlɔ. Na ɔgyumana bina kɔyu ku kasusu ku ɔlɔna ƒui kalɛ na bɛlɛ kɔtɔ bɔdu kemmo uwi ɔni na Blɔti Yesu Kristo wasɔ webo.

Timoteo 1 3:10

Na ɔdi ka bɛka-ma udu bɔkɔku bɔnu. Na si bana lɛlɔ liiibo litemi lɛdi ni, bɛya-na benwini baƒɔtaadine bebunkune.

Timoteo 1 3:2

Na baƒɔtaadine ɔtɔnkune ni, ɔlɛka ɔbla ukyuli ɔni na litemi lɛdi lɛɛɛda-nwu, na úti uleku unwi, na ɔ́da anu, na ɔda lɛlɔ, na bekyuli baabu-nwu. Ɔɔbla lɛƒɔ na ɔdi ala ɔtinane buni.

Timoteo 1 5:14

Anwuɔsu ni, mɔɔyɔ́ ka bekpinele bamɛni udu belie agya na bawɔ bebi na bataanu bana kɔduli ala lɛlɔ mmomu. Ɔmɛni ɔdubɔya na balabla ala ani nátamanku na wete bula bekisine kuƒi na bataasu ala taasiku-bu lɛlɔ.

Timoteo 1 5:20

Na bekyuli bani nli nte ekpidi bɔbla ni, ɔlɛka edie alɛ-ma na adɔnku-ma na baƒɔtaadine ƒui anumi. Na ɔmɛni ɔdubɔkya bakladi liƒu.

Timoteo 1 5:7

Bo-ma ɔda na ala amɛni lɛlɔ kalɛ na beletemi belewi-ma.

Tito 1:6

Ɔƒɔtaadine unengu ni, útalɛka litemi lɛdi lɛda-nwu. Na ɔdi ukyuli ɔni na úti uleku unwi. Na nwuna bebi lɛnɔ badi bebi bani nda bɔƒɔtaadi kaduɛ, na beeebo atuɔkplu, na baabu bana bawɔne.

Tito 2:10

Beteyu-ma lɛnɔ, mmomu batina-ma ka badi bekyuli babuni na baabla ala ulu lɛlɔ teete-ma. Ɔmɛni ndubɔya na banu bati ka bula ala ani na bɔɔtina na Blɔti ɔni ndi bula Ɔƒɔne lɛlɔ ni, adi ala abuni.

Tito 2:15

Tina ala amɛni ku kenyekɔ kani na Katɔti úte-ɔ, na akya bekyuli bani ƒui muunú-ɔ litemi ɔkplu, na abɔku bani naaabla taasiaku ulu lɛlɔ lɛnɔ. Na taya na ɔdi ɔnu-ɔ ɔnii ásɔ.

Hebriƒuɔ 7:26

Ɔmɛni ɔsu ni, Yesu ɔmɛni ndi ɔkpane unengudi ɔni kani ndubɔbla lɛla lɛni na bɔɔwia ute-bu. Na use kedee, na lɛla lɛdi lɛɛɛda-nwu. Use sɛɛn na Katɔti údie-nwu ɔ́lɛku alaekpidi bablane akɔ, na ɔ́kɔliku-nwu útése sɛsɛɛ na katɔ kakaaka ƒui.

Petro 1 2:12

Na bilie ngba bɔni nse sɛɛn na bani naaadi baƒɔtaadine akɔ. Na ina baasu-mii lɛlɔ litemi likpidi muedi ni, badubɔnu bina ablala bati ka bɛdi bekyuli babuni. Na badubɔgya Katɔti enu na litemi bɔtɛ limeyi lɛmmɔ lɛlɔ.

Petro 1 2:9

Nsu amii ni, bɛdi bekyuli bani na Katɔti ɔ́ƒuna. Na bɛdi bakpane bani muumwi Katɔti ɔni ndi Ɔga. Bɛdi Katɔti bekyuli kedee bani na ɔ́lɔ ɔnii binwini anwu badi. Na amii ndubo nwuna ablala ebendi kudu bubo. Ɔsika anwu geen nálɔ-mii ɔ́lɛku likpidi lɛdisa kemmo úsienku ngba bɔƒɔ bukeye kemmo.

Petro 2 3:14

Anwuɔsu ni, mina banwa, bina ƒui anu asia Blɔti limeyi lɛmmɔ bubo lɛlɔ. Na uwi ɔni binye bɛgya-nwu ni, bɛya na amii ku Katɔti ntɛ bɔdia na bilabla likpidi iye biláƒiɔ-nwu.

Budie Taatina 2:5

Anwuɔsu bɛkali bina kenyekɔ kedeedi kani bínye asa na bíbuli bɛnu. Na binwini kama bɛkya bina ekpidi, na bitaabla lɛla lɛni na bítaabla kudeedi. Nsu si bítenwini kama bítakya bina ekpidi ni, ndububo-mii kudɔ na mbada bina sika ugyiedi ugyii ku nwuna asogya ɔmmɔ lɛgyu nwuna kenyekɔ.

Budie Taatina 3:9

Bɛnu! Ɔkɔ banyine bani násala bewi Satan ku nwuna badi kasalakɔ ngye na baalɔ-ma Yudaƒuɔ nsu baaadi Yudaƒuɔ ni, ndubɔya na balɛ akɔnkɔ na ƒula lɛgba akɔ. Na bana ƒui badubɔsu banii mɔɔyɔ́-ɔ.