Ƒilipiƒuɔ 2:12 - Katɔti Ɔku Kedee

¹² Anwuɔsu ni, mina bakpana bayɔne, aani kalɛ na bɛɛdi mina litemi lɛlɔ si nkya-mii kudɔ ni, lɛni kani na ɔdi ka bɛdi-nya lɛlɔ bitulo si uwi ɔni na liiibo-mii kudɔ lɛnɔ. Bise anumi na bitaabla ala ani mɔɔtina ka Yesu ɔ́ƒɔ-mii ngba, na biti ɔbu geen bite Katɔti.

Ƒilipiƒuɔ 2:12 Cross References

Esra 10:3

Ɔmmɔ ɔsu ni, ya na bunyimi lɛla lɛdi na Katɔti anumi na bɔbɔku beleku bamɛni ku bana bebi na batɔlɔ ɔkɛnku lɛla lɛni na awɔ ku bekyuli bani mɔɔbu Katɔti ɔda bubo bɛdubɔsu-bu. Na bɛnu ka bɔ́bla lɛla biala bɔ́siaku ɔda bubo bɔmmɔ lɛlɔ.

Kɔgya 119:120

Ɔsika mɔɔyia-a. Na mɔɔyia kalɛ na aatɛ litemi taasiaku.

Kɔgya 2:11

Na bitaakpa Unwoti ku ɔbu geen ku lɛlɔyɔ.

Agba 10:16

Bekyuli babuni lɛyuƒɔla muubunku bana keliela. Nsu bekyuli bekpidi ama ni, likyulikpi ala bɔbla lɛlɔ beewiakun bana egulabi.

Agba 13:4

Bakɔsɔne baawia ala pii, nsu ɛlɛɛ muutúku-ma kɔnu. Nsu bekyuli bani mɔɔbla kabla kpakplaa ni, bana kabla kadubɔtɛ na badi bemo.

Yesaia 66:2

Mina kɔnu nábla ani bɛɛnu mɛni ƒui na ébo éte kalɛ na ese. Ami Unwoti násu. “Bekyuli bani mɔɔyɔ́-mi kaƒɔ ni, ama ndi bani muuboku lɛlɔ kalɔ na bana ekpidi eeduo-ma, na lɛlɔ lɛɛtɔ́-ma ku bɔyia si bénu-mi lɛdi, na mina lɛlɔ kani na bana anu asia.

Yesaia 66:5

Amii bani mɔɔyia Katɔti na bɛɛbu-nwu si ɔɔtɛmi ni, binu-nwu litemi. “Na bina banwa bani muudie-mii lɛti na beekisi-mii na mina lɛnyi ɔsu baasu banii, ‘Unwoti udie nwuna ɔyikun keyi na bɔnu! Na udie-mii na lɛlɔ lɛyɔ-mii bɔnu.’ Nsu bani ƒui mɔɔsu ala amɛni udu ni, badubo bunwini ku kɔƒa kɔni naaadia bɔnu.”

Mateo 11:12

Na ɔ́si Ntu Ɔkpilane Yohane uwi úbalɛ ɔmwi ni, bekyuli pii báta ku lɛnungyie batáwia Katɔ Ɔga Ɔma ɔmmɔ beduo. Nsu bekyuli bani anumi egyie-ma geen lɛti na baanwanɛ lɛlɔ ni, ama ndubuduo mmɔ.

Mateo 11:29

Bibo bɔda kɔda, na bɛtɛya bɛsiku-mi kudɔ. Nse buɛɛ na muuboku lɛlɔ kalɔ, na bɛdubɔkɛ bɔnwuna.

Batalane Kabla 16:29

Amu na ukyuli ɔmɛni ɔ́lɔ ɔnii beti ukpo beboku. Na lɛlɔ bɔtɔ kemmo ni, úbalɛ akɔnkɔ na Paulo ku Silas anumi.

Batalane Kabla 9:6

Ɔƒaani ni, ta na eteesie ɔma kemmo. Badubɔsu-ɔ lɛla lɛni na ɔlɛka abla.”

Romaƒuɔ 2:7

Bekyuli bani mɔɔkya lɛbuni bɔbla ɔkplu na basiaku bukeye ku bumwi ku ngba bɔnii nsɔ naaadubo bɔsa kudii kama ni, Katɔti ɔdubɔya na bakɛ ngba ƒui bɔmmɔ.

Korintoƒuɔ 1 15:58

Anwuɔsu ni, banwa, binye kpakplaa na bitagbanta. Na binye Blɔti kabla lɛlɔ uwi biala. Ɔsika bɛgyi ka lɛla lɛdi liiibo na bɛdubɔbla na Blɔti kabla kemmo na wabla keeke.

Korintoƒuɔ 1 2:3

Na ka líbo-mii kudɔ ni, lɛlɔ lɛ́bla-mi kpɛtɛ kpɛtɛ. Na liƒu lɛ́da-mi. Na lɛlɔ lɛnɔ lɛ́tɔ-mi.

Korintoƒuɔ 1 4:14

Ɔɔɔdi kɔƒa na nnii mɔɔkya-mii ɔsu na muunweni-mii ɔku ɔmɛni udu. Mmomu mɔɔlɛ-mii aani mina bebi bayɔne kalɛ.

Korintoƒuɔ 2 7:15

Anwuɔsu na ɔɔyɔ́-mii teebu si uunyimo kalɛ bina ƒui bínye kagyumana na bínu ala ani na bɔ́tina-mii ku kalɛ na bɛ́ƒɔ-nwu na bíboku lɛlɔ kalɔ bíte-nwu na bɛɛbu-nwu ɔsu.

Eƒesoƒuɔ 6:5

Amii bani mɔɔbla ukyuli bamba kabla ni, biboku lɛlɔ kalɔ na binu bina benwoti litemi ku ɔbu ɔsiku kayi ƒui aani kalɛ na bɛdubunu Kristo litemi.

Ƒilipiƒuɔ 1:27

Ɔƒɛni lɛla lɛni ntulo ndi ka bina ngba bulie bɔbla aani kalɛ na litemi buni lɛmmɔ lɛɛtina ɔsika ɔmɛni na Kristo ɔɔwia. Na si líbo ḿbanu-mii iye línu-mii kɔku ni, ndubunu ka binye kpakplaa na kɔyu kemmo biikpó ku kasusu kenwi na bina bɔƒɔtaadi kemmo teete litemi buni lɛmmɔ.

Ƒilipiƒuɔ 1:29

Na úte-mii kuƒi ka bimwi Kristo, na ɔɔɔdi ka bɛƒɔ-nwu bɛdi ɔsu kani na ɔ́sa. Mmomu ɔdi ka amii lɛnɔ bibo abi na anwu ɔsu.

Ƒilipiƒuɔ 1:5

ɔ́si kalɛ na bíbunku-mi ɔ́si limeyi lideedi lɛni na líti litemi buni lɛmmɔ líboku-mii úbedu ɔƒɛni ɔsu.

Ƒilipiƒuɔ 1:6

Na lɛ́ƒɔ lɛ́di ka Katɔti ɔni nése kabla kabuni kamɛni kalɔ na bina akɔ ni, ɔdubɔnu ka kabla kamɛni katáwɔlɔ na uwi ɔni na Kristo Yesu wasɔ webo.

Ƒilipiƒuɔ 2:19

Si Katɔti ɔ́tunaku-mi ni, uwi klukui kama ndubɔtala Timoteo lɛkya-mii, kalɛ na lɛkɛ ɔlɔkplu si línu bina lɛlɔ lɛla lɛdi lɛsiku-nwu kudɔ.

Ƒilipiƒuɔ 4:1

Anwuɔsu ni, mina banwa bayɔne ɔni na naaanu-mii ni, kɔyɔ kúwi-mi! Bɛɛkya-mi kubiti geen na mɔɔtalaku lɛlɔ katɔ na amii ɔsu. Banwa bayɔne geen, lɛni na ɔdi ka binye kpakplaa na Kristo kemmo.

Ƒilipiƒuɔ 4:15

Na amii Ƒilipiƒuɔ ni, amii alati bɛgyi geen ka uwi ɔni na lɛ́tɔlɔ Makedonia na líse kalɔ mɔɔkɔ́ litemi buni lɛmmɔ lɛsa ni, amii kani ndi baƒɔtaadine lɛkpa lɛni néte-mi kebunku na lɛla lɛni na lɛ́bla líte-mii kenye.

Tesalonikaƒuɔ 1 1:3

Na buláyiƒala Katɔti bɔsu kalɛ na bɛda bina bɔƒɔtaadi bɛɛbla kabla. Bɔɔsu lɛnɔ kalɛ na biibunku bekyuli na bɔyɔ kemmo, na bɛsia Blɔti Yesu Kristo anu kpakplaa.

Timoteo 2 2:10

Ɔmɛni ɔsu na mɔɔƒɔ́ lɛla biala teebweli na Katɔti bekyuli baƒunadi ɔsu, kalɛ na ama lɛnɔ bakɛ bɔƒɔ bɔni na Yesu Kristo lɛlɔ kani na bɔɔsia na buuti ngba ƒui lɛlɔ bɔyɔ teete-bu.

Hebriƒuɔ 12:1

Anwuɔsu ka bubo bekyuli pii bamɛni udu bani muudie bɔƒɔtaadi bɔmɛni kenye ni, bɛya buti ala ani muutile-bu kuƒi mmɔ ku ekpidi ani mɔɔbala-bu uwi pii buvaakun. Na bukeli usi ɔni ntɛ-bu anumi ku lɛnungyie.

Hebriƒuɔ 4:1

Anwuɔsu ka linyese lɛni na úte-bu ka buduo nwuna bɔnwuna ƒui kemmo kamu kese kéte-bu ɔsu ni, bɛya na bɔnu lɛlɔ kemmo kaduɛ kalɛ na ɔdi ulásɔ na kenye kammɔ lɛlɔ.

Hebriƒuɔ 4:11

Anwuɔsu bɛya bɔkya ɔkplu biala na buduo bɔnwuna bɔmmɔ kemmo. Na ɔdi biala uláwɔ ulu ka ɔsiaku bana atuɔkplu bɔbla kama ɔsu.

Hebriƒuɔ 5:9

Na ka Katɔti ɔ́ya na ɔ́bla nwuna kabla ɔ́wɔlɔ ni, únwini ukyuli ɔni lɛlɔ na bekyuli bani muunú-nwu litemi ƒui baasia taakɛ ngba bɔƒɔ.

Petro 1 2:11

Bayɔne, mɔɔlɛ-mii aani si baƒɔ ku belusiene na bɛdi na kayawi mɛni nnii bɛda lɛlɔ bidie ɔlɔna ɔkwɛ adala ani muukpóku-mii kudɔ.

Petro 2 3:18

Bisie anumi na Katɔti lɛƒɔndia ku kalɛ na bɛ́ƒɔ Blɔti Yesu Kristo ɔni ndi bula Ɔƒɔne bɛ́di kemmo. Anwu na buute ɔbu ɔ́si ɔƒɛni úsela ƒui! Ɔsia lɛni.