Ƒilipiƒuɔ 1:25 - Katɔti Ɔku Kedee

²⁵ Nsu ngyi ka ndubulie kayawi kamɛni kemmo ku-mii na liti libunku bina anumi busie na bɛkɛ kubiti na bina bɔƒɔtaadi kemmo.

Ƒilipiƒuɔ 1:25 Cross References

Kɔgya 60:6

Katɔti ɔ́tɛmi ɔsiku nwuna kakpakɔ Katɔma kedee kemmo ɔnini, “Lɛlɔ lɛɛyɔ́-mi ka lile Sekem ɔma ku Sukot Ɔkwalɛ ɔmmɔ lite mina bekyuli.

Luka 22:32

Nsu ni, Simon, lɛ́ɛkpali katɔ na ƒula lili kalɛ na ƒula bɔƒɔtaadi bulayuɛ. Na uwi ɔni na adubunwini ebo-mi kudɔ ni, na akya ƒula banwani ɔkplu.”

Batalane Kabla 11:23

Ka útéduo mmɔ na ɔ́nu kalɛ na Katɔti úbunku-ma ni, ebiti áda-nwu geen na ɔ́kya-ma ogya úbu ɔnii benye Blɔti kama kpakplaa ku bana kayi ƒui.

Batalane Kabla 14:22

Mmɔ na bákya baƒɔtaadine bani nkya mmɔ ɔkplu banii benye kpakplaa na bana bɔƒɔtaadi kemmo. Na básu-ma lɛnɔ banini, “Ɔlɛka bubo abi pii asa na bɔkɛ lɛlɔyɔ na Blɔti lɛga bɔdi kemmo.”

Batalane Kabla 20:25

“Na ni, amii bani ƒui nénu mina ala bɔtina ɔ́si Blɔti lɛga kadikɔ ala lɛlɔ ni, bɔsɔ bulasa kudii.

Romaƒuɔ 15:13

Muuvele nnii Katɔti ɔni ndi bula lɛnunsia ɔya na lɛlɔyɔ lɛƒɔ-mii lɛlɔ kemmo ƒui, na bɛkɛ keyi buɛɛ aani kalɛ na bíti bina lɛlɔ bɛ́sia-nwu lɛlɔ kenye, kalɛ na Katɔti Kɔyu ɔyikun ɔya na bina lɛnunsia lɛƒɔ-mii lɛlɔ kemmo ƒui.

Romaƒuɔ 15:18

Lɛɛɛdubo bɔyii bɔsu lɛla lɛdi na lɛla bamba lɛdi lɛlɔ ntu lɛla lɛni na Kristo ɔ́bla ɔkɛnku-mi lɛlɔ kani. Ɔ́ya na lɛ́kpanku bekyuli bani naaadi Yudaƒuɔ, kalɛ bebo na badi Katɔti litemi lɛlɔ ɔkɛnku lɛla lɛni na lɛ́su-ma na lɛ́bla lɛnɔ ɔsu.

Romaƒuɔ 15:29

Ngyi ka ɔni na ndubo-mii kudɔ ni, ndanku Kristo kusɛ kusɛ ƒui ndububoku-mii.

Romaƒuɔ 5:2

Na ka bɔ́ƒɔ Kristo bɔ́di ɔsu ni, ɔ́ya na bɔ́kɛ Katɔti lɛƒɔndia lɛni kemmo na bɔkya ɔƒɛni. Na lɛlɔ lɛɛyɔ́-bu geen, ɔsika bubo lɛnunsia ka bɔdubulieku Kristo na Katɔti lɛgadi bukeye bɔmmɔ kemmo.

Korintoƒuɔ 2 1:24

Ɔɔɔdi banii bɔɔdi-mii lɛlɔ na ala amɛni kemmo. Bɔgyi geen kalɛ na bɛda bina bɔƒɔtaadi kpakplaa. Anwuɔsu abu ku-mii bɔɔsála taabla kabla na bɛkɛ ebiti.

Ƒilipiƒuɔ 1:24

Nsu amii ɔsu ni, si nkya-mii kudɔ ɔdia utulo.

Ƒilipiƒuɔ 2:24

Na lɛ́ƒɔ lɛ́di na Blɔti lɛnyi kemmo ka ni, uwi uletu ami lɛnɔ ndububo-mii kudɔ.

Ƒilemon 1:22

Lɛnɔ ni, klibi keduokɔ kadi se-mi. Ɔsika mɔɔƒɔ́ taadi ka Katɔti ɔdubunu ƒula katɔ bɔkpali na banyonu-mi na lɛsɔ libo-ɔ kudɔ.

Petro 1 1:8

Bítanu-nwu kudii, nsu bɛɛyɔ́-nwu. Na bilánu-nwu ɔƒɛni lɛnɔ, nsu bɛɛƒɔ́-nwu taadi. Anwuɔsu bɛya na lɛlɔyɔ lɛni náƒɔ kuye geen na ukyuli ɔdi biala ulakana-ni kalɔ budie lɛnɔ ni, lɛkya-mii kemmo.