Ƒilipiƒuɔ 1:20 - Katɔti Ɔku Kedee

²⁰ Na lɛla lɛni mɔɔwia na mina anu lɛnɔ asia kpakplaa ndi ka kabla kani mɔɔbla mɛni ni, kɔƒa kulekpo-mi. Mmomu na uwi biala kemmo ku ɔƒɛni muedi ni, lɛkya ɔkplu na liti bumwi lite Kristo na mina ngba bulie ƒui kemmo. Si ina nli ngba iye líkpi.

Ƒilipiƒuɔ 1:20 Cross References

Kɔgya 119:116

Da-mi kɔkɔɔkɔ ɔkɛnku ƒula linyese lɛlɔ na lilie ngba. Na taya na kɔƒa kukpo-mi na mina lɛnunsia ƒui kama!

Kɔgya 119:80

Ya na mina kayi kasia ulu siin lɛlɔ na ntasia ƒula litemi kama kalɛ na kɔƒa kulékpo-mi.

Kɔgya 25:2

O mina Katɔti, awɔ kani ndi mina lɛnunsia. Bunku-mi kalɛ na lɛlɔ liláyɔ mina bekisine ka bádi-mi lɛlɔ na kɔƒa kukpo-mi.

Kɔgya 62:5

Katɔti lɛti pɛ kani ndi mina kakyakɔ. Ami nnye mɔɔnu ulu teete, ɔsika nwuna lɛlɔ na mina anu ƒui asia.

Agba 10:28

Bekyuli babuni lɛnunsia liiboku ebiti, nsu ala ani na bekyuli bekpidi baasia anu eenwíni lɛƒua.

Agba 23:18

Ɔsika ƒula ngba emeyi ani ndubo adubɔyɔku-ɔ, na alasia lɛla lɛdi anu alanɔ.

Yesaia 45:17

Nsu Unwoti ɔdubudie Israel na bakɛ ngba uwi ƒui ɔni na kɔƒa kulékpo-ma iye anumi ewi-ma kalɔ kudii.

Yesaia 50:7

Nsu ɔmɛni ƒui ni, Unwoti ɔɔɔdubo bɔya na mina anumi ewi kalɔ, anwuɔsu na ami lɛnɔ nnii lɛɛɛdubo lɛlɔ atu budie, ɔsika ngyi nnii Unwoti ɔɔɔdubo-mi bɔnyonu bɔkya-ma enu kemmo na kɔƒa kukpo-mi.

Yesaia 54:4

“Bitayia, na kɔƒa lɛnɔ kutekpo-mii, na enu lɛnɔ ataƒɛ-mii, ɔsika lɛɛɛdubo-mii kɔƒa bɔkya. Bɛyiƒala bina lɛnamu uwi ekpidi ani na bɛ́bla. Na kalɛ na bɛ́ƒɔ lɛlɔ bɛkya aani bekpinele lɛnɔ ɔsɔ utekpo-mii kɔƒa.

Yohane 21:19

Lɛla lɛni na Yesu ɔ́su-nwu mɛni ni, bɔtina na ɔda Petro kukpi kɔni udu na ɔdubo bukpi na uti ɔkɔliku Katɔti lɛnyi katɔ. Amu na Yesu ɔ́su-nwu ɔnini, “Taasiaku-mi.”

Batalane Kabla 20:24

Nsu ɔmmɔ ɔɔɔdi-mi lɛla lɛdi. Ɔsika si ńtakana na lɛbla lɛla lɛni na Blɔti Yesu ɔ́tala-mi ɔnii mbabla ni, mina ngba buuubo-mi kɔsia kɔdi. Lɛla lɛni na Yesu ɔ́tala-mi ɔnii mbabla ndi ka lɛsu bekyuli Blɔti litemi buni ku kalɛ na Katɔti ɔɔnu-bu kɔnyana.

Batalane Kabla 21:13

Mmɔ na ɔ́su-bu ɔnini, “Bi ɔsu na biiwulo na bɛɛƒɛ-mi enu lɛni? Ami lɛ́tuna ka benyimi-mi na Yerusalem, na likpi lite Blɔti Yesu lɛnyi.”

Batalane Kabla 4:31

Ka bévele Unwoti ɔmɛni báwɔlɔ ni, ɔtɔ ɔni kemmo na bakya mmɔ ɔ́kunku na Katɔti Kɔyu kɔ́ƒɔ bana ƒui lɛlɔ kemmo, na bése kalɔ baasu litemi buni lɛmɛni ku kayi buse.

Romaƒuɔ 12:1

Anwuɔsu ni, mina banwa, ka Katɔti ɔ́bla-bu kaƒɔ buni geen ɔsu ni, muuvele-mii geen nnii biti bina lɛlɔ bite Katɔti aani akpala ani nse kedee na aayɔ́-nwu kaƒɔ lɛnɔ bɛda na bina ngba bulie kemmo mɛni. Ɔmmɔ ndi bina kɔyu kemmo akpala kabla.

Romaƒuɔ 5:5

Na lɛnunsia lɛmɛni liláya bula anumi ewi kalɔ. Ɔsika Katɔti ɔkɛnku nwuna Kɔyu kɔni na úte-bu lɛlɔ na ɔ́ya na nwuna bɔyɔ bɔ́ƒɔ-bu lɛlɔ kemmo ƒui.

Romaƒuɔ 6:13

Iye bitete kuƒi na likpidi lɛƒɔ bina ɔlɔna kemmo kesii biala na bitaabla likyulikpi. Mmomu biti bina lɛlɔ bite Katɔti aani bekyuli bani na Katɔti ɔ́gyila ɔ́lɛku kukpi kemmo úboku ngba kemmo. Na bɛnyonu bina lɛlɔ ekpo ƒui bite Katɔti aani ala ani nse siin na uti ɔbla nwuna kabla.

Romaƒuɔ 6:19

Mɔɔyɔ́ ka lɛsia kalɛ na bekyuli baatɛmi kenye na lidie ɔmɛni kalɔ lite-mii na ɔbla-mii kpɛtɛ kpɛtɛ. Na uwi ɔni nábavi kemmo ni, bɛ́nyonu lɛlɔ ƒui bíte alaekpidi bɔbla ku ala ani muusé lɛlɔ ku likyulikpi ala bɔbla. Lɛni kani na ɔlɛka biti lɛlɔ ƒui bite siin bɔbla na bɛbla kedee.

Romaƒuɔ 8:19

Ala ani na Katɔti údie ƒui aanu ulu kpakplaa teete uwi ɔni na Katɔti ɔdubudie nwuna bebi ɔtina.

Romaƒuɔ 9:33

Ɔmmɔ ɔsu na bétulo Kristo ɔni nse aani lɛtabi lɛni náda-ma ulu aani kalɛ na ɔkya Bunweni Kedee Ɔku kemmo banini, “Binu! Lɛ́ƒuna lɛtabi lɛdi na Sion lɛni ndubɔya na bekyuli betulo. Na ani kani ndubɔya na begyiile bebuli. Nsu ukyuli biala ɔni maƒɔ-nwu madi ni, kɔƒa kulékpo-nwu kudii.”

Korintoƒuɔ 1 15:31

Banwa, kukpi ɔgbankpi ɔsiaku-mi kadi biala megye! Na mɔɔkɔliku lɛlɔ katɔ na amii ɔsu ɔkɛnku kalɛ na bɔ́bla unwi ku Kristo ɔsu. Anwuɔsu na muudie ɔmɛni keyi nwaa.

Korintoƒuɔ 1 6:20

Ɔsika Katɔti ɔ́ƒɔ kayu bonwu na bina lili. Anwuɔsu biti bina ɔlɔna bɛbla ala ani muute Katɔti ɔbu.

Korintoƒuɔ 1 7:34

Ɔmmɔ ɔsu ni, ala ammɔ aaní-nwu teenene ɔƒɛnyi ɔni ku ɔni ƒui. Na uleku ɔkinsi iye adagyaa ni, uuti nwuna kasusu taasia Blɔti kabla lɛlɔ. Ɔsika ɔɔwia ka uti lɛlɔ ƒui ute na kɔyu ku ɔlɔna kemmo. Na uleku ɔni na ulie kɔgya ni, nwuna kasusu kaasia kayawi ala lɛlɔ, ɔsika ɔɔwia ka ɔbla lɛla lɛni mayɔ ɔgyani kaƒɔ.

Korintoƒuɔ 2 10:8

Na si lɛ́kun lɛmɛnɛ líbu na kenyekɔ kani na bubo lɛlɔ ɔsu ni, Katɔti ulálɛ-mi kama. Ɔsika anwu néte-bu kenyekɔ kamɛni kalɛ na bina bɔƒɔtaadi bɔkɔ katɔ bubu. Na ɔɔɔdi kani maya na bina bɔƒɔtaadi bubo kalɔ.

Korintoƒuɔ 2 3:12

Na ka bubo lɛnunsia na lɛla lɛwɔdi lɛni neeebo kawɔkɔ lɛlɔ ɔsu ni, anwuɔsu na buusé kayi taasu lɛla biala nwaa.

Korintoƒuɔ 2 4:10

Bɔkya ɔgbankpi kemmo uwi biala ka badu-bu aani kalɛ na bádu Yesu. Nsu kalɛ na bɔmu buli ngba mɛni ni, lɛni kani na ɔɔtina ka Yesu lɛnɔ uli ngba.

Korintoƒuɔ 2 5:15

Kristo nékpi na bekyuli ƒui lili kalɛ na bekyuli bani nli ngba ni, basɔ belelie ngba belete bana lɛlɔ. Mmomu belie ngba bete Kristo. Ɔsika ama ɔsu na Kristo úkpi na Katɔti ɔ́gyila-nwu ɔ́lɛku bekpine akɔ.

Korintoƒuɔ 2 7:14

Bítakya-mi kɔƒa na nwuna anumi ka lɛ́kun lɛmɛnɛ na bina lɛlɔ. Na ala ani ƒui na bɔɔsu-mii uwi biala kemmo ni, adi etemila geen. Na lɛni kani na lɛmɛnɛ lɛni na bɔ́kun na Tito anumi lɛnɔ ɔdi ulu lɛlɔ.

Korintoƒuɔ 2 7:4

Mina anu asia-mii lɛlɔ geen! Na mɔɔtina lɛlɔ na amii ɔsu. Na kaƒɔ kaayɔ́-mi ɔsika ina ka buubó abi ni, ebiti áƒɔ-mi kayi kemmo ƒui na amii ɔsu.

Ƒilipiƒuɔ 1:14

Na mina ɔtɔ bɔtɛ bɔmɛni bɔ́ya na mina banwa pii na Blɔti kemmo básɔ bákɛ kayi buse bébu na bákana na básu Katɔti litemi lɛmmɔ, na bɔyia bɔdi bɔsɔ buuubo-ma kemmo.

Ƒilipiƒuɔ 2:17

Nsu si ina mina ubugya na bada beewi kalɔ aani kalɛ baabla akpala na bina lili kalɛ na bina bɔƒɔtaadi busie anumi ni, lɛlɔ lɛdubɔyɔ-mi na kubiti kɔda-mi na bina ƒui ɔsu.

Koloseƒuɔ 1:24

Na ɔƒɛni ni, ɔdi-mi kubiti ka muubó abi na amii ɔsu. Na mina abi ani na muubó na ɔlɔna kemmo mɛni ni, ɔ́ya na muubunku na libo abi ani na Kristo ɔlɛka ubo na nwuna baƒɔtaadine lɛkpa lɛni ndi nwuna ɔlɔna ɔmmɔ lili lɛwɔlɔ.

Tesalonikaƒuɔ 1 5:23

Na buuvele Katɔti ɔni muute-bu keyi buɛɛ bɔnii ɔbla-mii kedee na ulu biala lɛlɔ. Na ɔgyumana bina kɔyu ku kasusu ku ɔlɔna ƒui kalɛ na bɛlɛ kɔtɔ bɔdu kemmo uwi ɔni na Blɔti Yesu Kristo wasɔ webo.

Petro 1 4:16

Nsu ni, si eebó abi ka adi ɔƒɔtaadine ɔsu ni, taya na kɔƒa kukpo-ɔ. Mmomu gya Katɔti enu ka akya nwuna badi akɔ ɔsu.

Yohane 1 2:28

Mina bebi bayɔne, biliku Kristo kalɛ na si uwi ɔni na ɔ́da ɔ́lɛ ni, bɔdubɔkana na bunye-nwu anumi ku kaƒɔ ƒaa na kɔƒa kulékpo-bu limeyi lɛmmɔ lɛlɔ.