Ƒilipiƒuɔ 1:16 - Katɔti Ɔku Kedee

¹⁶ Na bani mɔɔsu-ni ku kasusu kabuni mmɔ ni, baasu-ni ku bɔyɔ. Ɔsika bagyi ka Katɔti néti kabla kamɛni ɔ́kya-mi lɛkɔkɔ ka likpo na lɛgyumana litemi buni lɛmmɔ.

Ƒilipiƒuɔ 1:16 Cross References

Hiob 16:4

Si banii bɔ́vumana kunyekɔ na bise aani kalɛ na nse mɛni ni, nka ndubɔsu litulo-mii na lɛkunku lili lɛkya-mii.

Hiob 6:14

“Na lɛbibo lɛmɛni udu kemmo ni, amii mina bakpana na ɔlɛka bibunku-mi, ina úbo úte ka nnye Unwoti anumi mɔɔtɛmi ku kayi.

Kɔgya 69:26

Ɔsika ukyuli ɔni na áani kɔtu ni, ama basɔ benye beekpóku-nwu. Na alɛbi ani na ɔ́ƒɔ ku ɔlɛ ɔni na uunú únwini-ma agyolo na baatu taama.

Korintoƒuɔ 1 9:17

Si banii ami ɔlati náƒuna kabla kamɛni na mina bɔyɔ kenye ni, nka ndubɔsia anu ka baƒɔ-mi kayu. Nsu ɔdi kabla kani na Blɔti nnye-mi lɛlɔ ɔnii mbla. Ɔsika Katɔti néti-mi únyene-ka kenye.

Korintoƒuɔ 2 2:17

Abu buuuse aani bekyuli babambadi pii bani nkɛ bada litemi lɛmmɔ baadi kuye. Mmomu Katɔti úte-bu kenyekɔ na bɔɔkɔ́ litemi lɛmmɔ lɛsa na nwuna anumi aani Kristo kabla bablane kalɛ. Bulatɔlɔ bekyuli.

Ƒilipiƒuɔ 1:10

kalɛ na bidie lɛla lɛni ndia ntulo. Mmɔ na bɛdubudie lɛlɔ na ala ani muusé lɛlɔ ƒui kudɔ na baládu-mii kɔtɔ na uwi ɔni kemmo na Kristo wasɔ webo.

Ƒilipiƒuɔ 1:12

Banwa, mɔɔyɔ́ ka lɛ́su-mii ka ala ani nálɛku-mi ni, ébunku na litemi buni lɛmmɔ lísie anumi líbu.

Ƒilipiƒuɔ 1:5

ɔ́si kalɛ na bíbunku-mi ɔ́si limeyi lideedi lɛni na líti litemi buni lɛmmɔ líboku-mii úbedu ɔƒɛni ɔsu.

Ƒilipiƒuɔ 1:7

Bina ala akya-mi kayi kemmo geen uwi biala na ɔdi ulu lɛlɔ lɛnɔ ka use-mi lɛni. Ɔsika kuƒi kɔni na Katɔti úte-mi na ɔ́ya lɛ́kɛ nwuna litela ni, amii lɛnɔ bɛ́kɛ-nwu lɛlɔ kɔsia na uwi ɔni na ntɛ ɔtɔ mɛni ku uwi ɔni na mbo bɔnwuna ka likpo lite litemi lɛmmɔ na lidie-ni kenye lite bekyuli na baƒɔ-ni kpakplaa.

Ƒilipiƒuɔ 2:22

Nsu Timoteo anwu ni, amii alati bɛgyi kalɛ na nwuna udu buni ɔmmɔ use. Ɔsika aani kalɛ na ubi ku ɔti baabla kabla taasala ni, lɛni geen na úbunku-mi na litemi buni lɛmmɔ bɔsu kemmo.

Ƒilipiƒuɔ 4:15

Na amii Ƒilipiƒuɔ ni, amii alati bɛgyi geen ka uwi ɔni na lɛ́tɔlɔ Makedonia na líse kalɔ mɔɔkɔ́ litemi buni lɛmmɔ lɛsa ni, amii kani ndi baƒɔtaadine lɛkpa lɛni néte-mi kebunku na lɛla lɛni na lɛ́bla líte-mii kenye.

Ƒilipiƒuɔ 4:3

Na amii lɛnɔ aani mina kabla bablane bakpana ni, mɔɔyɔ́ ka bibunku beleku bamɛni. Ɔsika báblaku-mi kabla na bɔ́kana na búgyingya litemi buni lɛmmɔ. Bɔ́bla ala amɛni ku Klement lɛnɔ ku banwa kabla bablane bakladi bani anyi na bénweni bakya Katɔti Ngba Ɔku kemmo.