فیلیپیَل 4:8 - کتاب مقدس به زبان لکی - گویش مرکزی

⁸ دُماخِرِ، اِاِ بِرال، هر چی گه راسَ، هر چی گه عزّت دیری، هر چی گه دُریسَ، هر چی گه پاکَ، هر چی گه باوِ دلَ، هر چی گه لائق شگِر کِردِنَ، اَرّ فِرَه خوءَ، اَرّ لائق شگِر کِردِنَ، وَه ایی چیئِلَ فگِر بِهَن.

فیلیپیَل 4:8 Cross References

مَتّی 22:16

اونَل شاگردَل ووژونَ گَرد بِری اژ کسَلی گه لا هیرودیسو داشد، کِل‌کِرد اَرِه تک او ئو وِتو: «استاد، مَذانیم پیای کین راس‌وَش ئو رئی خدا وَه دُریسی تیَلیمَ مِین ئو دَروَن عخیدَه کس نیئین اَرِیَگه چیَمت اَر ظاهر نیَ.

مَرقُس 6:20

اَرِیَگه هیرودیس اژ یحیی زِلَه مَچیاتی، اَرِیَگه مَذِناسدی او پیا صالح ئو مقدّسی کَ ئو رایَت حالَ مَهَرد. هر وخد قصَه‌ل یحیی مَشتَفتی، تَپ اَرینَ مَشویاتی. وَه ایی حالا، وَه خَوشی گوشَ ماتیَ قصَه‌لی.

لوقا 16:15

عیسی وِتی‌ئونو: «هُمَه هَراَ کسَلینونَ گه ووژتون اَرتَک مردِم صالح نشونَ مِینو، مِنتائای خدا اژ دلتو خَوَر دیری. اَ چیئَه گه وَه چیَم مردِما اَرزشد دیری، وَه چیَم خداآ کفارت‌دارَ!

لوقا 2:25

اِ اَ زمونَ، پیا صالح ئو دینداری، شَمعون نُم، اِنوم اورشلیم زِنِه‌یَ مَهَردی گه چیَمَ‌رئی دلگُوئی قوم اسرائیل بی ئو روح‌القدس اَررُی بیتی.

لوقا 23:50

اَر اورَه پیا یهودی یوسف نُمی بی گه پیا خو ئو صالحی بی، اژ شیَر رامَه، یَکی اژ شیَرَل هیال یهودیَه. او وَه‌یاآگه جُزم شورا یهود بی،

یوحنا 7:18

اَوَه گه اژ ووژَ موشی، ها دُم جِلال ووژا، مِنتائای اَوَه گه ها دُم جِلال کِل‌کَر ووژا، راس‌وَشَ ئو اِنوم او هُیچ دِروئی نیَ.

کارَل رسولَل 10:22

اونَل وِتو: «کُرنِلیوسِ فرموندَه، ایمَه کِل‌کِردیَسی. او پیا دُریس ئو خداترسی کَ ئو یهودیَل کُل اژ خوئیَ موشِنی. او اژ فریشدَه مقدّسی فِربو گِرتیِ گه کِل‌کِ اَر دُمِت تاگَه باین اِرَه مال، قصَه‌لِت بِشتوءِ.»

کارَل رسولَل 22:12

«اِنوم دمشق، پیا دینداری بی، حَنانیا نُم، گه مِطابق شریعت زِنِه‌یَ مَهَردی، گه اَرتَک کُل یهودیَل اورَه، نُم‌نیک بی.

کارَل رسولَل 6:3

اِسَه اِاِ بِرال، اژ نوم ووژتو هفت پیا نُم‌نیک گه پِر اژ روح‌القدس ئو حکمتِن جیاآ کَن تاگَه بِنیمِنون اَرسر ایی کارَ،

رومیان 13:13

بورِن هُنَ دُریس رفدار بِهِیم گه هَماری هایمون اِنوم روشتایی روژاِر نه اِنوم عِیاشی ئو مَسی، نه اِنوم بی‌عصمتی ئو خیزی، نه اِنوم جنگ ئو حَسوئی،

رومیان 13:3

اَرِیَگه دُریسکارَل زِلَئون اژ حکِمرونَل نِمَچو، مِنتائای خِلافکارَل زِلَئون اَژینونَ مَچو. آیا مِت زِلَت اژ صائای قدِرت نَچو؟ اِسَه اَوَه گه دُریسَ اَنجوم دَ گه تیَریفت اَژینَ مِهِه.

رومیان 14:18

هر کی هُنَ خِلمت اژ مسیح بِهِه، خدا قبولَ مِهِیتی ئو مردِم‌یش تاییدَ مَهَنی.

رومیان 2:29

بلکِم یهودی اَوَه‌‌سَ گه اِ باطن یهودی بو ئو ختینِه‌یش کار قلبی‌ای کَ گه وَه دس روحِ خدا اَنجومَ ماو، نه وَه‌سونگَ کِلمَه‌لی گه نُیسیاءَ. هُنَ کسی خدا تیَریف اَژینَ مِهِیتی، نه اِنسو.

اول قرنتیان 4:5

اِسَه اِبارَه هُیچی وِر اژ اَ وخدَ گه مِ بای، قضاوت نَهَن تاگَه خداون بای. او اَ چیئَه گه اِسگَه اِ تیَریکی شاردیاسا، اِنوم روشتایی آشگارَ مِهِه ئو نیّت دلَل آشگارَ مِهِه. اِسَه هر کی اَجورَ گه لیاخَت دیرِتی، خدا اَژینی تیَریفَ مِهِه.

دوئِم قُرَنتیان 13:7

مِنتائای ایمَه اِ درگا خدا دوعاءَ مِهِیم گه هُمَه خطای نِهِینو، نه یَگه تا دیار بو گه ایمَه اِ اِنتحو سربِلِنگ بیمونَ، بلکِم تاگَه هُمَه اَ چیئَه گه دُریسَ، اَنجوم دِینو، جُ‌جُ اَرّ ایمَه رِفوزَه وَه چیَما بایم.

دوئِم قُرَنتیان 6:8

اِ عزّت ئو بی‌عزّتی، اِ بَنُمی ئو نیکنُمی. اِجور رِنگَرَل وَه‌گَرد ایمَه رفدارَ ماو، وَه ایی حالا هَنی راس‌وَشیم؛

دوئِم قُرَنتیان 8:18

ئو ایمَه وَه‌گَرد او بِرامونی کِل‌کِرد گه اِنوم کُل کلیسائَل وَه خاطر موعظَه کِردِن انجیل نُم اِرآوشدیِ.

دوئِم قُرَنتیان 8:21

اَرِیَگه تقِلا مِهِیم اَ چیئَه گه نه فَخَد اِ چیَم خداون، بلکِم اِ چیَم مردِم‌یش دُریسَ، اَنجوم دِیم.

غَلاطیَل 5:22

مِنتائای ثمر روحِ خدا، مِحبت، خَوشی، سِتار، صبِر، مِرِبونی، خوئی، وفاداری،

اَفِسُسیَل 4:25

اِسَه، دِرو وِتِن بِنِنِ لا، هَر کُم اَژینتو وَه‌گَرد هُمسای وَه راسی قصَه بِهِه، اَرِیَگه ایمَه کُل، عضا یَکتِریئیمو.

اَفِسُسیَل 5:9

اَرِیَگه ثمر نُیر، اِ هر خوئی ئو صالح‌بیئین ئو دُریسی، ماوَ دی.

اَفِسُسیَل 6:14

اِسَه بوسِن، هُنَ گه قِ‌وَن حخیختتو بسدیَس اَر قِ ئو زِری صالح‌بیئینتو کِردیَسِ وَر،

فیلیپیَل 3:1

دُماخِرِ اِاِ بِرال، اِنوم خداون خَوشالی بِهَن. نُیسونِن هَرایی چیئِلَ زیَمَتی اَرِه مِه نِری بلکِم اَرِه یَسَ گه هُمَه اِ اَمو بوئینو.

کولُسیَل 4:5

وَه‌گَرد مردِمی گه اژ کلیسا هانَ دِریر، وَه حِکمتا رفدار بِهَن، اژ هر مِجالی استفادَه بِهَن.

اول تِسالونیکیَل 4:12

تاگَه اَر تک اونَلی گه اژ کلیسا هانَ دِریر، خو زِنِه‌ی بِهِینو ئو هَوَجَه‌تو نَکُوءِ کسی.

اول تیموتائوس 2:2

اَرِه پاتِشائَل ئو کُل کارَدَسَل، تاگَه بتونیم زِنِه‌ی آروم ئو آسودَه‌مونی داشدوئی گه اِ کُل لِحاظی باوِ دل خدا ئو سنگین بو.

اول تیموتائوس 3:11

هَرِ ایی جوریشَ ژِنَلو باس سنگین بوئن، بُختِم‌چی نوئن، بلکِم وَه سر ووژونا بوئن ئو اِ کُل چی وفادار بوئن.

اول تیموتائوس 3:4

هَمیش باس عتِ‌عیال ووژ خو ادارَه بِهِه ئو آیلَلی جوری باریَ عمل گه وَه عزّت کامل اَژی فِربو بیَرنی.

اول تیموتائوس 4:12

نِیل هُیچ‌کس وَه خاطر جِهالیِت خوارِت کِ، بلکِم اِ قصَه کِردِن ئو کردار ئو مِحبت ئو ایمون ئو پاکی، سرمقش کُل ایمودارَل بو.

اول تیموتائوس 5:10

ئو وَه کارَل خو بشتاسِنی، یانی آیلَل خو تربیت کِردوئیتی، هُن‌هاوو بو، پال ایمودارَل مسیح شورئیتی، دردَبارَل یاری دائیتی، ئو ووژ وَخم هر کار خوئی کِردوئیتی.

اول تیموتائوس 5:2

ئو دایائَل اِجور دال، ئو ژِنَل جِهال اِجور خُیَه‌ل ووژِت، اِنوم پاکی کامل.

تیتوس 1:8

بلکِم هُن‌هاوو ئو دوسدار خوئی بو ئو نوا ووژ بِگِری ئو آم دُریس ئو مقدّس ئو مِنظمی بو.

تیتوس 2:14

گه ووژ کِردیَ خِر ایمَه تاگَه اژ کُلِ جور شرَباری آزادمو کِ، ئو قومی اَرِه ووژ پاک بِهِه گه فَخَد هِن ووژ بوئنی گه اَرِه کارَل خِر خیرَت دیرِن.

تیتوس 2:2

ریش‌اَسبیَل باس هوشیار ئو سنگین بوئن ئو نوا ووژو بِگِرِن ئو اِنوم ایمون ئو مِحبت ئو پایاری دُریس رفدار بِهَن.

تیتوس 2:7

اِ کُل لِحاظی اَرِه کارَل خو سرمقش بو، ئو اِ تیَلیم ووژِت رُی‌راسیِت داشدوئی ئو سنگین بو،

تیتوس 3:14

بیلا مردِم ایمَه، بِگِرِنا گه ووژو وَخم کارَل خو بِهَن، ئو اَرِه هَوَجَه‌ل عمدَه تیارِک بوئینِن ئو بی‌ثمر نوئن.

عِبرانیَل 11:2

اَرِیَگه وَه‌سونگَ ایمونا بی گه اژ مردِم قدیم وَه خوئی تیَریف بی.

عِبرانیَل 13:18

دوعامون اَرِه بِهَن، اَرِیَگه اطمینو دیریم گه وِژدانمو پاکَ ئو مِمو اِ کُل چی سربِلِنگ بوئیمو.

یعقوب 1:27

دینداری پِرچِ‌پاک اَر تک باوَه ایمَه، خدا، یَسَ گه اِ سخدیَل اژ یتیمَل ئو بیوَه‌ژِنَل دسگیری بِهِیم ئو اژ فساد دنیا ووژمو دویر بِگِریم.

یعقوب 3:17

مِنتائای اَ حکمتی گه اژ بِلِنگَ، اول‌بار پاکَ ئو اَسَه طالب صُئلَ ئو نجیمَ ئو پَن گوشَ مَگِری ئو پِر اژ ریَمَت ئو ثمرَل خوءَ ئو دوچیَمکی نِمِهِه ئو راس‌وَشَ!

اول پطرس 1:22

اِسگَه گه وَه اطاعت اژ حخیخت، گیونَل ووژتو پاکتونا کِردیَ تا مِحبت بِرائی خالصتو داشدوئی، باس اژ تیَه دلا فِرَه یَکتِریتو دوس داشدوئی.

اول پطرس 2:12

کردارتو اِنوم خِرِیهودیَل هُنَ وَه عزّتا بو گه اونَلی گه اَرضدتونَ موشِن ئو گَنَ‌کارَل هناتونَ مَهَن، وخدی کارَل خوتو بوئینِن، خدا اِ روژ دیئِنی جِلال دَن.

اول پطرس 4:8

مِهمتِر اژ کُل چی، اژ تیَه دلا یَکتِریتو دوس داشدوئی، اَرِیَگه دوس داشدِن، گنائَل فِرِه‌ی مَپوشِنی.

دوئِم پطرس 3:1

اِاِ عزیزَل، یَه نُامَه دوئِمَ گه اَرِنتونَ مَنُیسِنِم. هَردِک ایی نُامَه‌لمَ اَرِه یَه نُیسو گه بارمَ ویرتو تاگَه فگِرَل پاکتو بارِم اَرسر خیرَت،

اول یوحنا 3:18

اِاِ رولَه‌ل، بورِن یَکتِریمو دوس داشدوئی، نه وَه قصَه ئو زوئو، بلکِم اِ عمل ئو اِ حخیخت!

اول یوحنا 3:3

ئو هر کی هُنَ امیدیَ بی دیرِتی، ووژ پاکا مِهِه، هُنَ گه او پاکَ.

اول یوحنا 4:1

اِاِ عزیزَل، وَه هر روحی باوارتو ناآشدوئی، بلکِم روحَل اِنتحو کَن تاگَه بِفیَمینو گه اژ خدان یاگَه نه. اَرِیَگه پِخَمَرَل دِروزِنِ فِرِه‌ی چِنَس اِنوم دنیاآ.