فیلیپیَل 4:19 - کتاب مقدس به زبان لکی - گویش مرکزی

¹⁹ ئو خداءِ مِه، کُل هَوَجَه‌ل هُمَه مِطابق دولتی پِرجِلال ووژ اِنوم مسیحْ عیسی زفت‌ِرفتَ مِهِه.

فیلیپیَل 4:19 Cross References

مَتّی 6:32

اَرِیَگه قومَل بِت‌پِرَس هانَ دُم هُنَ چیئَلیکا، مِنتائای باوَه آسمونی هُمَه مَذانی گه کُل یوئنَ هانِ کَلتو.

یوحنا 20:17

عیسی وِتَ بی: «دس ناوژ اَر مِلِم، اَرِیَگه هَنی نَچِمَسَ بِلِنگ اَر تک باوَه. بلکِم بِچُ اَرِه تک بِرالِم ئو بوشَ بینو گه مَچِمِ بِلِنگ اَر تک باوَه ووژِم ئو باوَه هُمَه ئو خداءِ ووژِم ئو خداءِ هُمَه.»

یوحنا 20:27

اَسَه وِتیَ توما: «کِلِک ووژِت بِن اَر ایرَه ئو دَسَلِم بوئین، ئو دس ووژِت بارِ وَر ئو بِن اَر کُنا پیَلیم ئو بی‌ایمو نو، بلکِم باوارِت داشدوئی.»

رومیان 1:8

وِر اژ هر چی، وَه‌سونگَ عیسی مسیح، وَه خاطر کُلتو شگِر خداءِ ووژمَ مَهَم، اَرِیَگه خَوَر ایمونتو پَشخا بیَس اِنوم کُل دنیا.

رومیان 11:33

دولَمَنی ئو حکمت ئو علم خدا چَنی قویلَ؛ اژ داوریَلی نِماو سر اِربارین ئو رئیَلی نِماو درک کِین.

رومیان 2:4

یاگَه مِرِبونی، صبِر ئو تیَمِل فِرَه خدا وَه هُیچَ مَذانین ئو نِمَذانین گه مِرِبونی خدا اَرِه یَسَ گه تو باری ویرِ توئَه؟

رومیان 8:18

اَرِیَگه وَه عخیدَه مِه، عذاوَل ایی زمونَ اِ قیاسَ گَرد جِلالی گه میا اَر ایمَه دیارا بو، هُیچَ.

رومیان 9:23

تاگَه جِلال بی‌حدِحساو ووژ بشتاسِنی اَر حاجَتَل ریَمَتی گه وِرِکار اَرِه جِلال حاضر کِردِنِ؟

دوئِم قُرَنتیان 12:21

زِلَمَ مَچو وخدی گِلارم اَرِه تَکتو، خداءِ مِه، اِدوارَه اَرتَک هُمَه، مِه فِروتنا کِ، ئو مِه مجبور بوئم اَرِه کسَلی گه وِرِکار گنائو کِردیَ ئو اژ ناپاکی، بی‌عصمتی، ئو عِیاشیَلی گه کِردونَ توئه‌ئو نَهَردیَ، هَری بِگِرِم سر.

دوئِم قُرَنتیان 4:17

اَرِیَگه سخدیَلی گه گُجَرِن ئو مَگُذَرِن، اَرِه ایمَه جِلال ابدی‌ای مارِن گه نِماو وَه‌گَرد اَ سخدیِلَ قیاس کِینی.

اَفِسُسیَل 1:18

تا چیَم دلتو روشِه بو، تاگَه امیدی گه خدا دَوَتتو کِردیَسیَ بی، بشتاسینو ئو اَ میرات بی‌حدِحساو ئو پِرجِلال خدا اِنوم ایمودارَل مسیحَ، بِفیَمینو.

اَفِسُسیَل 1:7

اِنوم مسیح، ایمَه وَه خیمت خوین او آزاد بیمونَ، گه یَه هَراَ بشخِش گنائِلَ گه مِطابق دولَمَنی فیض ووژ،

اَفِسُسیَل 2:7

تاگَه اِ اَ زمونَلی گه میا بان، دولَمَنی بی‌حدِحساو فیض ووژ اِنوم مسیحْ عیسی، اِ مِرِبونی اَر ایمَه، نِشو بِ.

اَفِسُسیَل 3:16

گه مِطابق دولَمَنی جِلال ووژ بوئَشخیَ بینتو تاگَه وَه‌سونگَ روح خدا اِ دَرین ووژتو وَه قویَت زوردار بوئینو،

اَفِسُسیَل 3:8

وَه‌یاآگه اژ کُل ایمودارَل مسیح کمتِرِم، مِنتائای ایی فیضَ بَشخیاءَ بینِم تا گنجَل مسیح گه حدِحساو نِری، اِلوم بِهَم اَر خِرِیهودیَل،

فیلیپیَل 4:7

ئو صُئل ئو سِلامتی خدا گه اژ هَر فیَمی بِلِنگ‌تِرَ، دل ئو فگِرَلتون اِنوم مسیحْ عیسی حفظَ مِهِه.

کولُسیَل 1:27

خدا هُنَ هِستی تا اَرِنو آشگارا بِهِه گه ایی سِرَّ چه جِلال بی‌حدِحساوی اِنوم خِرِیهودیَل دیری، ایی سِرَّ یَسَ گه مسیح، گه امید جِلالَ، ها اِنوم هُمَه.

کولُسیَل 3:16

کلوم مسیح وَه دولَمَنیا لیز بِگِری اِنوم هُمَه، وَه تموم حکمت یَکتِری تیَلیم ئو پَن بیَن، اَرِه خدا سروءَل، مزامیر ئو بِیتَلی گه اژ روحِ خداءَ وَه شگِر کِردِن اِ دلَلتو، بحیوَنِن.

اول تِسالونیکیَل 2:12

هرکُم اژ هُمَه‌مو تشویق کِرد ئو دلگُوئیمو دا ئو اَمونَتمو دا گه طوری رفدار بِهِینو گه لائق خدای بو گه دَوَتتونَ مِهِئَه پاتِشائی ئو جِلال ووژ.

اول تیموتائوس 6:17

حکِم بِهِه اَر ثرودمنَل ایی زمونَه گه قُرات نوئن ئو امیدون‌ اَر مال ایی دنیاءَ ناو گه نِمَمینی. بلکِم امیدون‌ اَر خدا بو گه کُل چی چَل‌چَل اَرِه ایمَه تیارِکَ موئینی تا اَژینو لَذت بیَریم.

فیلیمون 1:4

مِه وخدی اِ دوعائَلمَ مارِمتَ ویر، هَر شگِر خدامَ مَهَم.

اول پطرس 5:1

مِه گه ووژِم اژ شیخَلِم ئو شات عذاوَل مسیح بیم ئو هُم‌بیَر جِلالی گه آشگارَ ماو، پَنَ میَمَ شیخَلی گه هانِ نومتون‌اِر:

اول پطرس 5:10

دُما یَگه مِدت کمی عذاوتو کیشی، خداءِ کُل فیضَل گه هُمَه اِنوم مسیح دَوَت کِردیَسیَ جِلال ابدی ووژ، ووژ اِدوارَه بِناتونَ مِهِه، ئو موکَم ئو زوردار ئو پایارتونا مِهِه.