فیلیپیَل 4:17 - کتاب مقدس به زبان لکی - گویش مرکزی

¹⁷ نه یَگه وَه دُم پیشکَشیا بوئم، بلکِم هام اَر دُم ثمری گه اِتِبار هُمَه اَرتَک خدا ویشتِرا کِ.

فیلیپیَل 4:17 Cross References

یوحنا 15:16

هُمَه نوئینو گه مِنتو اِنتخاو کِرد، بلکِم مِه بیم گه هُمَه‌م اِنتخاو کِرد ئو هُمَه‌م مَیِّن کِرد تاگَه بِچینو ئو ثمر بارینو ئو ثمر هُمَه بِمینی، تاگَه هر چَتونی اژ باوَه وَه نُم مِه بِ، بیَ بینتو.

یوحنا 15:8

جِلال باوَه‌م ها نوم یَگه هُمَه ثمر فِرِه‌ی بارینو؛ ئو هُنَ ثابتَ مِهِینو گه شاگرد مِنینو.

رومیان 15:28

اِسَه، وخدی ایی کارمَ تموم کِرد ئو چیئَلی گه جیَم بیَ رَسونمَ دَسو، اژ رئی هُمَه، مَچِم اِرَه اسپانیا.

دوئِم قُرَنتیان 11:16

هَنیَ موشِم: کس مِنَ اَخمَخ فرض نِهِه. مِنتائای اَرّ هُنَ مِهِینو، مِن اِجور آم اَخمَخی قبول بِهَن، تاگَه مِن‌یش بتونِم تیکُلُنجِه‌ی بنازِم اَر ووژِم.

دوئِم قُرَنتیان 9:5

اِسَه لازمَ مَذانِم گه اژ اَ بِرالَ خواهشد بِهَم وِر اژ مِه، بان اَرِه تَکتو ئو پیشکَشیَلی گه وَدَه‌تو دائی، گِردا کَن. تاگَه ایی پیشکَشیَ، پیشکَشی‌ای بو گه وَه دل ووژتو داتونَ نه وَه زور.

فیلیپیَل 1:11

پِرا بوئینون اژ ثمر صالح‌بیئینی گه وَه‌سونگَ عیسی مسیح وَه بارَ مای، اَرِه جِلال ئو شگِر خدا.

فیلیپیَل 4:11

نه یَگه اِبارَه هَوَجَه‌لِم قصَه بِهَم، اَرِیَگه گِرتِمَسا گه اِ کُل حالِ‌روژی قانی بوئم.

اول تِسالونیکیَل 2:5

اَرِیَگه هُنَ گه هُمَه مَذانینو ئو خدا شاتَ، ایمَه هرگِس چاپلوسیمو نَهَرد ئو قصَه‌لمو اژ طَما نوئی.

اول تیموتائوس 3:3

نه یَگه شِراوی بو، یاگَه زور بوشی، بلکِم فَخیر ساگوش‌کَتی بو، ئو نه جنگَری، یا پیل‌دوس.

اول تیموتائوس 6:10

اَرِیَگه پیل‌دوسی ریشی کُلِ جور گَنیَ، وَه خاطر هَر ایی طَما پیلَسَ گه بِری اژ رئی ایمون اِرهاتِنَ، دردَل فِرِه‌ئونی کِردیَسَ گیژ ووژونا ئو زیَم‌دارا بینَ.

تیتوس 1:7

اَرِیَگه اُسقُفی گه پیشکار خداءَ باس چیئی اِنوم زِنِه‌ی ناوتی گه وَه‌سونگَ اَوا لارَ بوتی اَری. او نَباس قُرات یا پِرچَ‌شرهاتی یا عِرَخی یا تُن‌تیوَت بو یا هَر هَلگ اَرِه پیل بِ،

تیتوس 3:14

بیلا مردِم ایمَه، بِگِرِنا گه ووژو وَخم کارَل خو بِهَن، ئو اَرِه هَوَجَه‌ل عمدَه تیارِک بوئینِن ئو بی‌ثمر نوئن.

عِبرانیَل 6:10

اَرِیَگه خدا بی‌انصاف نیَ گه کار هُمَه ئو مِحبتی گه وَه خاطر نُم او اِ خِلمت اژ ایمودارَل مسیحتو نِشو داءَ ئو هَنی‌شَ مِینو، اِویر بِچوتی.

اول پطرس 5:2

ریئَن خدا گه ها نوم هُمِه‌اِر شوئونی کَن ئو مِتیَه‌جی بوئنی، نه وَه زور بلکِم وَه میل، [هَراَ جورَ گه خدا مِیتی]؛ ئو نه اَرِه فادَه ناحخ بلکِم وَه شوقا.

دوئِم پطرس 2:15

رئی راسو وِل کِردیَ ئو ویرِ تُرّ بَلعام بِن بِعور گه مِز نادُریسی دوس داشدی، اژ رئی اِرهاتِنَ.

دوئِم پطرس 2:3

اونَل اژ طَمائو، وَه یاری قصَه‌ل دِرو، خارَتتونَ مَهَن. مِنتائای مکومیَتو گه وِرِکار مَیِّن بیَ، بیگار نَنیشتیَ ئو نابودیو نَحیوَتیَ!

یهودا 1:11

هِرّو اَرِنو، اَرِیَگه چِنَ تُرّ قائِنا ئو وَه خاطر نفع، چِنَ تُرّ خِلَط بَلعاما ئو اِ شورش قورَح اژ بِن چِن.