فیلیپیَل 4:11 - کتاب مقدس به زبان لکی - گویش مرکزی

¹¹ نه یَگه اِبارَه هَوَجَه‌لِم قصَه بِهَم، اَرِیَگه گِرتِمَسا گه اِ کُل حالِ‌روژی قانی بوئم.

فیلیپیَل 4:11 Cross References

لوقا 3:14

سروازَل‌یش اَژینو پِرسی: «اَنی ایمَه، ایمَه باس چَه بِهِیم؟» وِتی‌ئونو: «هَراَ زور اژ کسی پیل نَسینِن ئو بُختِم نارُوا نیَن اَر هُیچ کس ئو وَه مِزدَس ووژتو قانی بوئن.»

دوئِم قُرَنتیان 11:27

اِ جُور ئو سخدی، اِ شو نَحیوَسیَل فِرَه؛ اِ تینی ئو وِرسِنی بیئِن، ویشتِر وخدَل بی‌خوراک، اِ سرما ئو بی‌جِنِکی.

دوئِم قُرَنتیان 6:10

پَژاریم مِنتائای هَنی خَوشالیم، ژاریم مِنتائای کسَل فِرِه ثروَدمَنا مِهِیم؛ هُیچ نِریم مِنتائای صائای کُل چیئیم.

دوئِم قُرَنتیان 8:9

اَرِیَگه هُمَه اژ فیض خداونمو عیسی مسیح خَوَر دیرینو گه وَه‌یاآگه دولَمَن بی، وَه خاطر هُمَه ژارا بی تاگَه هُمَه وَه ژاری او دولَمَنا بوئینو.

دوئِم قُرَنتیان 9:8

ئو خدا مَتونی هر بِرَکتی اَرِه هُمَه فِرَه‌آ کِ، تا هَر اِ کُل چی اَخَ گه اِ‌کَلتونَ داشدوئیتو، اِ هر کار خوئی چَل‌چَلتو داشدوئی.

فیلیپیَل 3:8

اِراسی مِه کُل چی وَه خاطر اَرزشد فِرَه شناخت خداونِم مسیحْ عیسی ضِرَدَ حساوَ مارِم گه وَه خاطر او کُل چیئِمِ کیس اِرچیَ ئو اونِلَ اِشخال وَه حساوَ مارِم، تاگَه نفعِم مسیح بو.

عِبرانیَل 10:34

اَرِیَگه وَه‌گَرد اونَلی گه اِ زندو بین، هُمدردیتونَ مَهَرد ئو وخدی مالِ‌منالتو خارَتونَ مَهَرد وَه خَوشی مَچیاینونِ گِرد، اَرِیَگه مَذِناسدتو مالِ‌منال بیتِری دیرینو گه پایارَ.