فیلیپیَل 4:1 - کتاب مقدس به زبان لکی - گویش مرکزی

¹ اِسَه، اِاِ بِرالی گه دوستو دیرِم ئو اَرِنتو شوق دیرِم، هُمَه گه خَوشی ئو تاج سر مِنینو، عزیزَلِم، هَرهُنَ سفدِسخد اِنوم خداون پایار بِمینِن.

فیلیپیَل 4:1 Cross References

مَتّی 10:22

کُل مردِم وَه خاطر نُم مِن اژ هُمَه بیزارَ موئن. مِنتائای هر کی گه تاگَه آخِر طاخَت باری، نجادَ مَگِری.

یوحنا 8:31

اَسَه عیسی وَه یهودیَلی گه ایمونونَ بی آوِردوئی، وِتی: «اَرّ اِنوم کَلومِم بِمینینو، اِراسی موئینونَ شاگرد مِه.

کارَل رسولَل 11:23

وخدی برنابا رَسی اَر اورَه ئو فیض خدا دیتی، خَوشالا بی ئو کُل تشویق کِردِنی تاگَه وَه تمومِ دل وفادار بِمینِن اَر خداون،

کارَل رسولَل 14:22

قویَتونَ ماءَ دل شاگردَل ئو اونَلو تشویقَ مَهَرد تاگَه بوسِن اَرسر ایمونو ئو موئِتو: «ایمَه باس وَه تیَمِل سخدیَل فِرِه، بِچیمَ نوم پاتِشائی خداآ.»

کارَل رسولَل 2:42

اونَل هَر ووژو وَخمِ تیَلیم گِرتِن اژ رسولَل ئو رِقیفی ئو کُت کِردِن نون ئو دوعا کِردِنونَ مَهَرد.

رومیان 2:7

او ژییاین ابدیَ موئَشخیَ کسَلی گه وَه صبِر اِ اَنجوم کارَل خو، هان اَر دُم جِلال ئو عزّت ئو زِنِه‌ی ابدیا؛

اول قرنتیان 15:58

اِسَه، بِرال عزیزِم، پایار بِمینِن ئو اژ جاتو تَکو نیرِن، هَر اژ تیَه دلا اَرِه خداون کار کَن، اَرِیَگه مَذانینو گه زیَمَت هُمَه اِنوم خداون بی‌فادَه نیَ.

اول قرنتیان 16:13

حُواستو بو؛ سفدِسخد بِمینِن اِنوم ایمونتو؛ اِجور پیا عمل بِهَن ئو زوردار بوئن.

دوئِم قُرَنتیان 1:14

دُریس هَراَ جورَ گه کم‌تا‌کُتی ایمَه‌تو فیَمیَ، تاگَه اِ روژ خداونمو عیسی، هَرهُنَ گه ایمَه وَه هُمَه افتخارَ مِهِیم، هُمِه‌یش وَه ایمَه افتخار بِهِینو.

غَلاطیَل 5:1

اَرِه آزادی بی گه مسیح ایمَه آزاد کِردی. ایلَهَه سفدِسخد بوسِن ئو ووژتو گِلی هَنی گرفدار دارِبرگ بَنِه‌ی نَهَن.

فیلیپیَل 1:27

فَخَد بِیلِن اِ زِنِه‌یتو رفدارتو لائق انجیل مسیح بو، تاگَه چه مِه بام ئو هُمَه بوئینِم چه نوئم، اِبارَه هُمَه بشتوئِم گه سفدِسخد اِ یِه روح هوسیاینونَ، وَه یِه فگِر، شونَ شو یَکتِری اَرِه ایمو انجیل تقِلاءَ مِهِینو.

فیلیپیَل 1:8

اَرِیَگه خدا شاتَ گه وَه مِحبت مسیحْ عیسی، اَرِه هُمَه کُل شوق دیرِم.

فیلیپیَل 2:16

کلوم ژییاین سفدِسخد بِگِرِن، تاگَه اِ روژ گِلاهُاردِن مسیح مِه افتخار بِهَم گه بی‌فادَه نَنیامَسِ دو یا بی‌فادَه زیَمَتِم نکیشیَ.

فیلیپیَل 2:26

اَرِیَگه اَرِه هُمَه کُل شوق داشدیِ ئو اژ یَگه هُمَه شنَفتِتونَ او مریض بیَ، پَژار بی.

کولُسیَل 4:12

اِپافْراس، گه یَکی اژ هُمِئَه، ئو خادم مسیحْ عیسیَ، سِلامَ مَرَسِنیَ بینتو. او هَر اِ دوعائَلی اَرِه هُمَه تقِلاءَ مِهِه تاگَه هُمَه بتونینو بالغ ئو وَه اطمینو کامل بوسینون اَر سر تموم خواس خدا.

اول تِسالونیکیَل 3:13

ئو دلَلتو قرص بِهِه تا اَسَه گه خداون ایمَه عیسی وَه‌گَرد کُل ایمودارَل ووژَ مای، اَرتَک خدا، باوَه آسمونیمو بی‌عِو ئو مقدّس بوئینو.

دوئِم تِسالونیکیَل 2:15

اِسَه، اِاِ بِرال، پایار بِمینِن ئو بچسبِنَ تیَلیمَلی گه چه زوئونی ئو چه وَه نُامَه اژ ایمَه‌تونا گِرت.

دوئِم تیموتائوس 2:1

اِسَه تو اِاِ کُرِم، وَه فیضی گه ها نوم مسیحْ عیسی‌اِر قویَت بِگِر،

عِبرانیَل 10:23

بورِن بی‌یَگه سُسا بوئیمو، سفدِسخد بچسبیمون اَر امیدی گه اعترافَ مِهِیمی اَری، اَرِیَگه وَدَه‌دهندَه اَمونتدارَ.

عِبرانیَل 3:14

اَرِیَگه اِنوم مسیح هُم‌بیَرا بیمونَ، اَرّ اِراسی تاگَه آخِر بچسبیمون اَر اَ اطمینو اول ووژمونا.

عِبرانیَل 4:14

اِسَه وخدی کاهن اعظم کَلِنگی دیریم گه ویرِ آسمونَل چیَسِ رُ، یانی عیسی کُر خدا، بورِن سفدِسخد بچسبیمون اَر اعتراف ایمونمو.

دوئِم پطرس 3:17

اِسَه هُمَه اِاِ عزیزَل، اِسگَه گه یَه اِ وِرِکارَ مَذانینو، هوشیار بوئن تاناخواد ویرِ رئی نادُریس بی‌دینَل اژ رئی اِرباینو ئو پایاریتون اژ کیستون اِربِچو،