فیلیپیَل 3:2 - کتاب مقدس به زبان لکی - گویش مرکزی

² اژ اَ سگِلَ دویرا بِگِرِن! اژ اَ شَرَبارِلَ دویرا بِگِرِن! اژ اونَلی گه اَرِه ختینَه جسمَ مُئرِن دویرا بِگِرِن!

فیلیپیَل 3:2 Cross References

مَتّی 24:10

اِ، اَ روژِلَ فِرَه کسَل اژ ایمو ووژو رُی اِرَمَگیردِنِن، ئو خیونتَ مَهَنَ یَکتِری ئو بیزارَ موئن اژ یَکتِری.

مَتّی 7:15

«اژ پِخَمَرَل دِروزِنِ دویرا بِگِرِن. اونَل وَه جِنِک میا مان اَرِه تک هُمَه، مِنتائای اِ باطنا گُرگَل دِرَّندَه‌ن.

مَتّی 7:6

«اَ چیئَه گه مقدّسَ، نیَنَ سگَل وِل ئو مِرواریَل ووژتو ناوژِنِ نوا خنزیلَل، تاناخواد لَخَ‌سائو کَن ئو گِلابیرِن ئو بِتِلیشِنِنتو.

رومیان 2:28

اَرِیَگه یهودی اَوَه نیَ گه وَه ظاهر یهودی بو، ئو ختینِه‌یش کار ظاهری ئو جسمونی‌ای نیَ.

دوئِم قُرَنتیان 11:13

اَرِیَگه هُنَ کسَلی رسولَل دِروزِنِ ئو خِلمتکارَل رِنگَری کِن گه ووژون اِجور رسولَل مسیح اِرَمارِن.

غَلاطیَل 5:13

اَرِیَگه اِاِ بِرال، هُمَه دَوَت بینو‌نَسَ آزادی، مِنتائای حُواستو بو آزادیتو ناوَ مِجالی اَرِه جسم، بلکِم وَه مِحبت خِلمت بِهَن اَر یَکتِری.

غَلاطیَل 5:15

مِنتائای اَرّ وَه قَپ ئو دِنو بِچینونِ گیژ یَک، حُواستو بو گه وَه دس یَکتِری اژ بِن نَچینو.

غَلاطیَل 5:6

اَرِیَگه اِ مسیحْ عیسی نه ختینَه بیئِن چیئی کَ نه ختینَه نوئین، بلکِم مِهم ایمونی کَ گه اژ رئی مِحبت کارَ مِهِه.

فیلیپیَل 3:19

عاقویَت هُنَ کسَلی نابودیَ، خدا اونَل لَمونَ، افتخارو اَر نَنگونَ، ئو فگِرَلو گیر چیئَل زمینیَ.

فیلیپیَل 3:3

اَرِیَگه ختینَه‌کَریائَل راسَکونی ایمِه‌یم گه وَه روحِ خدا عَبادتَ مِهِیم ئو افتخارَ مِهِیم اَر مسیحْ عیسی ئو تَکیمون اَر جسم نیَ-

اول تیموتائوس 1:19

ئو بچسبَ ایمون ئو وِژدان پاک، اَرِیَگه کَشتی ایمو بِری وَه رد کِردِن ایی چیئِلَ حُیردِحَلو بیَ.

تیتوس 1:16

اونَل ادعا مَهَن گه خداءَ مَشتاسِن، مِنتائای وَه کارَلو حاشا مَهَنی. تویک‌تیَل ئو کورفِربونِن ئو اَرِه هر کار خوئی بیلاوِن.

دوئِم پطرس 2:22

ایی متل راسَ، اِبارَه چیئی موشی گه هاتیَسَ سرو: «سگ گِلامیری اَر استفراخ ووژ»، ئو «خنزیل شوریا، اَر پِل هُاردِن اِ هَری.»

یهودا 1:4

اَرِیَگه بِری گه اژ قدیم اَرِه ایی مَکومیتَ مَیِّن بینَ، وَه بی‌کِشکیا هاتِنَس اِنوم هُمَه. یوئنَ خدانشتاسَلی‌ کِن گه فیض خدا ایمَه مَهَنَ عِیاشی ئو یَکونَه آقا ئو خداونمو، عیسی مسیح حاشاءَ مَهَن.

مِکاشفَه 2:9

مِه عذاو تون ئو ژاری تونَ مَذانِم، وَه ایی حالا دولَمَنین! اژ بُختِمَل اونَلی گه ووژونَ یهودیَ مَذانِن ئو نیِن، بلکِم عَبادتگا شِطونِن، خَوَر دیرِم.

مِکاشفَه 21:8

مِنتائای بی‌جورَتَل ئو بی‌ایمونَل ئو تویک‌تیَلَل ئو آم‌کُشَل ئو زِنهاکارَل ئو جادوگرَل ئو بِت‌پِرَسَل ئو کُل دِروزِنَل، دریاچَه گُرگِرتی وَه آگِر ئو گوگرد، ماوَ نَصُیو. یَه مرگ دوئِمَ.»

مِکاشفَه 22:15

سگَل ئو جادوگرَل ئو زِنهاکارَل ئو آم‌کُشَل ئو بِت‌پِرَسَل ئو هر کی گه دِرو دوس دیری ئو اَنجومَ مِیتی، هانَ دِریر.

مِکاشفَه 3:9

سِیل کَ، اونَلی گه اژ عَبادتگا شِطونِن ئو ووژونَ یهودیَ مَذانِن ئو نیِن بلکِم دِروءَ موشِن، اِسگَه، مَنِم اَر مِلو گه بان ئو بِکُوئِنِ وَر پائلِت، ئو مَفیَمِن گه مِه دوسِم داشدینَ.