فیلیپیَل 3:15 - کتاب مقدس به زبان لکی - گویش مرکزی

¹⁵ اِسَه کُل ایمَه گه بالغیم، باس هُنَ فگِر بِهِیم، ئو اَرّ اِ هرچی جوری‌تِر فگِرَ مِهِینو، یوئیشَ خدا اَر هُمَه آشگارا مِهِه.

فیلیپیَل 3:15 Cross References

مَتّی 5:48

اِسَه هُمَه کامل بوئن هُنَ گه باوَه آسمونی هُمَه کاملَ.

لوقا 11:13

اِسَه اَرّ هُمَه گه شرَبارینو، مَذانینو گه چطور پیشکَشی خو بِینونَ آیلَلتو، چَنی ویشتِر باوَه آسمونی هُمَه، روح‌القدسَ موئَشخیَ اونَلی گه اَژینو بِ.»

یوحنا 6:45

اِ نُسَخ پِخَمَرَل نُیسیاءَ گه ”کُل اژ خدا تیَلیمَ مَگِرِن.“ اِسَه هر کی گوش بِگِریَ خدا ئو اژ او تیَلیم بِگِری، ما اَرِه تک مِه.

یوحنا 7:17

اَرّ کسی اِراسی بِیتی خواس خدا اَنجوم بِ، مَفیَمی گه ایی تیَلیمِلَ اژ جونِم خداءَ یاگَه مِه اژ ووژمَ موشِم.

رومیان 15:1

ایمَه گه قویَه دیریم، باس ضیَفَل کسَلی گه ضِیفِن بِگِریمِ کول، نه یَگه وَه دُم خَوشی ووژمونا بوئیمو.

اول قرنتیان 14:20

اِاِ بِرال، اِ درک ئو فیَم اِجور آویل نوئن، بلکِم اِ گَنی کِردِن اِجور کورپَه بوئن. برعسک، اِ درک ئو فیَم اِجور آم بالغ بوئن.

اول قرنتیان 2:6

وَه ایی حالا، ایمَه اِنوم کسَلی گه کَلِنگِن، حکمتَ موشیم، مِنتائای نه حکمتی گه هِن ایی زمونَه یاگَه حکِمرونَل ایی زمونِئَه گه مَکومِن تاگَه اژ بِن بِچِن،

غَلاطیَل 5:10

مِه اِنوم خداون اطمینو دیرِم گه نِمَچینون‌ِ گِرد عخیده‌ی هَنی. مِنتائای اَوَه گه هُمَه پریشونَ مِهِه، هرکی هَس، مَرَسی سزا کار ووژ.

اَفِسُسیَل 1:17

تاگَه خداءِ خداونمو عیسی مسیح، اَ باوَه پِرجِلالَ، روحِ حکمت ئو مِکاشفَه بوئَشخیَ بینتو تاگَه او بشتاسینو.

کولُسیَل 1:28

ایمَه مسیح اِلومَ مِهِیم، ئو هُشتارَ مِیمَ کُل کس، ئو وَه تموم حکمت تیَلیمَ مِیمَ کُل کس، تاگَه اِنوم مسیح کُل کس بالغ باریم اَرِه تک خدا.

کولُسیَل 4:12

اِپافْراس، گه یَکی اژ هُمِئَه، ئو خادم مسیحْ عیسیَ، سِلامَ مَرَسِنیَ بینتو. او هَر اِ دوعائَلی اَرِه هُمَه تقِلاءَ مِهِه تاگَه هُمَه بتونینو بالغ ئو وَه اطمینو کامل بوسینون اَر سر تموم خواس خدا.

اول تِسالونیکیَل 4:9

اِسگَه اِبارَه مِحبت بِرائی نیازی نیَ کسی چیئی اَرِنتو بِنُیسِنی، اَرِیَگه هُمَه ووژتون اژ خدا گِرتِتونَسا گه یَکتِریتو دوس داشدوئی.

دوئِم تیموتائوس 3:17

تا پیا خدا اَرِه هر کار خوئی کامل آمادَه بو.

عِبرانیَل 5:14

مِنتائای خوراک سنگین هِن کَلِنگِلَ، اونَلی گه وَه یِمِجو تمرین کِردِن، قدِرت تشقیص ووژو تربیتو کِردیَ تاگَه گَن ئو خو اژ یَک اِربارِن.

اول یوحنا 2:5

مِنتائای کسی گه کلوم اوءَ ماریَ جا، مِحبت خدا اِراسی اِنوم او کاملا بیَ. هُنَ مَذانیم گه هایمون اِنوم او: