فیلیپیَل 3:12 - کتاب مقدس به زبان لکی - گویش مرکزی

¹² نه یَگه تا اِسگَه یَمَ آوِردیَسَ دس یاگَه کاملا بیمَ، بلکِم تقِلا مَهَم بِهَمیَ هِن ووژِم، اَرِیَگه مسیحْ عیسی مِن اَرِه اَوَه کِردیَسیَ هِن ووژ.

فیلیپیَل 3:12 Cross References

مَتّی 5:48

اِسَه هُمَه کامل بوئن هُنَ گه باوَه آسمونی هُمَه کاملَ.

کارَل رسولَل 9:15

مِنتائای خداون وِتیَ حَنانیا: «بِچُ، اَرِیَگه ایی پیا حاجتی کَ گه مِه جیاما کِردیَ تاگَه نُمِم بیَری اِرَه تک خِرِیهودیَل ئو پاتِشائَلو، ئو قوم اسرائیل.

رومیان 8:39

ئو نه بَرزی ئو نه نِمِزی، ئو نه هُیچی‌تِر اِنوم کُل خلقت، نِمَتونی ایمَه اژ مِحبت خدا گه ها نوم خداونمو مسیحْ عیسی‌اِر، جیاآ کِ.

اول قرنتیان 13:10

مِنتائای وخدی کامل بای، دیَر جُزمیِهَه اژ بِنَ مَچو.

اول قرنتیان 13:12

اَرِیَگه اِسگَه اِنوم آینَه تارَ موئینیم، مِنتائای اِ اَ زمونَ اژ ویرَرویرَ موئینیم. اِسگَه مِه جُزمیَ مَذانِم؛ مِنتائای زمونی مای گه مِه کاملَ مَذانِم، هَراَ جورَ گه خدا کامل اژ مِنَ مَذانی.

اول قرنتیان 9:24

مَر نِمَذانینو گه اِ مِسابقَه دو کُلَ مَنِن اَر دو، مِنتائای فَخَد یَکی جائزَه میَری؟ اِسَه هُمَه جوری بِنِن اَر دو گه بیَرینونا.

دوئِم قُرَنتیان 13:9

اَرِیَگه وخدی ایمَه ضِیفیم ئو هُمَه زوردارینو، یَه خَوشالمونا مِهِه. ئو دوعا ایمَه یَسَ گه هُمَه کاملا بوئینو.

دوئِم قُرَنتیان 7:1

اِاِ عزیزَل، اِسگَه گه ایی وَدِه‌لَ دیریم، بورِن ووژمو پاکا کِیم اژ هر ناپاکی جسم ئو روح، ئو وَه ترس اژ خدا، مقدّس‌بیئین برَسِنیمَ کمال.

غَلاطیَل 5:17

اَرِیَگه چیئَلی گه جسم ها دُمونا اَرضد روحِ خدان ئو چیئَلی گه روحِ خدا ها دُمونا اَرضد جسمِن؛ اَرِیَگه هَردِک اَرضد یَکِن، جوری گه نِمَتونینو هر چَتونی مِ، اَنجوم بِینو.

اَفِسُسیَل 1:4

اَرِیَگه وِر اژ یَگه بِنیا دنیا باوِنی، ایمَه اِنوم مسیح اِنتخاو کِردی تا اَر تک ووژ مقدّس ئو بی‌عِو بوئیم. ئو اِنوم مِحبت،

اَفِسُسیَل 4:12

تا ایمودارَل اَرِه کار خِلمت آمادَه بِهَن، اَرِه بِنا لار مسیح،

فیلیپیَل 1:1

اژ پولُس ئو تیموتائوس، خادمَل مسیحْ عیسی، وَه کُل ایمودارَل مسیحْ عیسی گه هانِ شیَر فیلیپی‌‌اِر، وَه‌گَرد اُسقُفَل ئو شمّاسَل:

فیلیپیَل 3:16

بورِن مِطابق اَ چیئَه گه آوِردِمونَسَ دس، رفدار بِهِیم.

فیلیپیَل 3:3

اَرِیَگه ختینَه‌کَریائَل راسَکونی ایمِه‌یم گه وَه روحِ خدا عَبادتَ مِهِیم ئو افتخارَ مِهِیم اَر مسیحْ عیسی ئو تَکیمون اَر جسم نیَ-

فیلیپیَل 3:8

اِراسی مِه کُل چی وَه خاطر اَرزشد فِرَه شناخت خداونِم مسیحْ عیسی ضِرَدَ حساوَ مارِم گه وَه خاطر او کُل چیئِمِ کیس اِرچیَ ئو اونِلَ اِشخال وَه حساوَ مارِم، تاگَه نفعِم مسیح بو.

اول تِسالونیکیَل 5:15

حُواستو بو گه هُیچ‌کس جوواو گَنی وَه گَنیا نِ، بلکِم هَر اِ دُم خوئی کِردِنَ یَکتِری ئو اَر کُل کس بوئن.

دوئِم تِسالونیکیَل 2:13

مِنتائای اِاِ بِرالی گه عزیزگرامی خدائینو، ایمَه باس وَه خاطر هُمَه هَر شگِر خدا بِهِیم، اَرِیَگه خدا هُمَل اِجور نوبر دیاری کِردی تا وَه‌سونگَ کار تقدیس‌کَر روحِ خدا ئو ایمون اَر حخیخت نجاد بِگِرینو.

اول تیموتائوس 5:10

ئو وَه کارَل خو بشتاسِنی، یانی آیلَل خو تربیت کِردوئیتی، هُن‌هاوو بو، پال ایمودارَل مسیح شورئیتی، دردَبارَل یاری دائیتی، ئو ووژ وَخم هر کار خوئی کِردوئیتی.

اول تیموتائوس 6:19

وَه هُنَ، گنجی اَرِه ووژونَ ماوژِنِ پِ دس گه ماوَ پِ خوئی اَرِه آیندَه‌ئو، تاگَه بچسبِن اَر اَ چیئَه گه ژییاین حخیخیَ.

عِبرانیَل 12:14

فِرَه تقِلا بِهَن تاگَه وَه‌گَرد کُل مردِم اِ صُئل بوئینو ئو مقدّس بوئینو، اَرِیَگه وَه بی‌اَوَه هُیچ‌کس خداون نِموئینی.

عِبرانیَل 12:23

ئو اَر کلیسا اول‌زائَلی گه نُمون اِنوم آسمو نُیسیاءَ. نزیکا بینونَس اَر خدای گه داور کُلَ، ئو اَر روحَل آمَل صالحی گه کاملا بینَ،

عِبرانیَل 13:21

هَراَ خدای گه هُمَل مِجهز کِردیَ کُل چیئَل خو تاگَه خواس او اَنجوم دِینو، تاگَه اَ چیئَه گه وَه دِلَسی وَه‌سونگَ عیسی مسیح اِنوم ایمَه اَنجوم دِ، گه جِلال اَر او تا ابدالآباد. آمین.

یعقوب 3:2

اَرِیَگه کُلمو اِ فِرَه چیئَل خطا مِهِیم. اَرّ کسی اِ قصه‌ی گه موشی خطا نِهِه، آم کاملی کَ ئو مَتونی کُل لار ووژیشی رُم کِ.

اول پطرس 5:10

دُما یَگه مِدت کمی عذاوتو کیشی، خداءِ کُل فیضَل گه هُمَه اِنوم مسیح دَوَت کِردیَسیَ جِلال ابدی ووژ، ووژ اِدوارَه بِناتونَ مِهِه، ئو موکَم ئو زوردار ئو پایارتونا مِهِه.

دوئِم پطرس 3:18

بلکِم اِنوم فیض ئو شناخت خداون ئو نجاددهندَه ایمَه عیسی مسیح رشد بِهَن، گه جِلال اژ اِسگَه تا ابد اَر او بو! آمین.