فیلیپیَل 3:10 - کتاب مقدس به زبان لکی - گویش مرکزی

¹⁰ تاگَه مسیح ئو قدِرت زِنیابیئِنی بشتاسِم ئو اِ عذاوَلی شریک بوئمی، اِ مرگی بوئم اِجور او.

فیلیپیَل 3:10 Cross References

مَتّی 20:23

عیسی وِتی: «اَلوَت گه اژ جُم مِه خُرَّ مِینو، مِنتائای نیشتِن اَر دس راس ئو چپ مِه اِ اختیار مِه نیَ تاگَه بیَمیَ کسی. ایی جاگَه هِن کسَلی کَ گه باوَه آسمونی مِن اَرِنو تیارِک دیَسی.»

یوحنا 10:18

هُیچ‌کس گیون مِه نِمَسینی، بلکِم مِه وَه دل ووژِم گیونمَ میَم. قدِرت‌واختیار دیرِم اَوَه بیَم ئو قدِرت‌واختیار دیرِم بِسینمیا. ایی حکمَ اژ باوَه‌م گِرتِمَ.»

یوحنا 17:3

ئو ژییاین ابدی یَسَ گه، تو تَنیا خدا حخیخی ئو عیسی مسیح‌یش گه تو کِلِت‌کِردیَ، بشتاسِن.

رومیان 8:17

ئو اَرّ آیلَل خدایمو، اِسَه وارثَل‌یش هِیم، یانی وارثَل خدا ئو هُم‌ارثَ گَرد مسیح. وَه شرطی گه ایمِه‌یشَ گَرد او عذاو بِکیشیم تاگَه وَه‌گَرد او جِلال بِگِریم.

رومیان 8:29

اَرِیَگه خدا اونَلی گه وِرِکار شناسیتی، هَرِ وِرِکار مَیِّن کِردِنی تا اِ شیوَه کُری اِربان، تا او اِنوم بِرال فِرِه، اول‌زا بو.

رومیان 8:36

هَرهُنَ گه اِنوم کِتاو زبور داوود نُیسیاءَ: «ایمَه تموم روژ، وَه خاطر تونَ مَمِریم ئو اِجور کاوِرَل کُشتاری وَه حساوَ مایم.»

دوئِم قُرَنتیان 1:10

خدا ایمَه اژ هُنَ خطری گه مرگَ دُما بیتی نجاد داتی، ئو هَنی نجادَ مِ ئو ایمَه امیدمو هار او گه هَنی نجادمونَ مِ.

دوئِم قُرَنتیان 1:5

اَرِیَگه هَر اَخَ گه ایمَه اژ عذاوَل مسیح چَل‌چَل بیَرَ میَریم، هر اَخِه‌یشَ وَه‌سونگَ مسیح چَل‌چَل اژ دلگُوئی بیَرَ میَریم.

دوئِم قُرَنتیان 13:4

اَرِیَگه وَه‌یاآگه او اِنوم ضیَف کیشیا اَر صلیب، مِنتائای وَه قدِرت خدا زِنِه‌یَ مِهِه. اَرِیَگه ایمِه‌یش اِنوم او ضِیفیم، مِنتائای اِبِرُوَر هُمَه وَه قدِرت خدا، وَه‌گَرد مسیح زِنِه‌یَ مِهِیم.

غَلاطیَل 2:20

وَه‌گَرد مسیح کیشیام‌ اَر صلیب، ئو دیَر مِه نیِم گه زِنِه‌یَ مَهَم، بلکِم مسیحَ گه اِنوم مِه زِنِه‌یَ مِهِه؛ ئو ایی زِنِه‌یَ گه اِسگَه اِ جسمَ مَهَم، وَه ایمون اَر کُر خداءَ مَهَم گه مِه دوس داشدی ئو گیو ووژ اَرِه مِه داتی.

غَلاطیَل 6:17

اَژیرِ دُما کسی باعث آزارِم ناو، اَرِیَگه مِه اَر رُی لارِم نشونَه‌ل عیسی دیرِم.

اَفِسُسیَل 4:13

تا وخدی گه کُل ایمَه اِنوم ایمو بوئیمونَ یَکی ئو درکمون اژ کُر خدا یَکی بو تاگَه هُنَ چَن آم کاملی رشد بِهِیم ئو برَسیمَ چَن پِری‌ دائول مسیح.

فیلیپیَل 3:8

اِراسی مِه کُل چی وَه خاطر اَرزشد فِرَه شناخت خداونِم مسیحْ عیسی ضِرَدَ حساوَ مارِم گه وَه خاطر او کُل چیئِمِ کیس اِرچیَ ئو اونِلَ اِشخال وَه حساوَ مارِم، تاگَه نفعِم مسیح بو.

کولُسیَل 1:24

اِسگَه اژ جُورَلی گه وَه خاطر هُمَه‌م کیشیَ خَوشالِم ئو وَه خاطر لار او گه کلیساءَ، اَ چیئَه گه اِ جُورَل مسیح کمَ، اِنوم جسم ووژِم پِرا مَهَم.

کولُسیَل 2:13

ئو خدا هُمَه گه اِ گنائَل ئو جسم ختینَه‌نکَریاتو مِردوئینو، وَه‌گَرد مسیح زِنیا کِردی. او کُل گنائَل ایمَه بَشخیتی

کولُسیَل 3:1

اِسَه اَرّ وَه‌گَرد مسیح اژ مِردیَل زِنیا بینونَ، اِ دُم چیئَلیا بوئن گه هانِ بِلِنگ، جای گه مسیح نیشتیَس اَر دس راس خدا.

اول پطرس 1:3

بِمارِکَ خدا ئو باوَه خداون ایمَه عیسی مسیح گه وَه ریَمَت کَلِنگ ووژ، وَه‌سونگَ زِنیا بیئِن عیسی مسیح اژ مِردیَل تولد تازه‌ی بَشخیتیَ ایمَه، اَرِه امید زِنی‌ای

دوئِم پطرس 1:13

مِه گُمونَ مَهَم یَه دُریسَ گه تا وخدی هامِ نوم ایی لارَ، ایی صفتِلَ باوژمِ ویرتو تا بارِمتون اَر سر خیرَت،

اول یوحنا 2:3

اَرّ حکمَل او باریمَ جا، هُنَ مَذانیم گه اومو شناسیَ.

اول یوحنا 2:5

مِنتائای کسی گه کلوم اوءَ ماریَ جا، مِحبت خدا اِراسی اِنوم او کاملا بیَ. هُنَ مَذانیم گه هایمون اِنوم او:

مِکاشفَه 1:18

مِه گه زِنیئِم. مِه مِردِم، ئو سِیل کَ اَرِه همیشَه زِنیئِم، ئو کِلیلَل مرگ ئو دنیا مِردیَل ها دس مِنا.