فیلیپیَل 2:8 - کتاب مقدس به زبان لکی - گویش مرکزی

⁸ ئو هَر یَگه بیَ شکِل اِنسونی، ووژ فِروتنا کِردی ئو تا مِردِن جُ‌جُ مِردِن اَر رُی صلیب فِربوبَر بی.

فیلیپیَل 2:8 Cross References

مَتّی 17:2

اَر اورَه، اَرتَک اونَل، نوم‌رُی عیسی عوض بی: نوم‌رُی‌ای چُی هویَر بِریقَه داتی ئو جِنِکی چُی نُیر، اِسبیا بی.

مَتّی 26:39

اَسَه قِیلی چیِ نواتِر ئو وَه رُیا کَت اَر خاک ئو دوعا کِردی: «اِاِ باوَه‌م، اَرّ ماو ایی جُمَ اژ مِه باوژِ لا، مِنتائای نه اَ چیئَه گه مِنَ مِم، بلکِم اَ چیئَه گه تونَ مِت، بو.»

مَتّی 26:42

اَسَه عیسی یِگِلی‌تِر چی ئو دوعا کِردی: «اِاِ باوَه‌م، اَرّ نِماو ایی جُمَ بی‌یَگه خُرّ دَمی اژ مِه بِکُوءِ لا، اِسَه اَ چیئَه گه تونَ مِت، بو.»

لوقا 9:29

هَرهُنَ گه دوعاءَ مَهَردی، نوم‌رُی عوض بیتی ئو جِنِک اِسبی ئو بِریقَه‌دارا بیتی.

یوحنا 10:18

هُیچ‌کس گیون مِه نِمَسینی، بلکِم مِه وَه دل ووژِم گیونمَ میَم. قدِرت‌واختیار دیرِم اَوَه بیَم ئو قدِرت‌واختیار دیرِم بِسینمیا. ایی حکمَ اژ باوَه‌م گِرتِمَ.»

یوحنا 14:31

مِنتائای مِه اَ کارَ مَهَم گه باوَه فِربو داسیَ مِه، تاگَه دنیا بِذانی گه باوَه دوس دیرِم. اِسگَه هیزگِرِن، اژ ایرَه بِچیم.

یوحنا 15:10

اَرّ حکمَل مِه بارینونَ جا، مَمینینون اِنوم مِحبت مِنا؛ هَرهُنَ گه مِه حکمَل باوَه ووژِم آوِردِمَس‌ جا ئو مَمینِم اِنوم مِحبت او.

یوحنا 4:34

عیسی وِتیَ بینو: «خوراک مِه یَسَ گه خواس اَوَه گه مِه کِل‌کِردیَسی، اَنجوم دَم، ئو کار او وَه سرانجوم برَسِنِم.

کارَل رسولَل 8:33

اِ خوارِزاری او، عدالت اَژی دَریخ بیتی؛ کیَ مَتونی اِبارَه نسِل او قصَه بِهِه؟ اَرِیَگه ژییاین او اژ رُی زَمی قط بی.»

رومیان 5:19

اَرِیَگه هَراَ جورَ گه وَه‌سونگَ کورفِربونی یِه اِنسو، فِرَه کسَل گناکارا بین، وَه‌سونگَ اطاعت یِه اِنسون‌یش فِرَه کسَل صالحا موئن.

دوئِم قُرَنتیان 8:9

اَرِیَگه هُمَه اژ فیض خداونمو عیسی مسیح خَوَر دیرینو گه وَه‌یاآگه دولَمَن بی، وَه خاطر هُمَه ژارا بی تاگَه هُمَه وَه ژاری او دولَمَنا بوئینو.

غَلاطیَل 3:13

مسیح هُنَ ایمَل اژ لیَن شریعت آزاد کِردی وَه ایی خیمتَ گه ووژ اِجال ایمَه لیَن بو، اَرِیَگه اِنوم تورات نُیسیاءَ گه «هر کی بوءَ دارا، لیَنَ ماوتی اَری.»

تیتوس 2:14

گه ووژ کِردیَ خِر ایمَه تاگَه اژ کُلِ جور شرَباری آزادمو کِ، ئو قومی اَرِه ووژ پاک بِهِه گه فَخَد هِن ووژ بوئنی گه اَرِه کارَل خِر خیرَت دیرِن.

عِبرانیَل 12:2

ئو گِز بِهِیم اَر عیسی گه بِناوَه ایمون ایمِئَه ئو ایمونمو کاملا مِهِه گه وَه خاطر اَ خَوشی‌ای گه اَر نوا بیتی، صلیب تیَمِل کِردی ئو ننگ اَوَه خوارا کِردی ئو اِسگَه نیشتیَس اَر دس راس تخت خداآ.

عِبرانیَل 12:4

هَنی اِ جنگتونَ گَرد گنا تا پا گیو نوسیاینونَ.

اول پطرس 2:24

مسیح ووژ گنائَل ایمَه اِ لار ووژ اَررُی صلیب گِرتیِ کول، تا ایمَه اَرِه گنا بِمِریم ئو اَرِه صالح‌بیئین زِنِه‌ی بِهِیم، هَراَ کسَ گه وَه زیَمَل او شِفاتو گِرتیَ.

اول پطرس 3:18

اَرِیَگه مسیح‌یش یِه گِل اَرِه گنائَل عذاو کیشیتی، یانی اَ آم صالحَ اَرِه آمَل ناصالح، تا باریتون‌ اَرِه تک خدا. او اِنوم جسم کُشیا، مِنتائای اِنوم روح، زِنیا بی،