فیلیپیَل 2:11 - کتاب مقدس به زبان لکی - گویش مرکزی

¹¹ ئو هر زوئونی اعتراف بِهِه گه، عیسی مسیح ’خداونَ‘. اَرِه جِلال خداءِ باوَه.

فیلیپیَل 2:11 Cross References

مَتّی 10:32

«هر کی اَرتَک مردِم، اعتراف بِهِه گه ها گَرد مِه، مِن‌یش اَرتَک باوَه ووژِم گه ها نوم آسمون‌اِر، اعترافَ مَهَم گه او ها گَرد مِه؛

لوقا 2:11

ایمِرو اَرِه هُمَه اِنوم شیَر داوود، نجاددهنده‌ی هاتیَسَ دی. او خداون، مسیحَ.

یوحنا 12:42

وَه ایی حالا، جُ‌جُ فِرَه کسَل اژ کَلِنگَل قوم‌یش ایمونو آوِرد اَر عیسی، مِنتائای اژ ترس شیخَل فرقَه فَریسی، اعترافون اَر ایمو ووژو نِمَهَرد، تاناخواد اژ عَبادتگا یهود باوژِنون‌ِ در.

یوحنا 13:13

هُمَه موشینونَ مِه استاد ئو آقا، ئو دُریس‌یشَ موشینو، اَرِیَگه هُنِ‌یشَ هم.

یوحنا 13:14

اِسَه اَرّ مِه گه آقا ئو استاد هُمَه‌م، پال هُمَه‌م شوری هُمِه‌یش باس پال یَکتِری بِشورینو.

یوحنا 14:13

ئو هر چَتونی وَه نُم مِه بِ، اَنجومَ میَمی تاگَه باوَه اِنوم کُر جِلال بِگِری.

یوحنا 14:23

عیسی جوواو داتی: «اَرّ کسی مِه دوس دیری، کلوم مِنَ ماریَ جا ئو باوَه‌م دوس دیرِتی، ئو ایمَه مایمی اَرِه تک ئو وَه‌گَرد او لیزَ مَگِریم.

یوحنا 17:1

دُما یَگه عیسی ایی قصه‌لَ کِردی، سِیل کِردی اَر آسمو ئو وِتی: «باوَه، دیَر اَ وخدَ رَسیَ. جِلال بِ اَر کُرِت تاگَه کُریشِت جِلال بِ اَر تو.

یوحنا 20:28

توما وِتَ بی: «خداونِ مِه ئو خداءِ مِه!»

یوحنا 5:23

تا کُل مردِم عزّت بِنِن اَر کُر، هَراَ جورَ گه عزّتَ مَنِن اَر باوَه. اَرِیَگه کسی گه عزّت نِمَنی اَر کُر، عزّت نَنیاسی‌ اَر باوِه گه او کِل‌کِردیَسی.

یوحنا 9:22

باوَه‌دای هُنِئونَ وِت اَرِیَگه اژ یهودیَل زِلَئونَ مَچیا. اَرِیَگه یهودیَل وِرِکار یِه‌شور بوئین گه هر کی اعتراف بِهِه گه عیسی هَراَ مسیحَسَ گه باس بای، اژ عَبادتگا یهود تار کَنی.

کارَل رسولَل 10:36

خدا پِغوم ووژ کِل‌کِردی اَرِه قوم اسرائیل ئو هُنَ، خَوَر خَوش صُئل‌وسِلامتی وَه‌سونگَ عیسی مسیح گه خداون کُلَ، اِلوم کِردی.

کارَل رسولَل 2:36

«اِسَه کُل قوم اسرائیل، وَه زَقین بِذانِن گه خدا ایی عیسی‌ی گه هُمَه کیشیتون اَر صلیب، کِردیَسیَ خداون ئو اَ مسیحَ گه باس بای.»

رومیان 14:11

اَرِیَگه اِنوم کِتاو اِشعیا پِخَمَر نُیسیاءَ: «خداونَ موشی: وَه ژییاین ووژِم قسم گه هر زُنی اِبِرُوَر مِنَ مَچَمی ئو هر زوئونی اعترافَ مِهِئَه خدا.»

رومیان 14:9

اَرِیَگه مسیح‌یش وَه ایی خاطرَ مِرد ئو زِنیا بی تاگَه خداون زِنیَل ئو مِردیَل بو.

رومیان 15:9

ئو تاگَه قومَل خِرِیهود، خدا اَرِه ریَمَتی جِلال دَن. هَرهُنَ گه اِنوم نُسَخ مقدّس نُیسیاءَ: «وَه ایی خاطرَ، تون اِنوم قومَل خِرِیهود، شُگِرَ مَهَم، ئو اَرِه نُم تو دَنگ اِرَمارِم.»

اول قرنتیان 12:3

اِسَه مِم بِذانینو هر کی اِنوم روحِ خدا قصَه مِهِه، هرگِس نِموشی: «لیَنت اَر عیسی»، ئو هُیچ‌کس نِمَتونی بوشی «عیسی خداونَ.» مَر وَه‌سونگَ روح‌القدس.

اول قرنتیان 15:47

اِنسو اول اژ زَمی بی ئو اژ خاک؛ اِنسو دوئِم اژ آسمونَ.

اول قرنتیان 8:6

وَه ایی حالا فَخَد یِه خدا اَرِه ایمَه هَس، یانی باوَه آسمونی، گه کُل چی اژ اوءَ، ئو ایمَه اَرِه اوئیم؛ ئو فَخَد یِه خداون هَس، یانی عیسی مسیح، گه کُل چی وَه‌سونگَ اوءَ ئو ایمَه وَه‌سونگَ او هِیم.

اول پطرس 1:21

هُمَه گه وَه‌سونگَ او ایمونتو آوِردیَس اَر خدا، خدای گه او اژ مِردیَل زِنیا کِردی ئو جِلال داتیَ بی، تاگَه ایمون ئو امیدتون اَر خدا بو.

اول یوحنا 4:15

هر کی اعترافَ مِهِه گه عیسی کُر خداءَ، خدا لیز گِرتیَس اِنوم او ئو اویش اِنوم خدا.

اول یوحنا 4:2

روحِ خدا هُنَ مَشتاسیمو: هر روحی گه اعتراف بِهِه گه عیسی مسیح اِنوم جسمِ بشری هاتیَ، اژ خداءَ.

دوئِم یوحنا 1:7

اَرِیَگه آمَل رِنگَر فِرِه چِنَس اِنوم دنیا گه اعتراف نِمَهَن گه عیسی مسیح هاتیَس اِنوم جسمِ بشری. هُنَ کسَلی رِنگَر ئو ضدّمسیحِن.

مِکاشفَه 3:5

هر کی فائق بای، جِنِک هُنَ اِسبی‌ای مِهِئِه وَر ئو هرگِس نُم اژ دفتر ژییاین پاکا نِمَهَمی. بلکِم اَرتَک باوَه‌م ئو فریشدَه‌لی نُمَ مارِمیَ زوئو.