فیلیپیَل 1:25 - کتاب مقدس به زبان لکی - گویش مرکزی

²⁵ اَرِیَگه مِه وَه یَه اطمینو دیرِم، ئو مَذانِم گه زِنیَ مَمینیم ئو اَرِه تَرَخدی ئو خَوشیتو اِنوم ایمو مَمینِمَ گَردتو.

فیلیپیَل 1:25 Cross References

لوقا 22:32

مِنتائای مِن اَرِه تو دوعام کِرد تاگَه ایمونِت تالو ناو. اَسَه وخدی اِدوارَه گِلتاهُارد ایمو بِرالِت پایار کَ.»

کارَل رسولَل 11:23

وخدی برنابا رَسی اَر اورَه ئو فیض خدا دیتی، خَوشالا بی ئو کُل تشویق کِردِنی تاگَه وَه تمومِ دل وفادار بِمینِن اَر خداون،

کارَل رسولَل 14:22

قویَتونَ ماءَ دل شاگردَل ئو اونَلو تشویقَ مَهَرد تاگَه بوسِن اَرسر ایمونو ئو موئِتو: «ایمَه باس وَه تیَمِل سخدیَل فِرِه، بِچیمَ نوم پاتِشائی خداآ.»

کارَل رسولَل 20:25

«اِسگَه مَذانِم هُیچ کُم اژ هُمَه گه اِنومتو گیردیمَ ئو پاتِشائی خدام اِلوم کِردیَ، دیَر نوم‌رُی مِه نِموئینینو.

رومیان 15:13

اِسگَه خداءِ امید، هُمَه اژ کُل خَوشی ئو صُئل‌وسِلامتی اِنوم ایمو، پِرا کِ تاگَه وَه قویَت روح‌القدس، پِر اژ امید بوئینو.

رومیان 15:18

اَرِیَگه جورَت نِمَهَم اِبارَه چیئی قصَه بِهَم، بِخِر اژ اَ چیئَه گه مسیح وَه‌سونگَ مِه، اَنجوم داتی تاگَه وَه قصَه‌لِم ئو کارَلِم خِرِیهودیَل بِهَمَ فِربوبَر ایمو،

رومیان 15:29

مَذانِم گه وخدی بام اِرَه تَکتو، وَه بِرَکت کامل مسیحَ مام.

رومیان 5:2

ایمَه وَه‌سونگَ او، ئو وَه‌سونگَ ایمو، حخ هاتِن اِنوم فیضی گه اِسگَه موسیمی اِنوم، آوِردِمونَسَ دس، ئو اِنوم امید اَر جِلال خدا خَوشیَ مِهِیم.

دوئِم قُرَنتیان 1:24

نه یَگه اَر ایمونتو آقایی بِهِیم، بلکِم وَه‌گَرد هُمَه، اَرِه خَوشیتو تقِلاءَ مِهِیم، اَرِیَگه اِنوم ایمونتو پایارینو.

فیلیپیَل 1:24

مِنتائای مَنِنِم اِنوم جسم اَرِه هُمَه ضروری‌تِرَ.

فیلیپیَل 2:24

ئو اِنوم خداون اطمینو دیرِم گه ووژیشِم وَه ایی زویَ مام.

فیلیمون 1:22

اِلاحِدَه، اُتاقمی اَرِه تیارِک بوئین، اَرِیَگه امیدَوارِم وَه خاطر دوعائَلتو، خدا وَه لِفط ووژ مِه باریَ دُما اِرَه تک هُمَه.

اول پطرس 1:8

هُمَه وَه‌یاآگه اوتو نِئیَ، دوس دیرینونی؛ ئو وَه‌یاآگه اِسگَه نِموئینینونی، ایمونَ بی دیرینونی ئو وَه خَوشی‌ای خَوشالیَ مِهِینو گه نِماو تیَریف کِینی ئو پِر اژ جِلالَ،