فیلیپیَل 1:17 - کتاب مقدس به زبان لکی - گویش مرکزی

¹⁷ اَ دسَه اولَ اژ حرصی گه اژ خودخواهیَ مسیح موعظَه مَهَن، نه اژ نیّت خو بلکِم هانِ فگِر یَگه مِن اِنوم زندو عذاو بیَن.

فیلیپیَل 1:17 Cross References

لوقا 21:14

اِسَه یَتونَ خو اَویر بو گه اژ وِرِکار هولتون اِرانَگِری گه چطور جوواوا دِینو.

کارَل رسولَل 22:1

«اِاِ بِرال، اِاِ باوَه‌ل گوش بیَنَ چیئی گه اِسگَه اَرِه دَفاع اژ ووژِم اَر وَر رُیتو عرضَ مَهَم.»

کارَل رسولَل 26:1

آگْریپاس وِتیَ پولُس: «صِلا دیرین گه اژ ووژِت دَفاع کِین.» اَسَه پولُس دس ووژ دِریژاِرا کِردی ئو هُنَ اژ ووژ دَفاع کِردی:

کارَل رسولَل 26:24

وخدی پولُس وَه ایی قصه‌لَ اژ ووژ دَفاعَ مَهَردی، فِستوس وَه دَنگ کَلِنگا وِتی: «پولُس، لیوَه بینَ! علم فِرَه لیوَه کِردینَسی.»

رومیان 2:8

مِنتائای خِض ئو خَضوءَ ماری اَرسر کسَلی گه هَر هانِ فگِر ووژونا ئو اژ حخیخت اطاعت نِمَهَن بلکِم اژ ناراسی اطاعتَ مَهَن.

فیلیپیَل 1:18

گه چَه بو؟ مِهم یَسَ گه اژ هَر رئی‌ای، چه وَه نیّت دُریس چه نادُریس، مسیح موعظَه ماو، ئو مِه وَه خاطر یَه خَوشالِم. اَاَ، ئو هَنی خَوشالیَ مَهَم.

فیلیپیَل 1:7

ایی حخَ دیرِم گه اِبارَه کُل هُمَه هُنَ فگِر بِهَم، اَرِیَگه هاینونِ نوم قلب مِن‌اِر، اَرِیَگه کُل هُمَه اِنوم فیض خدا وَه‌گَرد مِه هُم‌بیَرینو، هم اِ زندونی بیئِنِم ئو هم اِ دَفاع اژ انجیل ئو ثابت کِردِن دُریسی اَوَه.

فیلیپیَل 2:3

اژ حرصی گه اژ خودخواهیَ یا قُراتی هُیچ کاری نَهَن بلکِم وَه تاواضی باقی اژ ووژتو بیتِر بِذانِن.

اول تیموتائوس 2:7

اَژونَسَ مِه اِنتخاو بیم تا موعظَه‌کَر ئو رسول ئو مَلِم خِرِیهودیَل اِ ایمون ئو حخیخت بوئم -مِه حخیختَ موشِم ئو دِرو نِموشِم.

دوئِم تیموتائوس 2:9

وَه خاطر اَوَه‌‌سَ گه عذاوَ مَکیشِم، هُنَ گه اِجور جنائَتکاری هامِ زنجیراِر. مِنتائای کلوم خدا اِ زنجیر نیَ.

دوئِم تیموتائوس 4:16

اِ اول دَفاع مِه، هُیچ کس پِشتِم نَگِرتی بلکِم کُل مِنو وِل کِرد. ناخواد یَه بِنِری اَر حساوُ.