فیلیپیَل 1:10 - کتاب مقدس به زبان لکی - گویش مرکزی

¹⁰ تاگَه بتونینو اَ چیئَه گه اژ کُل خاص‌تِرَ قبول کِینو، ئو تاگَه اَرِه روژ مسیح پاک ئو بی‌عِو بوئینو.

فیلیپیَل 1:10 Cross References

مَتّی 16:23

عیسی رُی اِرپِلونی، وِتون: «اژ نوا مِه بِ اِلا، اِاِ شِطو! تو هاین اَرسر رئی مِه، اَرِیَگه فگِرَلِت اِنسونیَ نه خدائی.»

مَتّی 26:33

پطرس جوواوا داتی: «جُ‌جُ اَرّ کُلو، وِلِت کَن، مِه هرگِس وِلِت نِمَهَم.»

یوحنا 1:47

وخدی عیسی نَتَنائیل دیتی گه مایتی اَرِه تک، اِبارَه او وِتی: «اِراسی گه ایی پیا اسرائیلی کَ، گه هُیچ رِنگَری اِنوم نیِ!»

یوحنا 3:20

اَرِیَگه هر کی گه کارَل گَنَ مِهِه اژ نُیر بیزارَ ئو نِمای اَرِه تک نُیر، تاناخواد کارَل آشگار بوتی ئو رُسبا بو.

کارَل رسولَل 24:16

اِسَه مِه هَر تقِلا مَهَم تاگَه نِسوَتَ خدا ئو مردِم، وِژدان پاکمی داشدوئی.

رومیان 12:2

نوئنَ هُم‌شکِل ایی دنیاءَ، بلکِم وَه نووآ بیئِن فگِرَلتو، عوض بوئن. اَسَه مَتونینو خواس خدا تشقیص دِینو؛ خواس خو، باوِ دل ئو کامل خدا.

رومیان 12:9

مِحبت باس خالص بو. اژ گَنی بیزار بوئن ئو سفدِسخد بچسبِنَ اَ چیئا گه خوءَ.

رومیان 16:17

اِاِ بِرال، خواهشدتون اَژینَ مَهَم گه حُواستون کسَلی بو گه باعث جیاییَ موئن ئو کُچِکَ مَنِن اَر نوم رئی هُمَه ئو هان اَرضد تیَلیمی گه گِرتِتونَسا؛ اَژینو دویرا بِگِرِن،

رومیان 2:18

تو گه خواس اوءَ مَذانین ئو اَرِیَگه اژ شریعت تیَلیمِت گِرتیَ، اَوَه گه اژ کُل بیتِرَ شیَه مِهِین،

رومیان 7:16

اِسگَه اَرّ اَ چیئَه گه نِمِم، اَنجومَ میَم، قبولَ مَهَم گه شریعت خوءَ.

رومیان 7:22

اَرِیَگه مِن اِ باطن اژ شریعت خدا لَذتَ میَرِم،

رومیان 8:7

اَرِیَگه فگِری گه اَررُی جسمَ، وَه‌گَرد خدا دشمنیَ مِهِه، اَرِیَگه فِربون اژ شریعت خدا نِمیَری ئو نِمَتونی‌شی بیَری،

اول قرنتیان 1:8

او تاگَه آخِر، هُمَه پایارَ مِیلی، تا اِ روژ خداونمو عیسی مسیح بی‌عِو بوئینو.

اول قرنتیان 10:32

هُیچ‌کس نَرَنجِنِن، چه یهودیَل، چه یونانیَل ئو چه کلیسا خدا،

اول قرنتیان 8:13

اِسَه، اَرّ خوراک اِجور کُچِکی بو گه پا بِرام گیرَ مِهِیتی اَری ئو مَکُوءِ، هرگِس گوشد نِمیرِم تاناخواد باعث کَتِن او بوئم.

دوئِم قُرَنتیان 1:12

اَرِیَگه افتخار ایمَه شاتی وژدانمونَ، گه ایمَه اِنوم ایی دنیاءَ ئو مصقوصاً چَنی ویشتِر وَه‌گَرد هُمَه، وَه ساده‌ی ئو رُی‌راسی گه اژ خداءَ رفدارمو کِرد، نه وَه حکمت بشری بلکِم وَه فیض خدا.

دوئِم قُرَنتیان 2:17

اَرِیَگه اِجور بِری نیئیم گه کلوم خدا دسفِروشَ مَهَن، بلکِم ایمَه اَر وَر چیَم خدا ئو اِنوم مسیح قصَه مِهِیم اِجور آمَل رُی‌راسی گه اژ جونِم خدا ماموریو گِرتیَ.

دوئِم قُرَنتیان 6:3

ایمَه کُچِکی اَر سر رئی کس نِمَنیم، تاناخواد ایرادی اِ خِلمَتمو بوءَ دی.

دوئِم قُرَنتیان 8:8

یَه حکِم نِمَهَم اَر هُمَه، بلکِم میا مِحبت خالص هُمَه اِ قیاس وَه‌گَرد خیرَت کسَلی‌تِر اِنتحو کَم.

غَلاطیَل 5:11

اِاِ بِرال، اَرّ مِه هَنی ختینَه‌م موعظَه مَهَرد، اَرّا دیَر جَفامَ مَکیشیا؟ اَرِیَگه هُنَ دیَر پِغوم صلیب باعث رَنجونِن کسی نِموئیا.

اَفِسُسیَل 4:15

بلکِم وَه وِتِن حخیخت اِنوم مِحبت، ایمَه باس اِ کُل چی اِنوم او گه سِرَ، یانی مسیح، رشد بِهِیم.

اَفِسُسیَل 5:10

تقِلا بِهَن تا بِفیَمینو اَ چیئَه گه وَه دل خداونَ چیَ.

اَفِسُسیَل 5:27

ئو کلیسا اِ اَ جِلال ئو رنگینیَ گه دیری باری اَرِه تک ووژ بی‌هُیچ لکَه ئو لوچی ئو هُنَ چیئَلی، تا کلیسا مقدّس ئو بی‌عِو بو.

اَفِسُسیَل 6:24

فیض اَر کُل کسَلی گه خداون ایمَه عیسی مسیح وَه مِحبتی گه اژ بِن نِمَچو، دوس دیرِن.

فیلیپیَل 1:16

ایی دسَه دوئِمَ اژ مِحبت هُنَ مَهَن، مَذانِن گه مِه وَه خاطر دَفاع اژ انجیل نیریامَس اَر ایرَه.

فیلیپیَل 1:6

ئو مِه زقین دیرِم او گه بِنیا کار خوئی اِنوم هُمَه ناتی، اِ روژ گِلاهُاردِن مسیحْ عیسی، کاملَ مِهِیتی.

فیلیپیَل 2:16

کلوم ژییاین سفدِسخد بِگِرِن، تاگَه اِ روژ گِلاهُاردِن مسیح مِه افتخار بِهَم گه بی‌فادَه نَنیامَسِ دو یا بی‌فادَه زیَمَتِم نکیشیَ.

اول تِسالونیکیَل 3:13

ئو دلَلتو قرص بِهِه تا اَسَه گه خداون ایمَه عیسی وَه‌گَرد کُل ایمودارَل ووژَ مای، اَرتَک خدا، باوَه آسمونیمو بی‌عِو ئو مقدّس بوئینو.

اول تِسالونیکیَل 5:21

بلکِم کُل چی اِنتحو کَن؛ سفدِسخد بچسبِنَ اَ چیئَه گه خوءَ.

اول تِسالونیکیَل 5:23

اِسگَه خداءِ صُئل ئو سِلامتی ووژ هُمَه کامل تقدیس بِهِه ئو کُل روح ئو گیون ئو لارتو تا هاتِن خداونمو عیسی مسیح، بی‌عِو پایار بِمینی.

اول یوحنا 4:1

اِاِ عزیزَل، وَه هر روحی باوارتو ناآشدوئی، بلکِم روحَل اِنتحو کَن تاگَه بِفیَمینو گه اژ خدان یاگَه نه. اَرِیَگه پِخَمَرَل دِروزِنِ فِرِه‌ی چِنَس اِنوم دنیاآ.

مِکاشفَه 2:2

مِه کارَل تو، جُورَل تون ئو پایاریتَ مَذانِم. مَذانِم گه نِمَتونین آمَل شرَبار تیَمِل بِهِین ئو اونَلی گه ووژونَ رسولَ مَذانِن ئو نیِن اِنتحونِت کِردیَ ئو تو فیَمینَ دِروزِنِن.