فیلیپیَل 1:1 - کتاب مقدس به زبان لکی - گویش مرکزی

¹ اژ پولُس ئو تیموتائوس، خادمَل مسیحْ عیسی، وَه کُل ایمودارَل مسیحْ عیسی گه هانِ شیَر فیلیپی‌‌اِر، وَه‌گَرد اُسقُفَل ئو شمّاسَل:

فیلیپیَل 1:1 Cross References

مَرقُس 13:34

اِجور کسی کَ، گه چیَسَ سفر ئو وخدی گه میا بِچوءَ سفر، مال ووژَ مِئَه دس خذمتکارَلیا، ئو وَه هرکُمو کاری مَسپاری، ئو فِربونَ مِئَه قلااوریش گه بِمینیَ خَوَر.

یوحنا 12:26

اَوَه گه بِیتی خِلمت اَر مِه بِهِه، باس باءَ دُم مِنا؛ ئو جای گه مِه بوئم، خادم مِن‌یش هار اورَه. کسی گه خِلمت اَر مِه بِهِه، باوَه آسمونی عزّتَ مَنِتی اَری.

کارَل رسولَل 1:20

«اَرِیَگه اِنوم کِتاو زبور داوود نُیسیاءَ: «”مال چول بِمینتی ئو کس لیز اِنوم نَگِرتی،“ ئو هَمیش هاتیَ: «”بِیلِن یَکی‌تِر جا او بِگِری.“

کارَل رسولَل 20:28

حُواستون اَر ووژتون ئو کُل ریئَن بو، گه روح‌القدس هُمَل اَرِه نظارت اَر اونَل اِنتخاو کِردیِ تاگَه کلیسا خداون گه وَه خوین ووژ خِریَسی شوئونی کِینو.

کارَل رسولَل 9:13

حَنانیا جوواوا داتی: «اِاِ خداون، اژ فِرَه کسَل اِبارَه ایی پیامَ شنَفتیَ گه اِنوم شیَر اورشلیم چَنی ایمودارَلِت آزار داسی.

رومیان 1:1

اژ پولُس، خُلُم مسیحْ عیسی، گه دَوَت بیَ تاگَه رسول بو ئو وَخم بیَسَ اَرِه انجیل خدا؛

رومیان 1:7

وَه کُل اونَلی گه اِنوم شیَر روم، خدا دوسو دیری ئو دَوَت بینَ تاگَه ایمودارَل مسیح بوئن: فیض‌وسِلامتی اژ جونِم خدا، باوَه ایمَه، ئو خداون عیسی مسیح، اَر هُمَه بو.

اول قرنتیان 16:10

وخدی تیموتائوس هات، حُواستو بو گه اَر تک هُمَه هُیچ دل اِ هول ناوتی. اَرِیَگه اویش اِجور مِه خِلمت اژ خداونَ مِهِه؛

دوئِم قُرَنتیان 1:1

اژ پولُس گه وَه خواس خدا رسول مسیح عیسیَ، ئو بِرامو تیموتائوس، وَه کلیسا خدا اِ شیَر قُرَنتُس، ئو وَه کُل ایمودارَل مسیح اِ سِرُسَر هیال اَخائیَه:

غَلاطیَل 1:10

یانی مِه هام اَر دُم تایید اِنسو یا تایید خدا؟ یاگَه تقِلا مَهَم وَه دل اِنسو بوئم؟ اَرّ هَنی تقِلامَ مَهَرد گه وَه دل اِنسو بوئم، خُلُم مسیح نوئیم.

غَلاطیَل 3:26

اَرِیَگه اِنوم مسیحْ عیسی، هُمَه کُل وَه‌سونگَ ایمو، کُرَل خدائینو.

غَلاطیَل 3:28

دیَر نه یهودی میَنا دیری ئو نه یونانی، نه خُلُم نه آزاد، نه پیا نه ژَن، اَرِیَگه هُمَه کُل اِنوم مسیحْ عیسی یَکی کینو.

اَفِسُسیَل 1:1

اژ پولُس گه وَه خواس خدا رسول مسیحْ عیسیَ، وَه ایمودارَلی گه هانِ شیَر اَفِسُس‌اِر، وَه اونَ گه اِنوم مسیحْ عیسی وفادارِن:

اَفِسُسیَل 1:15

اَژونَسَ مِن‌یش وخدی اِبارَه ایمونتون اَر عیسی خداون ئو مِحبتتون اَر کُل ایمودارَل مسیحِم شنَفتیَ،

اَفِسُسیَل 6:24

فیض اَر کُل کسَلی گه خداون ایمَه عیسی مسیح وَه مِحبتی گه اژ بِن نِمَچو، دوس دیرِن.

فیلیپیَل 2:19

اِنوم خداون عیسی امید دیرِم گه هَر وَه ایی زویَ تیموتائوس کِل‌کَم‌ اَرِه تَکتو تاگَه اژ حالتو باخَوَر بوئم ئو مِن‌یش خَوشالا بوئم.

فیلیپیَل 2:5

هَراَ فگِرتونَ داشدوئی گه مسیحْ عیسی داشدی.

فیلیپیَل 3:12

نه یَگه تا اِسگَه یَمَ آوِردیَسَ دس یاگَه کاملا بیمَ، بلکِم تقِلا مَهَم بِهَمیَ هِن ووژِم، اَرِیَگه مسیحْ عیسی مِن اَرِه اَوَه کِردیَسیَ هِن ووژ.

فیلیپیَل 3:3

اَرِیَگه ختینَه‌کَریائَل راسَکونی ایمِه‌یم گه وَه روحِ خدا عَبادتَ مِهِیم ئو افتخارَ مِهِیم اَر مسیحْ عیسی ئو تَکیمون اَر جسم نیَ-

فیلیپیَل 3:8

اِراسی مِه کُل چی وَه خاطر اَرزشد فِرَه شناخت خداونِم مسیحْ عیسی ضِرَدَ حساوَ مارِم گه وَه خاطر او کُل چیئِمِ کیس اِرچیَ ئو اونِلَ اِشخال وَه حساوَ مارِم، تاگَه نفعِم مسیح بو.

اول تِسالونیکیَل 1:1

اژ پولُس ئو سیلاس ئو تیموتائوس وَه کلیسا شیَر تِسالونیکی گه ها نوم خداءِ باوَه ئو خداون عیسی مسیح: فیض ئو سِلامتی اَر هُمَه بو.

اول تِسالونیکیَل 2:2

بلکِم هُنَ گه مَذانینو وَه‌یاآگه وِر اژ یَه اِ شیَر فیلیپی عذاومو کیشی ئو گَنیونی اَر ایمَه کِرد گه باعث خجالتَ، مِنتائای ایمَه وَه یاری خدا زِلَمو کِرد گه وَه‌یاآگه سخد اَرضد ایمَه بین، انجیل خدا اِلوم بِهِیم اَر هُمَه.

دوئِم تِسالونیکیَل 1:1

اژ پولُس ئو سیلاس ئو تیموتائوس، وَه کلیسا شیَر تِسالونیکی گه هان اِنوم خدا، باوَه آسمونی ایمَه، ئو خداون عیسی مسیح:

دوئِم تِسالونیکیَل 1:10

اَسَه گه او اِ اَ روژَ مای تاگَه اِنوم ایمودارَل ووژ جِلال بِگِری ئو اِنوم کُل کسَلی گه ایمونو آوِردیَ باعث بِلُجوئی هاتِن بو، یَه اَرِه هُمِه‌یشَ، اَرِیَگه ایمونتو آوِردیَس اَر شاتی ایمَه.

اول تیموتائوس 1:2

وَه تیموتائوس، آویل حَخِم اِنوم ایمو: فیض ئو ریَمَت ئو سِلامتی اژ جونِم خداءِ باوَه ئو خداونمو مسیحْ عیسی اَر تو بو.

اول تیموتائوس 3:8

هَمیش شمّاسَل کلیسا باس سنگین بوئن؛ نه وَر آینَه پِشت مخِراض یا شِراوی ئو یا اِ تَما نفع نادُریس.

تیتوس 1:1

اژ پولُس، خُلُم خدا ئو رسول عیسی مسیح، گه مَیِّن بیمَ تا ایمو کسَلی گه خدا دیاری کِردِن تقویت کَم ئو حخیختی گه مِطابق دینداریَ، بوشِم.

تیتوس 1:7

اَرِیَگه اُسقُفی گه پیشکار خداءَ باس چیئی اِنوم زِنِه‌ی ناوتی گه وَه‌سونگَ اَوا لارَ بوتی اَری. او نَباس قُرات یا پِرچَ‌شرهاتی یا عِرَخی یا تُن‌تیوَت بو یا هَر هَلگ اَرِه پیل بِ،

فیلیمون 1:1

اژ پولُس، گه وَه خاطر مسیحْ عیسی ها زندون‌اِر، ئو بِرامو تیموتائوس، وَه هُمکار عزیزمو فیلیمون،

عِبرانیَل 13:23

بِذانِن گه بِرامو تیموتائوس آزاد بیَ. اَرّ او زوی بای، وَه گَردَ مامی موئینِمتو.

یعقوب 1:1

اژ یعقوب، گه خُلُم خدا ئو عیسی مسیح خداونَ، وَه دوازَه طائفَه اسرائیل گه اِ کُل دنیا پَشخِ‌پِلاآ بینَ. سِلام!

اول پطرس 2:25

اَرِیَگه اِجور کاوِرَل اَژرئی‌اِرهاتی بینو، مِنتائای اِسگَه گِلتوناهُاردیَ ویرِ شوئون ئو اُسقُف گیونَلتو.

دوئِم پطرس 1:1

اژ شَمعونِ پطرس، خُلُم ئو رسول عیسی مسیح، وَه اونَلی گه وَه‌سونگَ عدالت خدا ئو نجاددهندَه‌مو عیسی مسیح، ایمونی اِجور ایمون ایمَه بیَسَ نَصُیو:

یهودا 1:1

اژ یهودا، خُلُم عیسی مسیح ئو بِرا یعقوب، وَه کسَلی گه دَوَت بینَ ئو اِنوم خداءِ باوَه عزیزگرامیِن، ئو اَرِه عیسی مسیح حفظ بینَ:

مِکاشفَه 1:1

مِکاشفَه عیسی مسیح، گه خدا دائون تا چیئَلی گه باس وَه ایی زویَ اتفاق بِکُوءِ نِشو خُلُمَلی بِ. او وَه کِل‌کِردِن فریشدَه ووژ، یَه آشگارا کِردی اَر خُلُم ووژ، یوحنا.

مِکاشفَه 1:20

راز اَ هفت آسارَه گه اِ دس راس مِنِت دی ئو راز اَ هفت چراخدو طِلا یَسَ: اَ هفت آسارَه، فریشدَه‌ل هفت کلیسان، ئو اَ هفت چراخدونَ، هَراَ هفت کلیسانَ.

مِکاشفَه 19:10

اَسَه کَتم اَررُی پالی تا عَبادت کَمی. مِنتائای او وِتی‌ئونِم: «ناخواد هُنَ بِهِین! اَرِیَگه مِن‌یش هُم‌قطار تون ئو بِرالتِم گه سفدِسخد مَچسبِن اَر شاتی عیسی‌آ. خدا بِپِرَس! اَرِیَگه شاتی عیسی، روحِ نبوّتَ.»

مِکاشفَه 2:12

«اَرِه فریشدَه کلیسا پِرگاموم بِنُیسِن: «او گه شِمشیر تیژ دودَم دیری، هُنَ موشی:

مِکاشفَه 2:8

«ئو اَرِه فریشدَه کلیسا اِسمیرنا بِنُیسِن: «او گه اولَ، او گه آخِرَ، او گه مِرد ئو زِنیا بی، هُنَ موشی:

مِکاشفَه 22:9

مِنتائای فریشدَه وِتی‌ئونِم: «ناخواد هُنَ بِهِین! مِن‌یش هُم‌قطار تون ئو بِرالتِم، یانی نبوّت‌کَرَل، ئو اونَلی گه کلوم ایی کِتاوَ مارِنَ جا. خدا عَبادت کَ.»