پھیلیپیپا 4:11 - New Testament in Ladakhi Langage

¹¹ نگے تیبو نگا گھوسدوم یود پاسانگ زیرّامید۔ نگا ناسلوگ تشانگمے نانّگا تشیمستے سکیدپو دوگچیسپو ہاگوتے این۔

Ladakhi

¹¹ ངའེ༌ ཏེ༌བོ༌ ངའ༌ སྒོས༌དོམ༌ ཡོད༌ པ༌སང༌ ཟེར༌ར༌མེད༌། ང༌ ནས༌ལུག༌ ཚང༌མའེ༌ ནང༌ང༌ ཚིམས༌ཏེ༌ སྐྱིད༌པོ༌ དུག༌ཅེས༌པོ༌ ཧ༌གོ༌ཏེ༌ ཨིན༌།

پھیلیپیپا 4:11 Cross References

ལུ༌ཀ༌ 3:14

تینے ماگمی کھاچیگی حضرت یُوؔحنّا ٰ ٹیس، ”نگاجا گُونی چی چوگوس؟“ کھونگی کھونگونلا مولس، ”جیگسنانگ ستانتے یا زوسمے نیادگال کالتے سوجیگی کانے پینے مالین۔ رانّگا پھوگس تھوبکھانبویکا تشیمستے دوگ۔“

کورینتھیپའ ۲ 11:27

نگے توس رینگمو لاس ثانٹے چوسپین، تشان مانگپوجیگ نییدمیدپا لوس، لان مانگپو ستوگری تانگ سکومسریا لوستے زاگیو میدپین، یانگ گونگیو مانگپو میدپا ڈانگموانگ یونگس۔

کورینتھیپའ ۲ 6:10

سنینگّونّی نانّگا ردوگنگال گُون یودنانگ، نگاجا گُون سکیدپو یود۔ نیالباچان اِین نانگ ، رُوحانی تھوگنے مانگپوا چھوگپو گیورچوگّاد۔ دُنیائی تھوگنے چانگ میدنانگ، رُوحانی تھوگنے نگاجا گُونی لاگا چیتشانگما یود۔

کورینتھیپའ ۲ 8:9

نگاتانگونّی حضرت عیسیٰ مسیح شزدے بو کھیوجاگونلا گیوسیودتے اینوگ۔ جان نامکھے نانّگا کھونگ چھوگپو اِین نانگ ، کھیوجاگونّی تونلا کھونگ نیالباچان گیورّا زادس۔ کھیوجاگون نامکھے نانّگا چھوگپو گیورچوگچیسّی پھیا، کھونگ نیالباچان گیورّا زادس۔

کورینتھیپའ ۲ 9:8

یانگ خُدے کھیوجاگونلا گھوسدومگون سنینگ پھیستے سالّا زادّانوگ۔ تینے توسگیون کھیوجے گھوسدوم تشانگما ڈوبچیس ماتشاد، جانماگونلانگ یاتو چونیانین۔

پھیلیپیپا 3:8

اونا نام نگے ما رینچان حضرت عیسیٰ مسیح ا نگوشیشیسپو نیامپو لدورنا تے تشانگما چانگ رین میدتے اینوگ۔ کھونگ نیامپو ڈیل یودچیس تانگ کھونگی اینچیسّی پھیا نگے تے تشانگما کھییمسا ژوگس سیستے، پھانگ تشارتے این۔ یہُودی پے شریعت گون کھانیانچیسپو مانپا مسیح کا ایمان کھیونگچیسپو گیُودتے نگا ٹانگپو تھیازادتے این، چیازیرنا خُدے لدُونلا نگاتانگ ٹانگپو اینچیسپو نی ایمانی کا راگلاستے اینوگ۔

ཨིབ༌རི༌པ༌ 10:34

تسونکھانگی نانّگا کاگسکھانگون نیامپو کھیوجاگونّی سنینگرجے ستانس، یانگ کھیوجے نور کوگستے کھیرکھانگونلا تھادپو نیامپو کھیرچوگس، چیازیرنا تیسانگ ٹاگا توسگیون لوسشیسچانّی گیونورگون کھیوجے پھیا نامکھے نانّگا یودکھانبو کھیوجاگونلا گیوس اینّوگ۔