پھیلیپیپا 2:13 - New Testament in Ladakhi Langage

¹³ چیازیرنا خُدے کھونگرانگی کھیوجاگونّی نانّگا چھاگلاس زادتے کھونگ تھوگستھادکھانّی لاس چوچیسلا دودپا تانگ کھیود سالّا زادّانوگ۔

Ladakhi

¹³ ཅིའ༌ཟེར༌ན༌ དཀོན༌མཆོག༌ ཁོང༌རང༌ངི༌ ཁྱོ༌ཞ༌གུན༌ནི༌ ནང༌ང༌ ཆག༌ལས༌ ཛད༌ཏེ༌ ཁོང༌ ཐུགས༌ཐད༌ཁན༌ནི༌ ལས༌ ཅོ༌ཅེས༌ལ༌ དོད༌པ༌ དང༌ ཁྱུད༌ སལ༌ལ༌ ཛད༌ད༌ནོག༌།

پھیلیپیپا 2:13 Cross References

ལུ༌ཀ༌ 12:32

”نگے لُوگ کھیو چھونگون، جیگس ماجیگس۔ کھیوجے نامکھے یاب کھیوجاگونلا کھونگرانگی گیالثید سالّا تھوگستھادّانوگ۔

ལུ༌ཀ༌ 2:14

”نامکھے تھوشوگّا جُوگستے یودکھانگونّی خُدا ستودپا پھول، یانگ خُدے تھوگستھادّا زادکھانّی دُنیائی می گونّیکا جیدے چونگ“

یوہانان 3:27

یوحنّانی لانلا مولس، ”نامتشوگپا خُدے نامکھانے گونگسپا میسال، سوجیگّانگ چانگ تھوب میتھوب۔

یوہانان 6:45

پیغمبر گُونی ہلژخمہ شوقبُو بوے نانّگا ڈِیازادتے دوگ، خُدے کھونگ ژانگمالا لابّا زادِین یابّی لابجا نیانتے کھونگی کانے لوبسکھانّی میگون نگیکا یونگین۔

یوہانان 6:65

حضرت عیسیٰ سی مولس، ”تینّابویپھیا نگے کھیوجاگونلا زیرپین، سوجیگیانگ نگیکا ایمان کھیونگ مینیان نامتشوگپا نگے یابّی کھو نگا میسال۔“

ཆག༌ལས༌གུན༌ 11:21

مسیح خُدے کھیود کھونگون نیامپو یودپین، یانگ می مانگپوے لونبویکا ایمان کھیونگستے حضرت عیسیٰ مسیح گیابنے ڈانگس۔

རོམ༌པ༌ 12:3

نگا سالّا زادکھانّی شزدے گیُودتے، نگے کھیوجا ریرے زیرّاد، کھیوجارانگ لدینبا اینکھانبوے سانگ گیاسپا ریگ این سام ماگوس۔ کھیوجاگونّی خُدے سالکھانّی ایمانی تابچیسّی تشادپو کولتے، کھیوجارانّگا ٹھیمسچاد زانے، ٹانگپو زیرشیگ۔

རོམ༌པ༌ 9:11

اِین نانگ کھونگون سکیے سانگ سنگونلا، یانگ کھونگونی زانگپو یا نگانپا چوے سانگ سنگونلا، رابیکا خُدے چھوگسنے لونجیگ تھوب۔ (ای لونبوے تون نی، خُدے میگون کھونگرانگی گیونتشانجیگی پھیا لدامّا زادس،

རོམ༌པ༌ 9:16

تینّابویپھیا تیبو می دودپا یا سونڈوسّیکا مانپا، خُدے سنینگرجے کا راگلاستے اینوگ۔

کورینتھیپའ ۱ 12:6

خُدے پھیا نگاتانگی لاس سناتشوگسّی چوانوگ، اِین نانگ نگاتانگی چوکھانّی لاس تشانگمے نانّگا تینّا خُداپوے چھاگلاس زادّانوگ۔

کورینتھیپའ ۱ 15:10

اِین نانگ داگسا نگا یودکھانبو نی، خُدے نگیکا میگسالّی تھوگرجیگون پھوا زادچیسپوے این، یانگ تیبو گودلا سونگتے مانوگ۔ چیازیرنا نگے جانیانگ رسُول گُونی سانگ سونڈوس مانّگا چوستے لاس چواد۔ اِین نانگ تیبو نگا مانپا، خُدے کھونگرانگی شزدے گیُودتے، نگیکا چھاگلاس زادتے اینوگ۔

کورینتھیپའ ۲ 3:5

نگاجے زیرّامید، نگاجا رانگی لاگا جابستوگ چوچیسّی کھیودگون یود، اِین نانگ خُدے چھوگسنے سالّا زادتے این۔

ایپھیسوسپا 1:11

خُدے مسیحا گیُودتے نگاتانگون لدامّا زادتے نگاتانگونلا نامکھے نانّگا نورسکالگون تھوبستے اینوگ، چیازیرنا کھونگی سنگونّے پھارلا کھونگی تھوگّونگس نانگجین چیتشانگما ڈانڈا ڈوبچوگچیسلا تھابس زادتے اینپین۔

ایپھیسوسپا 1:5

خُدے کھونگرانگی تھوگّونگس تانگ تھادپو نانگجین، حضرت عیسیٰ مسیحاگیُودتے نگاتانگون کھونگی سوسبو لینّا زادچیسلا سنگونّے پارلا تھاگچادّا زادس۔

ایپھیسوسپا 1:9

خُدے مسیحا گیُودتے ڈوبچوگّا زادچیسّی سانگوے تھابسپو، نگاتانگونلا سنگون چوگّا زادس، تے تھابسپوے کھونگی تھوگّونگس زانگپو ڈانڈا ڈوب۔

ایپھیسوسپا 2:8

ایمان گیُودتے شزدے جاستے، کھیوجاگونلا تھارپا تھوبتے اینپین، یانگ تے تھارپابو کھیوجے سونڈوس مانپا، خُدے چھوگسنے سالکھانّی شزدے اینوگ۔

تھیسའلونیکའپའ ۲ 1:11

تینّابویپھیا نگاجا گُونی توسگیون ای دُعا گُون جُواد، کھیوجاگونلا خُدے بودّا زادکھانّی اوسپے میتشے ریگ پھودچوگّا زادشیگ۔ یانگ کھونگی شید گیُودتے کھیوجاگونّی ایمانی لاس زانگپو چوچیسّی دودپا یودکھانگون ڈوبچوگّا زادشیگ۔

تیموتھِی ۲ 1:9

خُدے نگاتانگون سکیوبّا زادتے میتشے ہلژخمہ جیگ پھودچیسلا بودّا زادتے اینوگ۔ ایبو نگاتانگرانگی لاس چوکھانبوے جاستے مانپا، کھونگی تھابس تانگ شزدے جاستے اینوگ۔ توس گوزُوگی سانگ سنگونلا، ای شزدے بو حضرت عیسیٰ مسیح گیُودتے کھونگی نگاتانگونلا سالّا زادچیسپو اینپین۔

ཨིབ༌རི༌པ༌ 13:21

خُدے تھوگّونگسگون چوچیسلا، گھوسدوم تشانگما کھیوجاگونلا سالّا زادشیگ۔ حضرت عیسیٰ مسیحاگیُودتے خُدے تھوگستھادکھانگون چوچیسلا، کھونگی نگاتانگی نانّگا چھاگلاس زادشیگ۔ تُوسگیُونّے گیُون مسیحا سپال تھوبشیگ۔ امین۔

པི༌ཏྲར༌ 1 1:3

نگاتانگی حضرت عیسیٰ مسیح یاب تانگ خُدا ستودپا پھولشیگ۔ نگاتانگونلا کھونگی سنینگرجے چھینمو زادتے، میتشے سوماجیگ سالّا زادس، چیازیرنا خُدے حضرت عیسیٰ مسیحاشیکھانگونّی ٹونے سونتیا لانّگا زادس۔ تا نگادانگونّیانگ ریوا چھینمو نیامپو میتشے پھودّانوگ۔