फिलिपियों 3:8 - लाहौली बाइबिल

⁸ छना कुचे गेह मसीह यीशु घेंङौ प्रभु ञेंहच़ी रंङ साते ऊई भत्ते धिर बे मोह्ड़े तोह, गेह भत्ते चीज़ा तिंङ बेकार चेहच़ातग। अतु वहज़ा ज़ि गेह भत्ते चीज़ारे छोड़ेके केहतग, दंङ दोतिंङ कूड़ा समझेक्च़ातग, ताकि गेह मसीह बि ञेंए तरपोग।

फिलिपियों 3:8 Cross References

लूको 1:43

दीह महस इज्ज़तो गप्पा शुह कि गिऊ प्रभुऊ याह गिऊ कछंङ दोई अन्जी तोद!

लूको 11:20

अगर गेह परमेश्वरो सामर्थ ज़ि मांजी आत्मारे हुंपातोग, ता परमेश्वरो राज्य केहतु कछंङ पिचे अंजा।

यहून्नो 14:20

अपेहल गेह श्रींङी वापिस अपोग दोहपल केहच़ी ञेंहई च़रपोन, कि गिऊ नाता पिता परमेश्वरारंङ साते पक्‍का तोह, दंङ केहतु गेरंङ साते, दंङ गिऊ केतंङ साते।

यहून्नो 14:7

अगर केहच़ी हेले ए गेह सेह्सी शुहचंङ, ता गिऊ पिता परमेश्वर बि ला सेहच़ी तोहई; दिऊ थल केहच़ी दुह ञेंह केहतन दंङ दुह खांई ला केहतन।”

यहून्नो 16:3

दंङ दोरे झांह दिऊ थल्जी लोहर, छना कुचे दोच़ी माह पिता परमेश्वर बि ञेंहच़ातोर माह गिह्बी ञेंहच़ातोर।

यहून्नो 17:3

दंङ अनंत जीवन दीह शुह कि मीहरे कनिंङ सेहपोर, मतलब सिर्फ इच्च़ा सच्चा परमेश्वरा बि, दंङ दोरे गिह्बी सेहपोर, मतलब यीशु मसीह बि, अरी केई च़रसी शुह।

यहून्नो 17:8

अंऊ खबर केई गिह्बी रेंईन, दुह गेह दोतिंङ रेह च़रतिग। दोच़ी दुह ग्रहण लेह हेले दिह ञेंए केईर कि गेह कांह दोरच़ी अंज़े शुगाह दंङ दोच़ी दिह विशवास लहरिर कि केई ए गेह च़रसी शुगाह।

यहून्नो 20:13

दोच़ी मरियमा बि कुतोह, “हे न्वाशा, कांह छिले क्रपातन?” दोई दोतिंङ कुतोह, “दोच़ी गिऊ प्रभु ऊ फुका बि रेंज़ा शिलोर, दंङ गिह्बी पता माह कि अऊंर दोबि केहषी ततो।”

यहून्नो 20:28

दीह रेड्रा थोमा ज़ि जुबाब रेंई, “हे गिऊ प्रभु, हे गिऊ परमेश्वर!”

प्रेरित 20:24

पर गिह्बी दि गप्पो छल्ले फर्क माह पढेक्पा, कि मीहच़ी गिह्बी घाह केट्रातोर, अगर गेह तुहई बेहच़ी दुह कम पूरा लोहग अंऊ प्रभु यीशु ज़ि गिह्बी लहज़िमी थल्जी कुहषी ततो। दोई गिह्बी मीहतिंङ रूठे खबर सुनाएच़िमी थल्जी अंङषी ततो। परमेश्वरे हेंदु थल्जी दुह कम लहज़ा हेंदिंङ बचाएच़ा अंऊ दोऊ हेनर जोगे माह तोईनि।

रोमियो 8:18

गिह्बी पक्‍का पता तोह, कि अंऊ महिमा हेंदिंङ थले खोकसोतो, दू दि दुख बे महस मोह्ड़े तोह अंऊ हेंज़ी एंतेग सहन लहज़ी लेहकी तोतोंई।

1 कुरिन्थियों 2:2

छना कुचे केहतु बिचंङ गेह दि ठानेगी अतिगा कि गेह यीशु मसीह ए दोऊ क्रूसो मौतो अलावा ऊई अंऊ ला गप्पा माह ञेंहरिगा।

1 कुरिन्थियों 9:10

दू खास लहज़ी ञेंहतु पाहठी कुट्रा। वोई, दि ञेंहतु थल्जी ए पवित्र शास्त्रारिंङ च़ेहसी तोह, “छना कुचे रिह एहच़ा छा उम्मीदा रंङ साते ए रिह एहच़ा दंङ खलियानो दोरच़ी भूसो दोरच़ी फसल शत्‌ह लहज़ा ताकि दोई फसलो दोरच़ी एनोह हिस्सा खोकपोतो।”

2 कुरिन्थियों 4:4

दि संसारो भगवान शेताने दू अविशवासी तु बुद्धि काणे लेह चरच़तो, अंऊ वहज़ा ज़ि दोरे मसीहू रूठे खबर ए दंङ दोऊ महिमा ओ पाहठी ञेंई मरतिर कि मसीह परमेश्वरो स्वरूप शुह।

2 कुरिन्थियों 4:6

झांह लेह कि परमेश्वरे कुहते, “हंयारो दोरच़ी छंङी चमकेक्पोतो,” दंङ परमेश्वरे छंङी ठ्रोह हेंदु सेहमरिंङ समझ रें च़रति, ताकि हेनर परमेश्वरो महिमा बि खंड्री तरपोंई अंऊ यीशु मसीह रिंङ प्रगट शवाह।

इफिसियों 4:13

दि दोहपल तचेक जारी बंङज़ोतो अपेहल तचेक कि हेनर हेंदु विशवास ए परमेश्वरो योह पाहठी हेंदु समझरिंङ इच्च़ा शुहचे माह योंई। दंङ हेनर सिद्ध शुहचे योंई, छना मसीह शुहचे तोह, दंङ हेनर भत्ते पाहठी दोऊ ठ्रोह शुहचे योंई।

फिलिपियों 1:1

गेह पोलुस ए तीमुथियुस अंऊ यीशु मसीहू सेवक शुई, ञेंहतु तरफे केरे परमेश्वरो मीहतिंङ दंङ मुख्या तिंङ ए सेवका तिंङ दि डाक चेहच़ातग। अंऊ यीशु मसीह रिंङ शुहचे फिलिप्पी शहरारिंङ बंङज़ातोर।

फिलिपियों 3:10

गेह दि जुंज़ातग कि मसीह बि ञेंए च़रपोग दोऊ सिमी दोरच़ी श्रींङे इबिमी सामर्थ महसूस लेह तरपोग दंङ लगातार दुख सहन लोहग छना दोई लाहतो, दंङ सिमी मुक्का दोऊ ठ्रोह बणेंके योग।

फिलिपियों 3:12

गेह दि दावा माह लहज़ातग कि गेह दि चीज़रे तुहई बे खोकच़ी चरच़ातग, या सिद्ध शुहचे इलोग; पर गेह दुह सिद्धता बि खोकच़िमी थल्जी महस मेहनत लहज़ी लेहकी तोतोग। अतु थल्जी मसीह यीशुई गेह अंङषी ततो।

फिलिपियों 3:7

पर अंऊ गप्पारे गेह सोचेक्च़ातेग गिऊ थल्जी फायदा ओ तोहई, दोतिंङ ए गेह मसीह बि ञेंहच़िमी रंङ साते नुकसान समझेगी च़रतिगा।

2 तीमुथियुस 4:6

गेह कनिंङ दि हुकुम रंड्रातग, छना कुचे परमेश्वरो थल्जी गिऊ सेवा ए ज़िंदगी योहसी लेहकी तोह, छना कुचे गेह ञेंच़ातग गेह युरनाह सिमी तोतोग।

इब्रानियों 3:14

अगर हेनर हेंदु तुहई कि विशवासा बि थल मुक्का तचेक पक्‍का बणाके तोहनि, दंङ हेनर मसीहू सहभागी शुहचे योंई।

1 पतरस 2:7

दि रह्घ केहतु थल्जी महस कीमती तोह अंऊ यीशु मसीह टोईच़ी विशवास लहज़ातंई। पर अंऊ मीहरे दोऊ टोईच़ी विशवास माह लहज़ातोर दोतु पाहठी पवित्र शास्त्रे कुट्रा कि, “राजमिस्त्रिज़ि अंऊ रह्घ तु इस्तेमाल लहज़िमी थल्जी इन्कार लेह च़रतिर, दू चुंङी मुयांदो थल्जी भत्ते बे खास रह्घ बणेंके इलि।”

2 पतरस 1:2

गेह प्रार्थना लहज़ातग कि परमेश्वर केतिंङ महसे बे महसे मोह्ड़े दाह ए शांति रम्मा लोहतो छना-छना केरे परमेश्वर ए हेंदु प्रभु यीशु ज्ञानारिंङ तुंखा शवातंई।

2 पतरस 1:3

परमेश्वरे एनोह सामर्थो दोरच़ी हेंदिंङ दुह भत्ते रांहषी ततो अंऊ हेंदिंङ जीवन श्रींङमिमी थल्जी जूंशी तोह, अंऊ परमेश्वरा बि खुश लहज़ा। दि जूंशी तोह छना कुचे हेनर परमेश्वरा बि ञेंहच़ातंई दंङ दि दुह ए शुह अच़ि हेंदिंङ एनोह महिमा ए रूठे ओ वहज़ा ज़ि बुलासी शुह।

2 पतरस 1:8

अगर दि भत्ते गप्पारे केहतु अंदरेग तोह, दंङ दि केतिंङ हेंदु प्रभु यीशु मसीहू ज्ञानो थल्जी महस जूंशी ए फलदायी शुहबिमी थल्जी मदत लोहतो।

2 पतरस 3:18

पर केतिंङ हेंदु प्रभु ए उद्धारकर्ता यीशु मसीहू मोह्ड़े दाह बि ऊई महसे बे महसे महसूस लेह जूंशी तोह, दंङ दोऊ थल्जी हेंदु समझा रिंङ बढ़ेक्पि जूंशी तोह। दोऊ महिमा हेंतेग हमेशा थल्जी शुहबी जूंस। अमीन।

1 यूहन्ना 1:3

ञेंहच़ी यीशु मसीहू पाहठी छिल्ला ञेंहच़ी तंङातेंई या रेहशी तातंई दोऊ गवाही केतिंङ रंड्रातंई, झांह लेह कि ञेंतंङ साते केहतु संगति शुहबी जूंस। दंङ ञेंहतु दिह संगति बाह परमेश्वरा रंङ साते ए दोऊ योह यीशु मसीह रंङ साते तोह।

1 यूहन्ना 2:19

दोरे मीहरे अंऊ मसीहू विरोध लहज़ा तेर ञेंहतु ए झुंडो बिचंङ ज़ि हुंच़ा इलोर, छना कुचे दोरे हेंदु माह शुहरे। अगर दोरे हेंदु शुंईयां ता हेंदंङ साते बंङज़ा तोहई, पर दोरे अच़ा इलिर, झांह लेह पता लेहती, दोतु बिचंङ ज़ि अरिला हेंदु माह तोईरे।

1 यूहन्ना 5:20

दंङ दिला ला ञेंच़ातंई कि परमेश्वरो योह यीशु मसीह संसारारंङ अति, दंङ दोई हेन्दिंङ समझ रांहषी ततो, कि हेनर दुह सच्चे परमेश्वर बि सेहपोन; हेनर परमेश्वर रिंङ अंऊ हेले तोह बणेंके बंङज़ातंई। दंङ दोऊ योह यीशु मसीहरंङ बणेंके बंङज़ा तोंई, दुह ए सच्चा परमेश्वर शुह, दंङ दुह अनंत जीवन शुह।